Read Pochuri Naga KÜREIHIRI 55 Bible Online

KÜREIHIRI 55 - Pochuri Naga bible

KÜREIHIRI 55

¹Eh kükhuo vü künaluo, O Saküüwuowa; thi eh küzhiekekhuo vünüh noh mpa nüh müküthi tümluo!

²Eh kükhuo künatüluo, thi hi rületsüluo; eh küsühro nüh hi tü ketemthuoh. Hi tü kütsaza saveh

³eh mükünongüwa jikhi nüh, kümsüküsara kümsü kenüh. Mari nüh hi vü küsüro viküru kenüh, arüküshu vünüh mari tü hi vü mükünoluongü saveh.

⁴Eh luoveh tü eh lovü nüh amüshemnomnaveh, aküsü kükrüküngo nüh hi vü terumthuoh.

⁵Akükrü thi khekheta küsa hi vü ru, thi küüzoküza nüh hi küzhute.

⁶Thi hi nüh, O hi tü mükhrietü kümjie aküsa pe thuoüji! hi tü prütewa nü kümnyie satewa na nü;

⁷ah, hi tü alehküsuo vü tsetewa naveh, hi tü reza vü pehtewa naveh,

⁸Hi tü pre nü eh kenüh kümnyite küsü küpha le, tsomrhü mürhü kümsü vünüh.

⁹Mari nüh kürüzheri zoriemtüluo, O VÜWA, mari mizhiri saküüprümtüluo; küpakenühnyunü hi nüh anyujiwa vü, küvürie thi küsaluo ngu.

¹⁰Arülo thi arüza mari jüma tsemkieleveh, jüma azieri vü mükienü; thi rokümsü thi küsüro tü jüma lovü tü veh,

¹¹küpoka tü jüma lovü tü veh; kümrü thi akürie tü süküsape azhie vünüh kietuo temwa.

¹²Jümatü mükünongüri küsü nüh hi nyiemveh, jüta küsatüla hi tü jüma kenüh küzhikerana; jüma tü küwuluori küsü nüh hi sie wuluoveh ta nga nyu, jüma thuoüji hi tü ma vünüh küthira na nü.

¹³Thitü jüma tü noh, hi sie küzarike wa, eh refüwa, eh küthsüluo füwa.

¹⁴Hiri tü kürü kühaluo loküra viviti; Saküüwuowa zheh lovü nüh hisü tü kürü nü kütse sa.

¹⁵Aküsü tü hi vü küürum luo; mari tü akürho Küsürazhievü küüzem luo; mari tü akükrü vünüh mari rükulori vü küüzem luo.

¹⁶Thitü hi nüh Saküüwuowa ji; thi VÜWA nüh hi külole naveh.

¹⁷Münüleh vü thi rüne vü thi rünyi küzeto vü hi nüh eh kürü thi külüchi küzazhu, thi ma nüh eh jikhi künatsü naveh.

¹⁸Ma nüh küloji vünüh eh kürholi vizhu naveh hi nüh ariepe vünüh, kümlie, Küpakenühnyunü anyi hozake wie nga hi vü lieke küveh kenüh.

¹⁹Saküüwuowa nüh akhüna tsü naveh, thi mari sakürünyie tsü naveh, khana vünüh kükajipe vü küpeh kümwa; küpakenühnyunü mari nüh Khonyowa müküsa kenüh, thi Saküüwuowa mükükrü kenüh.

²⁰Eh riekhuowa tü ake thsuozhu nü ma füri vü thse, ma tü ma kütsathuowa phrüriem.

²¹Ma zhüküphra tü jüre vüjuh nyieh vünüh küzhu, thitü ma luoveh lovü thuoüji arie küsa tü; ma zhüri tü avüjuh nyieh vünüh künyah, tü mari tü anyuchuwa shozhu.

²²Noh khuo fo nü VÜWA vü thsem luo, jüta thuoüji ma nüh noh küürho naveh; ma nüh künyitsari tü piketü küüze nta küsawa nyu.

²³Thitü noh, O Saküüwuowa, nüh mari shohjam naveh, küphieke küsajitsatsa lovü; azüh nyiri thi aroküshiri tü mari rülo küzhila nga kürhowa nyu. Thitü hi thuoüji noh vü alehno naveh.