Read Pochuri Naga KÜREIHIRI 12 Bible Online

KÜREIHIRI 12 - Pochuri Naga bible

KÜREIHIRI 12

¹Kükratsüluo, VÜWA; küpakenühnyunü künyitsa küsü nga mükünyiethuoh kenüh; künyitsazhütsari tü anyira tsa nyimpari aza vünüh ramthuoh.

²Anyiri aveh nga ma zhephruwa vü rie küluoh mthuoh; mari tü zhükürie pomieh thi luoveh küpruoprü vünüh phrahteteti.

³VÜWA nüh zhükürie pomieh aveh tehthuoja kümtüwa saluo, kükuotikuoshi küji küsara mizhi,

⁴Mari nüh, “Hiri tü hiri mizhi vi nü chara naveh, hiri pomieh tü hiri vü pehveh; hiri Vüwa tü thawa lo?” ti küza veh,

⁵küpakenühnyunü kümkhuori tü müzhüvü teküwathuoh kenüh, thi küthohtsari tü lüchih küveh kenüh, hi tü khinyi thuoüji sühra naveh, ta VÜWA nüh küza; “Ma nüh müngu küveh kenüh, hi nüh ma vi küloji vü sanaveh,” ta küza.

⁶VÜWA nüh küphrahzhu tü kütse küphrahzhu, rakasa tü azhih rügivü tsoküükuorake vünüh züa naveh, türükeri sakümtse naveh.

⁷O VÜWA, noh tü hiri nyuote luo, wuhle hama vünüh asehkhe küju hiri huo luo.

⁸Awuowuo vü khukekümsüwa tü khie veh, anyira tsa nyimpari azavü kümsüküsa tü sakümsiemthuoh.