Read Pochuri Naga KÜREIHIRI 136 Bible Online

KÜREIHIRI 136 - Pochuri Naga bible

KÜREIHIRI 136

¹ O VÜWA vü kümna tsüluo, ma tü kümhie kenüh, küpakenühnyunü ma mükükhaphrükhale küümze tü, küsuokürho pehküveh kenüh.

²O, Anguora nyiehvü Saküüwuowa vü kümna tsüluo, küpakenühnyunü ma mükükhaphrükhale küümze tü, küsuokürho pehküveh kenüh.

³O vüwara nyieh VÜWA vü kümna tsüluo, küpakenühnyunü ma mükükhaphrükhale küümze tü, küsuokürho pehküveh kenüh;

⁴Ma vü tü ma mpa nüh aküji küngori küsa wie, küpakenühnyunü ma mükükhaphrükhale küümze tü, küsuokürho pehküveh kenüh;

⁵ ma vü tü ma nüh küthsükümshi vünüh atülüri sa, küpakenühnyunü ma mükükhaphrükhale küümze tü, küsuokürho pehküveh kenüh;

⁶ ma vü tü ma nüh azhihwa tü, ajuhri rügivü shohküta, küpakenühnyunü ma mükükhaphrükhale küümze tü, küsuokürho pehküveh kenüh;

⁷ noh vü tü noh nüh aküji küwieri sa, küpakenühnyunü ma mükükhaphrükhale küümze tü, küsuokürho pehküveh kenüh,

⁸arünyi nüh arülowa takrü küsa, küpakenühnyunü ma mükükhaphrükhale küümze tü, küsuokürho pehküveh kenüh;

⁹asa thi awutsiri nüh arüza takrü küsa, küpakenühnyunü ma mükükhaphrükhale küümze tü, küsuokürho pehküveh kenüh;

¹⁰ ma vü tü ma nüh Egyptri küwuo khuwa zothem, küpakenühnyunü ma mükükhaphrükhale küümze tü, küsuokürhopehküveh kenüh;

¹¹ thi mari azhievü nüh Israel vizhuru, küpakenühnyunü ma mükükhaphrükhale küümze tü, küsuokürho pehküveh kenüh;

¹²ape kümzho thi apie küchuo küze taji, küpakenühnyunü ma mükükhaphrükhale küümze tü, küsuokürho pehküveh kenüh;

¹³ma vü tü ma nüh kümru Juhküji kütuorie, küpakenühnyunü ma mükükhaphrükhale küümze tü, küsuokürho pehküveh kenüh;

¹⁴thi Israel tü jüma zhila vünüh saküükari küze, küpakenühnyunü ma mükükhaphrükhale küümze tü, küsuokürhopehküveh kenüh;

¹⁵thitü Faroah thi ma shiejiwa thuoüji, kümru juhküji vü khajakem, küpakenühnyunü ma mükükhaphrükhale küümze tü, küsuokürho pehküveh kenüh;

¹⁶ma vü tü ma nüh ma nyiri sie nü, rezavü vehthuowa, küpakenühnyunü ma mükükhaphrükhale küümze tü, küsuokürho pehküveh kenüh;

¹⁷ma vü tü ma nüh kajiri aküjiri kürhiethe, küpakenühnyunü ma mükükhaphrükhale küm-ze tü, küsuokürho pehküveh kenüh;

¹⁸thi küthohla kajiri rehthe, küpakenühnyunü ma mükükhaphrükhale küümze tü, küsuokürho pehküveh kenüh;

¹⁹Sihon, Amorri kajiwa rehthe, küpakenühnyunü ma mükükhaphrükhale küümze tü, küsuokürho pehküveh kenüh;

²⁰thi Og, Bashan kajiwa, küpakenühnyunü ma mükükhaphrükhale küümze tü, küsuokürho pehküveh kenüh;

²¹thi mari zhih tü aka vünüh tsüm, küpakenühnyunü ma mükükhaphrükhale küümze tü, küsuokürho pehküveh kenüh;

²²vi ma siepewa Israel vü aka tsüm, küpakenühnyunü ma mükükhaphrükhale küümze tü, küsuokürho pehküveh kenüh.

²³Hiri sajiküm vü ma nüh hiri müsheke, küpakenühnyunü ma mükükhaphrükhale küümze tü, küsuokürho pehküveh kenüh;

²⁴thi hiri küümaküshiri vünüh hiri külole, küpakenühnyunü ma mükükhaphrükhale küümze tü, küsuokürho pehküveh kenüh;

²⁵jeküsari aveh vü ma nüh ashie tsü veh, küpakenühnyunü ma mükükhaphrükhale küümze tü, küsuokürho pehküveh kenüh;

²⁶O kümna vi atülü Saküüwuowa tsüluo, küpakenühnyunü ma mükükhaphrükhale küümze tü, küsuokürho pehküveh kenüh.