Read Pochuri Naga ISAYA 17 Bible Online

ISAYA 17 - Pochuri Naga bible

ISAYA 17

¹ Damaska kenüh azhüle küsü. Halie, Damaska tü anyoji küsü küsa lem nathuoh, thi ma tü ferie kümprokem nathuoh.

²Ma nyujiri tü küsuokürho kütheküja sanathuoh; jümari tü anyihnyihri kenüh sam naveh, mari nüh zeh tsuo wie ketünga, nyi küsü nga nüh mari saküükrüwanyu.

³Efraim vünüh ashieku kümzhori tü münyie nüh samnathuoh, thi Damaska vünüh kajipewa münyie nüh samnathuoh; thi Siria kümtori tü Israel atsari kütholathovü kümjie sanaveh, ta VÜWA nüh küza.

⁴Thi jüma rülovü Jacob kütholathovü tü asaji vü vim naveh, thi ma sa aküthü tü tsim naveh.

⁵Thi jüma tü aküwieri nüh amütha kütoke küvizhuh üta sanaveh, thi ma pie tü amüthazhuhri kümahwie üta sanaveh, thi Refaim Anyuowa nü nyi küsü nüh amüthazhuh mahseküphah üta sanaveh.

⁶Jümawa vü amahse kükhe naveh, olive rhuri rhojaküm kümjie, avi künyi küche apruo kümsietsa rügivü küükhe üta, athsovi arhu küsü tsuona ri vü avi müzü nyutü münga küükhe üta, ta Israel VÜWA Saküüwuowa nüh küza.

⁷Jüma rülo vü anyiri tü mari küsawa chieke naveh, thi mari notha tü Israel kümtsewa no naveh;

⁸mari tü makeri küüroh kükhurüpehri kenüh künyi shi küpehwa nyu, thi mari tü mari mpa mari tüjü nüh mowa sanüh, Asherim nga satü nyutü asierhe kükhurüpa nga satü künowa nyu.

⁹Jüma rülo vü mari nyuji kümzhori tü Hivri thi Amorri azhie küthehjaküm, mari nüh Israel tsari kenüh küthehjakümri kümjie sam naveh, thi jüla tü küzoküzam nathuoh,

¹⁰küpakenühnyunü nohri nüh nohri küülole Saküüwuowa kümaküm kenüh, thi nohri kümnyipe Lokrüwa mümshekethuoh; jükenüh nohri nüh akülo rüzhe wie nga thi aliera nyiaza sake wie nga,

¹¹noh nüh jümari kürüzhe rülo vü noh nüh jümari saküshowie ketünga, thi noh nüh küzhuhwa arüne vü sa küüwa wie ketünga; tü asheküsü thi aküna samküümhiera rülo vü kümahwiewa tü zhütewa naveh.

¹²O, anyi hozake atsohküshi tü, mari tsohküshi tü juhküji tsohküshi kümjie! O, akuoküjira khikükhu tümari khikükhu tü ajuh kümzhora khikükhu kümjie!

¹³Akuohjira khikükhu tü ajuh hozake khikükhu kümjie, thitü ma nüh mari shüke naveh, thi mari tü kületsuo vü zhütewanaveh, aküzhi rügivü amürhü tüvü müthakuh zhekütse kümjie thi nyiazamrhü zhitho atsomrhü atüvü zhekütse kümjie.

¹⁴Münüleh tsotho vü, halie, kükrükünyo! Arüne atüvü jümari tü münyie nüh satewa! Hamatü hiri azhi re viteküwara suope, thi hiri azhi prüviteküwara müthoh.