Read Pochuri Naga KÜREIHIRI 142 Bible Online

KÜREIHIRI 142 - Pochuri Naga bible

KÜREIHIRI 142

¹Hi nüh eh jikhi vi VÜWA vü zie, hi nüh eh jikhi vi VÜWA vü zhiekekükhuo sa,

²Hi nüh eh kürü ma tüvü küshoke, eh küsüro hi nüh ma vü küza.

³Eh sietse thasüküm vü, noh nüh eh leh thsü! Aletse hi nüh khielatse nüh jümari nüh eh kenüh apiehjü viküthimtü.

⁴Hi nüh azhie wuovü noküze, thitü jüla nyi küsü nga nüh, hi thsükütsü münyie nüh sa; kümnyipe küsü nga hi vü mükhe wie, nyi küsü nga nüh hi müno.

⁵Hi nüh noh vü ziethuoh, O VÜWA; noh tü eh kümnyipe ti hi nüh küza, eh suope rhoküpeh azhihwa vü.

⁶Eh küzie vü amüshethsetsüluo; küpakenühnyunü hi tü vikütsuo sheh kümthuoh kenüh! Hi mkünongüri vünüh hi vizhu luo; küpakenühnyunü mari tü eh kenüh kümüzhole kenüh!

⁷Küsizheh vünüh hi vizhu luo, Jüta küsa vünüh hi tü, noh nyo vü kümna tsü mühie veh! Künyitsari nüh hi mükiele naveh; küpakenühnyunü noh nüh hi vü, küwuzhi sheh na küveh kenüh.