Read Pochuri Naga KÜREIHIRI 36 Bible Online

KÜREIHIRI 36 - Pochuri Naga bible

KÜREIHIRI 36

¹ Küphrürie tü kümsüküsa vü phrahteteti, ma luoveh küsheh lovü; ma notha vü Saküüwuowa kükrü münyie luo,

²küpakenühnyunü ma tü ma mpa ma notha vü phrate kümhiehieti ma künakhie tü mphahzhura nüh sanü mümrhüra nüh sam.

³Ma po vü azhüri tü rokümsü thi rieriekhrim; ma tü mütsanü küsa thi kümhie küsa lemthuoh.

⁴Ma tü ma ze vünüh arokümsü mshezezeti; mükümhie aleh vü ma mpa ma vithsethseti; thi tü kümsü müshümja.

⁵Noh mükükhaphrükhale kümze, O VÜWA, atülüri vü prokheveh, noh kütso tü akülüri ju.

⁶Noh künyitsa tü Saküüwuowa aküzhiri kümjie, noh lesari tü aküsheh küji kümjie; anyiri thi samwari tü noh nüh küloleleti, O VÜWA.

⁷Noh mükükhaphrükhale kümze tü küzakele nga rhe lo! Nyira tsari tü noh küsa kükhu lovü kümnyipe sasati.

⁸Mari tü noh küsheküsha zheh vünüh kükhu, thi noh nüh noh nokülo rüku vünüh aküzhu tsütsüti,

⁹küpakenühnyunü akürho juwiwa tü noh vü pehveh; noh küwie vünüh hiri tü aküwie ngu veh.

¹⁰O noh küthsüri vü noh mükükhaphrükhale kümze mükütuo, thi luoveh kümshori vü noh külolewa mükütuo!

¹¹Kuotikuoshi ampha tü eh nyiehvü müküru tümluo, nyutü kümsüküsara ke nüh hi müküzhezhuja tümluo.

¹²Jülatü kümsüküsari küchuoküla zeh veh, mari tü ze kükharimthuoh, müsührarathuoh.