Read Pochuri Naga KÜREIHIRI 144 Bible Online

KÜREIHIRI 144 - Pochuri Naga bible

KÜREIHIRI 144

¹VÜWA, eh lokrüwa tü kütsiaküvüwa saluo, arie kenüh hi kümtewa, thi arie küsa kenüh eh tüjüri kümte wa;

²eh lokrüwa thi eh shiekuwa, eh shiekuwa thi eh küvizhuwa, eh joh huo thi hi tü ma vünüh kümnyipe küviwa, ma nüh anyiri vi ma kükhu vü thsethseti.

³ O VÜWA, anyiri tü mowa nü noh tü ma küsieke tsüveh lo, nyutü anyiri atsa thuoüji noh tü ma vü mowa müshe veh lo?

⁴Anyiri tü arütho küsü kümjie, ma rülori tü arüzhe küsü kariteküwa kümjie.

⁵Noh tülüwa saküüngieluo, O VÜWA, thi küüturu luo! Aküzhiri pa luo, jüti sanü anyikhu küükhu luo!

⁶Atsohküürieh küüphrieh luo, thi jümari tü küüprürie luo, noh shüchuri küze nü jümari tü küüzhuhrie luo!

⁷Kümsie vünüh noh ke thsuo zhu luo, ajuh hozake vünüh hi külole thi hi vizhu luo, aliera ke vünüh,

⁸mari apo tü akürie phrahte veh, thi ma ke azhie wuovü tü küzhühjah ake sam.

⁹Hi nüh noh vü azah kürüthe küsü satsü naveh, O Saküüwuowa; li türake topito vünüh hi nüh noh vü khu naveh,

¹⁰kajiri vü kükhrara kütsüwa, noh siepewa David küükülolewa.

¹¹Mükünyishi nyuchuwa vünüh hi külole luo, thi aliera ke vünüh hi vizhu luo, mari apo tü akürie phra veh, thi ma ke azhie wuovü tü küzhühjah ake sam,

¹²hiri atsari mari küviza tü, are shijuküm kümjie küsaluo, hiri tsavühri tü kajizheh ajükeh tovühlokhuo küsa kümjie küsaluo;

¹³ehluori tü küüpro luo, aluo küsüküsü nga totsü taji; hiri nyihzhü tü hiri zhuh vü anyienyie, thi anyie türa khielota küsa vishu luo;

¹⁴hiri mieshümiesa tü atsa khieloti sie kümzahsie luo, mümohzi nüh nyutü mütsazih nüh; hiri lekhujiri vü tü, müshekümnomna küzie müküüpeh tümluo!

¹⁵Loküzhe nyiri tü thari vü, akütsia tsuotsake wa veh ünüh jümari! Loküzhe nyiri tü thara Saküüwuowa nü VÜWA nüh jümari!