Read Pochuri Naga KÜMTSAZHÜ 4 Bible Online

KÜMTSAZHÜ 4 - Pochuri Naga bible

KÜMTSAZHÜ 4

¹Künaluo, O atsari, apara küsüphie, thi amüshethse luo noh nyie na küsa kenüh;

²küpakenühnyunü hi nüh küsosiezhü kümhie noh kütsü kenüh; eh küsosie mükule tümluo.

³Hi tü eh pa vü atsa küsü saküveh vü, rünyi nü eh zah nokhie vü vehküsü sa,

⁴ma nüh hi sosie taji, “Noh luoveh tü eh zhüri küüjeh phoke luo; eh zhühnyori müzhe nü rholuo;

⁵müküma tümluo, thi sühle temwa tümluo, eh po lovü azhüri vünüh. Kümahtsa vi luo; aküthsü vi luo,

⁶jüma mükule tümluo, jüta thuoüji ma nüh noh vipeh naveh ünüh; ma kümzeluo, jüta thuoüji ma nüh noh huote naveh ünüh.

⁷Kümahtsa küsatewa thuoüji hama: kümahtsa vi luo, thi noh nüh mowa ngu naveh ünüh, kümahtsa vü vithse luo.

⁸Ma jisuo sakümsietsüsheh luo, jüta thuoüji ma nüh noh khake tsü naveh; noh nüh ma kheke thuoüji ma nüh noh chierhe naveh,

⁹ma nüh noh lü rügivü azhoküzü thsetsü naveh; ma nüh noh rügivü, kajilüwe küzüsheh küsü thsetsü naveh,” ta küza.

¹⁰Künaluo, eh tsa, thi eh zhüri vi luo, noh kürho mahviri tü hozake na küsa kenüh.

¹¹Hi nüh kümahtsa leh vi noh sosie thuoh; hi nüh kümsho lekhuji küjo noh tsüthuoh.

¹²Noh tseküwa vü, noh lekha tü kükhietowanyu; thi mükütüküzü noh nüh zhü wie ketünga, noh tü kümshüwa nyu.

¹³Küsüphie küjehphoke luo, müja tümluo, ma hute luo, küpakenühnyunü jüma tü noh kürho küsa kenüh.

¹⁴Kümsüküsara lekhuji vü mütu tümluo, thi kümsü nyira leh vü mütse tümluo.

¹⁵Jüma mükieh luo; jüma vü müwa tümluo; jüma vünüh sühle luo thi kari tewa wie luo,

¹⁶küpakenühnyunü mari tü müküleh müküsa wie nü mari tü müzeh ra; mari tü nyi küsü ajih müjie saküümshü nü mari tü müzehke ra,

¹⁷küpakenühnyunü mari tü kümsüküsa lohse tsa, thi küvürie akhah zhu küveh kenüh.

¹⁸Thitü künyitsara lekhuji thuoüji atholeh küwie kümjie, jüma tü müjiekütho küju nü küwieküwie wa veh.

¹⁹Kümsüküsara leh thuoüji zomthsüthsü kümjie; mari tü mowa rügi vünüh müshüveh ünüh mari tü müthsü.

²⁰Eh tsa, eh zhüri vü künaphoke luo; noh khüna tü hi nüh küüza vü kümrheke luo.

²¹Jümari tü noh notha vünüh mükümrie tümluo; noh luoveh lovü saluo,

²²küpakenühnyunü mari tü jümari küphahra akürho küsa kenüh, thi ma sa aveh vü saküümhiera küsa kenüh.

²³Noh luoveh tü kümtsamla aveh vü saluo; küpakenühnyunü jümawa vünüh akürho tü shuru küveh kenüh.

²⁴Noh vünüh küükhuh küphrahte aveh vijam luo, thi mkümhie kühaluo aveh tü noh vünüh küületsuom luo.

²⁵Noh notha tü külesho atüvü küünoluo, thi noh kün vü noh tüvü kümsho no küüze luo.

²⁶Noh mpha lekhuji vü azhüzhüluo, jüta thuoüji noh lehri aveh vü kütohra naveh ünüh.

²⁷Azhie wuovü nyutü azhu wuovü müküzüke tümluo; noh mpha tü kümsüwa vünüh sühle luo.