Read Pochuri Naga ISAYA 53 Bible Online

ISAYA 53 - Pochuri Naga bible

ISAYA 53

¹ Hiri nüh küünarawa thawa nüh tsotülo? thi thawa vü VÜWA apie tü kütsa küngulo?

²küpakenühnyunü ma tü are kürünyi kümjie ma tüvü khruoru thi azhito küüweh vünüh arüzoh küsü kümjie; ma tü atso nyutü nolo nü hiri ma no nti küsa münyie, thi ma küzü peh taji ma kümngu nga nyu.

³Ma tü anyiri nüh ma rü thi kulem; luovehkünari küsü, thi müsheküsü; thi anyiri tü nyi küsü vünüh manyieh küüthi üta, ma tü rümü, thi ma mrhe nüh samü.

⁴ Ma nüh hiri asheküsü vümtüthuoh thi hiri aluoveh küna vümtüthuoh; tü hiri nüh ma losakürü nü müzhe thuoh, Saküüwuowa nüh kürhie, thi münomnamthuoh.

⁵ Hiri nüh küphrürie kenüh müsamna, hiri künakhieri kenüh ma tü tohm thuoh; ma saküümnomnawa vi hiri sa kümhie thi ma fekütsü kenüh hi sa kümhietsü

⁶ Hiri aveh nga nyihzhü kümjie tsetewa thuoh; hiri tü aveh nga papa lekhuji vü tewa thuoh; thi VÜWA nüh hiri künakhie aveh vi ma rügivü thsem thuoh.

⁷ Ma tü mürü, thi ma tü sakümnomnam, tü ma tü ma po mpohka; anyihzhü kümjie ma tü küfethepe vü siewa, thi anyihzhü künehkütehri atüvü küpeh kümjie ma po shükheke, jüüta ma tü ma po müka.

⁸Ma kümrü thi ashih vünüh ma sietewa; thi ma kürulera wuohle kenüh ma tü rhoküveh azhihwa vünüh ma tü vijaküm, eh nyiri kükhie kenüh fethem?

⁹ Thi mari nüh ma rüku tü kümsüküsari sie küsü sa, thi ma küsü vü nyirhie nyi küsü vi nyi samthuoh, ma mpa nüh ma tü küvürie müsa wie ketünga, thi ma po vü tü kürie riekhri münyie luo.

¹⁰Tü ma kümnomnam küüsa tü VÜWA kümshe sa; ma nüh ma mpa ma ri kükhiemuo kenüh tsüküm vü, ma nüh ma küshukürari ngu naveh, ma nüh ma rüthori saküsuotsü naveh, VÜWA kümshewa nüh ma vü sakü tsarhie tsü naveh;

¹¹matü ma kürholi tsa kütsüna aviwa ngu nü lora naveh; ma zanyoküthsü vünüh künyitsa wa, eh siepewa nüh, anyi hozake wie nga künyitsa vü chieke naveh; thi ma mari künakhieri vikevü naveh.

¹² Jükenüh hi nüh ma vi aküjiri asoupe küsü küsuo vü thse naveh, thi ma tü zhechie kinari anyi kümzhori sie küsuo naveh; küpakenühnyunü ma nüh ma kürholi a küsüri vü küshoketsü, thi küphrürieri sie kürükemthuoh; tü ma tü anyi hozake kükhiemuo vütü, thi küphrürieri kenüh amüthohkhuo.