Read Pochuri Naga SOLOMON KÜREIHIZAHRI 5 Bible Online

SOLOMON KÜREIHIZAHRI 5 - Pochuri Naga bible

SOLOMON KÜREIHIZAHRI 5

¹Hi tü eh phari vü ru, eh tsevühwa, eh kümnyutevühwa, hi nüh eh thsorhe thi eh küüngukümie vizhuh, hi nüh eh wepha vi nü eh wejuh tsa, hi nüh eh khah thi eh tünüjuh ti zhu. Tsaluo, O füri, thi zhu luo: zhuphoke luo, O külori!

²Hi tü zehketewa, thitü eh luoveh thuoüji müzehke, Künaluo halie! eh küümzewa nüh kütü veh ünüh. “Sa hi tsüluo, eh tsevühwa, eh küümzewa, eh mükhrietü, eh küjutsawa; küpakenühnyunü eh lü tü aküzo nüh jukümthuoh kenüh, eh sheh ri tü arüza küümo nüh jiemthuoh,” ta küza.

³Hi nüh eh thsünyawa fojamthuoh, mokümjie hi nüh jüma vivü na lo? Hi nüh eh mpha khrümthuoh, mokümjie hi nüh jümari azhihküükuo le na lo?

⁴Eh küümzewa tü amkhie vü ma ke thse, thi eh luoveh tü eh lovü nüh khielota lozheveh.

⁵Eh küümzewa vü satsü nti hi nüh sühra, thi eh ke tü kürhengu nüh rütsuo veh thuoh, eh tüjüri tü kürhengu ajuh nüh rütsuo vehthuoh, amükhie küzieh akeküvipe rügivü.

⁶Hi nüh eh küümzewa vü satsü, thitü eh küümzewa tü sühle nü tewa. Eh kürholi tü ma nüh küüza vü hi sakünyiah tsam. Hi nüh ma phah, thitü müngura nüh sam; hi nüh ma ji, thitü ma tü kürüle mütsü nüh sam.

⁷Künotewa nüh hi ngutem, mari nüh anyujiwa vü kuotse küzüle küwavü, mari nüh hi fe, mari nüh hi sakümnomnatsü, mari nüh eh satsa küüzhuteri vitewa, azieri künote nyiri nüh.

⁸Hi nüh nohri küüsiezhü phrazhutsüveh, O Jerusalem tsavühri, mükütüküzü nohri nüh eh küümzewa ngura thuoüji, nohri ma vü küza luo, hi tü, külekülo kenüh naveh ünüh, ti.

⁹Noh küümzewa tü mowa nü küpara küthomori nyieh vünüh lo, O nyimzari aza vü nüh küzütsawa? Noh küümzewa tü mowa nü küpara küthomori nyieh vünüh lo, hakümjie vünüh noh tü hiri küshiezhü tsanaveh ülo?

¹⁰Eh küümzewa tü aveh wieshe thi khrasheh, anyie türake aza vü müjüzhura.

¹¹Ma lü tü suna lathatsawa, ma shehri tü kütsom, awuo kümjie akünyi.

¹²Ma notha tü mükhrietü kümjie ajuhwiküshu juh nato vü, tünüjuh vünüh küzü, katosheh ke.

¹³Ma nakie künyi tü küüngukümie aze kümjie wie, kürhengu peveh. Ma pomie künyi tü asanü wiethuoh, athsorhe juh zü taji.

¹⁴Ma pie künyi tü suna akre wiethuoh, rakasa nüh vi sa. Ma sümo tü aruoha nüh sa, khemsitheloh vi küzhute.

¹⁵Ma jih künyi tü atovüri wiethuoh suna kütokepe rügi vü sa. Ma tsoküo tü Lebanon kümjie, amüse kürüka kümjie wiethuoh.

¹⁶Ma zhüküphra tü kümngetsa wa, thi ma tü aveh zhie nüh kümnguwa wiethuoh. Hama tü eh küümzewa thi hamatü eh füwa, O Jerusalem ts