Read Pochuri Naga KÜMTSAZHÜ 18 Bible Online

KÜMTSAZHÜ 18 - Pochuri Naga bible

KÜMTSAZHÜ 18

¹Nyuri siemkütsarürari thuoüji küsathuo kümhie wule kümhie aveh zokhuo na küsa kenüh wiethuoh.

²Zanyo mküthsüri thuoüji küthsükümshi vü müshe müthse, thitü ma müsheküüna nta küsa mpa wie.

³Kümsüküsa küru vü, momakütalo nga ruruti; thi müküchiekürhe vü saküüzükrü ru veh.

⁴Anyira po lovü azhü tü aküsheh ajuhri; kümahtsa küwuzhu thuoüji akuza küpuzhu küsü.

⁵Kümsüküsari küsü vü kümzekümrhü küsa tü mümhie, nyutü künyitsari vü kümsho kükule tü mümhie.

⁶Zanyo mküthsüra pomie thuoüji küsaluo viru veh, thi ma po tü küüjakünya nyieke veh.

⁷Zanyomküthsüra po thuoüji ma ferie veh, thi ma pomie tü ma mpa ma küjurü sasati.

⁸Küüzhühwera zhü tü azhiekümhie kümjie; jümari tü asümo alowa vü tetututi.

⁹Ma küüroh vü küthachuthanyiewa tü küzorie anü küsü wie thuoh.

¹⁰VÜWA nyo tü akhajie kümzho küsü, künyitsari tü jümawa vü zhüwa nü toterarati.

¹¹Nyirhiera künyirhie tü ma nyuji kükhra, thi ma kütote azie kümsie küsü kümjie.

¹²Müjie küzorie atüvü thuoüji anyira luoveh tü wukhawurie, thitü saküürünyie thuoüji küchiekürhe tüvü wa veh.

¹³Mükütüküzü nyi küsü nüh müjie küünara vünüh rüle thuoüji, jüma tü ma küzhehphro thi küzükrü.

¹⁴Anyira sietse tü aküna küzhike naveh, thitü asietse münomna kütsewa tü thawa nüh vütera na lo?

¹⁵Kümtsamla amüshe thuoüji zanyoküthsü nguraveh, thi aküthsüwa khüna tü zanyoküthsü phahphahti.

¹⁶Anyira küte nüh ma kenüh ate satsü veh, thi anyi küjira tüvü sieru veh.

¹⁷Ma shih vü azhüküphra khuwa nüh küükato üta satewawati, küpari nüh ru nü ma müjie kürüzheno küju nü.

¹⁸Aküze tü küüjahkünya sehkhe satsütsüti, thi kümzho khielota küproluo azhievü zhühthuo tsütsüti.

¹⁹Anü küsü küükra thuoüji anyuji kümzho küsü kümjie wiethuoh, thitü küüraluo thuoüji alohzheh vü mürüli küsü kümjie wiethuoh.

²⁰Ma po avi vünüh anyiri tü lora ra veh; ma tü ma pomie vi vünüh lora veh.

²¹Aküsü thi akürho tü amizhi kükhra vü pehveh, thi jüma külori thuoüji mavi tsanaveh.

²²Avüvüh küngurawa thuoüji zanyo kümhie küsü, thi VÜWA vünüh küütso vira veh.

²³Kümkhuori thuoüji khokepepeti, thitü nyirhieri thuoüji shüluoshütü nü rüleleti.

²⁴Afü hozake wie nga afü küthse pehkheveh, thitü ajienü nyiehvü nüh afü nüh küürhietso khe.