Read Pochuri Naga KÜREIHIRI 6 Bible Online

KÜREIHIRI 6 - Pochuri Naga bible

KÜREIHIRI 6

¹O VÜWA, noh rüküshu vünüh hi vü müshüke tümluo, nyutü noh rükümtho vünüh hi müphrasosie tüm.

²Hi vü lozhisheh luo, O VÜWA küpakenühnyunü hi tü thasü küvehthuoh kenüh; O VÜWA, hi sakümhietsüluo, küpakenühnyunü eh rüri tü münomna kümthuoh kenüh.

³Eh kürholi nga münomna shehkemthuoh. Thitü noh tü, O VÜWA, küthakele na lo?

⁴Sühle luo, O VÜWA, eh kürho külole luo; noh mükükhaphrükhale külo rieh nüh hi vizhu luo,

⁵küpakenühnyunü aküsü vünüh noh tü kümsheke münyie luo; küsürazhie vü thawa nüh noh küsiake tsüra na lo?

⁶Hi tü eh külüchi vünüh thasümthuoh; arüza kürüzhu arüthsü nüh eh ze küülichü; eh kükrie nüh eh küjinyieze hi nüh athsüju küsa.

⁷Eh küshüthuoke kenüh eh notha tü saküthasümthuoh, eh küümaküshiri aveh kenüh jüma tü thachutewa veh.

⁸ Hi vünüh karitewaluo, nohri kümsü küürohri aveh; küpakenühnyunü VÜWA nüh, eh kükrie jikhi küna kümtüthuoh kenüh.

⁹VÜWA nüh eh küzhiekekükhuo künamtüthuoh; VÜWA nüh eh kükhuo vikeketi.

¹⁰Hi mükünongüri aveh tü zükrüm nathuoh, thi sühroshehm na thuoh; mari tü sheleteru naveh, thi sütsuo küsü vünüh küzükrü vü thsem naveh.