Read Pochuri Naga ISAYA 15 Bible Online

ISAYA 15 - Pochuri Naga bible

ISAYA 15

¹ Moab kenüh azhüle küsü, küpakenühnyunü rüza küsü vünüh Ar tü aküja vü samthuoh, Moabtü müsanüh samthuoh,

²Dibon tsavühri tü azhie kümsieri vünüh krie nta tekhruthuoh; Moab tü Nebo thi Medeba nyiehvü rietsi veh. Alü aveh rügi vü tü mütham, akhane aveh tü se khehm;

³mari tü lekhujiri vü anyirü tseke; azheh rügiri vü thi anyularivü, anyiri aveh nga rietse veh thi arüthsü vünüh ramthuoh.

⁴Heshbon thi Eleale tü zie zhu, mari jükhi tü Jahaz küju künara; jükenüh Moab anyi rietsokrü küvüri nüh zie kürügi; ma sietse tü khekheti küshüh.

⁵Moab kenüh eh luoveh tü zie shuru; ma küpriri tü Zoar vü zhütewa, Eglath Shelishiya küju, küpakenühnyunü Luhith vü kükhru leh vü mari tü krie nü khru; Horonaim lehkhuji vü mari tü küzorie, mari tü aküzie jikhi kürü sa;

⁶Nimrim ajuhri tü küüzo küsü samthuoh; are tü wazhümthuoh, kürüke küshiri tü müshira nüh samthuoh, reküzhiri tü münyie wie thuoh.

⁷Jükenüh mari nüh küwalewa tü nyiemthuoh thi mari nüh mowa saveh ünüh mari nüh Thsojiri kuza nyievü vü tewathuoh,

⁸küpakenühnyunü aküzie küsü Moab azhih vü kuoküzüle wathuoh; kürietsie tü Eglaim juvehthuoh, kürietsie wa tü Beerelim juvehthuoh,

⁹küpakenühnyunü Dibon ajuhri tü azüh nüh pro kümthuoh kenüh, tü hi nüh jüma nyie vünüh Dibon vü viru naveh, mürieteküwa Moab kenüh amiewuo küsü viru naveh, azhih jüla kümtori kenüh.