Read Pochuri Naga KÜREIHIRI 97 Bible Online

KÜREIHIRI 97 - Pochuri Naga bible

KÜREIHIRI 97

¹VÜWA tü kaji veh; azhihwa tü nyierakhruo luo; Aju nato vü kürhori tü alowie luo!

²Aküluri thi küzomthsüthsü tü, ma mükie nü pehveh; künyitsa thi kümsho tü ma kükajipe ajupe wa.

³Anyih tü ma tüvü wa, thi ma küwuluori mükie nü pehküvehri tsomümti.

⁴Ma tsorieh nüh azhihwa wieke veh; azhihwa nüh ngu taji küshüh veh.

⁵VÜWA tüvü aküzhiri tü ratewawati, azhih aveh VÜWA tüvü.

⁶Atülüri tü ma künyitsa zhüchüh veh; thi nyiri aveh nüh ma kütholathovü ngu veh.

⁷Atso kükhurüri aveh küzükrü vü thsemthuoh, mari tü amemkünyie anguori vü mari kürhiezarhiechi sa; nyiaza aveh nga ma tüvü küngietsuo veh.

⁸Zion nüh künara nü alowie thi, Judah tsavühri tü nyierakhruo veh, noh shihzhüri kenüh, O Saküüwuowa,

⁹küpakenühnyunü noh tü, O VÜWA, azhih aveh nyiehvü kümsiewa küsa kenüh; noh tü nyiazari aveh nyieh vünüh hozake sakümsiem thuoh.

¹⁰Thari nüh kümsü kre tseveh ünüh VÜWA tü jümari lo veh; ma nüh ma kümtseri kürho müshie veh; ma nüh kümsüküsara ke vünüh mari vizhu veh.

¹¹Künyitsari kenüh aküwie tü thohrietsü veh, thi luoveh kümshori kenüh loküzhe.

¹²VÜWA vü nyierakhruo luo, O nohri künyitsari, thi ma nyo kümtsewa vü kümnatsüluo!