Read Pochuri Naga KÜREIHIRI 92 Bible Online

KÜREIHIRI 92 - Pochuri Naga bible

KÜREIHIRI 92

¹VÜWA vü kümna kütsü tü kümhie küsü, ma nyo vü küsiake zah küsa, O kümsietsawa;

²arüne vü noh mükükhaphrükhale küümze küzazhu na küsa kenüh, thi arüza vü noh künyitsazhütsa küzazhu naveh,

³Pilichu thi takhu khi vi taji, topito jikhi sanaveh,

⁴küpakenühnyunü noh nüh, O VÜWA, noh küüroh nüh hi alosaküüwie kümthuoh kenüh; no kesie kenüh hi tü noh ke nüh küüroh vü azah sa.

⁵Noh küürohri tü küzakelenga ji lo, O VÜWA! Noh kümsheri tü shehshem!

⁶Hama nü küzheri thuoüji müthsüra, küzhehphrori tü hama müthsümümshira:

⁷jüma tü, kümsüküsawa nüh, apra kümjie shi wie ketünga thi kümsüküsari nüh pro wie nga, mari tü küsuokürho küzoriewa vü küzemnathuoh,

⁸thitü noh tü, O VÜWA, küsuokürho kümsie vü peh huo veh.

⁹Halie, noh mükünongüri kenüh, O VÜWA, halie, noh mükünongüri tü pokam na küveh kenüh; kümsüküsari aveh tü voriem naveh.

¹⁰Thitü noh nüh eh rütsü tü, asüpri vo kümjie sakümsie mthuoh; noh nüh eh rügivü avüjuh küshoke tüthuoh.

¹¹Eh nothari tü hi mükünongüri kuotsuotsa teküwa nguthuoh, eh khünari tü hi kümürhüri küpoka künarathuoh.

¹²Künyitsari tü aluophi rhu kümjie kalakenü mrhuveh, thi Lebanon vü amüse küsü kümjie shi veh.

¹³Mari tü VÜWA zheh vü shiesavehthuoh, mari tü hiri Saküüwuowa kükhurüzheh vünüh shiveh.

¹⁴Mari tü khruomwiethuoh ketünga avi pewie veh. Mari tü khra thi mizhi shehke veh,

¹⁵VÜWA tü müshom ta kütsana küsa kenüh; ma tü eh lokrüwa, thi ma vü mükünyitsa küsü nga münyie.