Read Pochuri Naga LEVIRI 15 Bible Online

LEVIRI 15 - Pochuri Naga bible

LEVIRI 15

¹VÜWA nüh Mosa thi Aron vü,

²Israel nyiri vü küza luo, nyimpari küsü nüh ma satsawa vünüh mükümtse shuru thuoüji jüma tü mümtsethuoh;

³tinü ma mükümtse küshuwa kenüh hamatü khonyo kütsü: ma mpa nüh ma mükümtsewa shuluo, nyutü khetewaluo hamatü ma kenüh mükümtse.

⁴Ma nüh aze khiekhiela zeh ünüh jümari aveh vü thuoüji mümtsethuoh; thi ma nüh ape khiekhiela shupeh ünüh mümtse khehthuoh.

⁵Thi thari nüh ma ze pa naveh ünüh thsümnyi rüshüm thi ajuh küzüm nü münüleh küju mümtse nüh sanaveh.

⁶Thi thawa nüh ma nüh khiekhiela shupeh naveh ünüh jümari vü shupeh thuoüji thsümnyi rüshüm thi ajuhküzüm nü münüleh küju mümtse nüh sanaveh.

⁷Thawa nüh anyi jüma satsa pa naveh ünüh ma thsümnyi rüshüm thi ajuhküzüm nü münüleh küju mümtse nüh sanaveh.

⁸Anyi jüma nüh anyi wuori vü amütse müshükem thuoüji ma thsümnyi rüshü thi ajuhküzü nü münüleh küju mümtse nüh sanaveh.

⁹Thawa nüh ma nüh küpeh rawuh sahupe rügivü shupeh naveh ünüh mümtse nüh sam naveh.

¹⁰Thi anyi thawa nüh ma tsokrü küsüküsü nga pa naveh ünüh münüleh küju mümtse nüh sanaveh; thi thawa nüh mükümtse turuküvehwa tsokrü pa naveh ünüh jümawatü ma thsümnyi rüshüm thi ajuh küzüm ti sanü münüleh küju mümütse nüh sanaveh.

¹¹Azhüazhü nüh akünawa tü ma ke mümtso nüh anyi wuori pa thuoüji anyi jüma tü ma thsümnyi rüshü thi ajuh küzü ti sanü münüleh küju mümtse nüh sanaveh.

¹²Azhüazhü nüh ma nüh azhihküfü küsüküsü nga pa thuoüji küfü jüma tü zokhuom naveh, thi ate küsüküsü nga ma nüh pa thuoüji ate jüma tü ajuh nüh khrüm naveh.

¹³Jüsevü ma satsa vünüh mükümtse shuküvehwa tü mütsem thuoüji, ma mütseküm kenüh rülo türü chie nü ma thsümnyi rüshü thi ajuh liküveh vünüh ajuh küzüm ti sataji mütsem naveh.

¹⁴Jüti sanü rülo tüzeawa ma tü ato mükhrietü künyi nyutü azheh mükhrietü kürünyi künyi vi nü juhthsü nazizheh VÜWA tüvü ru taji navüwa tsü naveh

¹⁵Thi navüwa nüh jümasü vi nü küsü thuoüji kükhiemuo kenüh kükhurü sanaveh thi küpawa thuoüji kütso kükhurü sanü ma vünüh mükümtse shuküvehwa kenüh VÜWA tüvü kürhehsa küüroh ma kenüh sanaveh.

¹⁶Azhüazhü nyi küsü nüh ma krujuh shutewa thuoüji ma satsa aveh ajuh nüh khrüm nü münüleh küju mümtse nüh sanaveh.

¹⁷Thi zanyo küsüküsü nga akrujuh[2] kükuokem thuoüji ajuh nüh rüshüm naveh thi münüleh küju mümtse nüh sanaveh.

¹⁸Nyimpari küsü nüh nyimzari siezeh nü akrujuh shu thuoüji masü khürü nga ajuh küzüm taji münüleh küju mümtse nüh sanaveh.

¹⁹“Nyimzari küsü nüh asa kürüzhu ma kümne küturuwa sa thuoüji ma tü rülo türü kümne vü peh naveh, thi thawa nüh ma pa naveh ünüh münüleh küju mümtse nüh sanaveh.

²⁰Thi ma nüh mükümtse tsothovü khiekhiela zeh thi peh ti sanaveh ünüh mümtse nüh sanaveh.

²¹Thawa nüh ma ze pa naveh ünüh ma thsümnyi rüshü thi ajuhküzü nü münüleh küju mümtse nüh sanaveh.

²²Thi thawa nüh ma nüh küpehpe pa naveh ünüh ma thsümnyi rüshü thi ajuhküzü ti sanü münüleh küju mümtse nüh sanaveh;

²³ma ze saluo nyutü ma nüh küpeh peluo thawa nüh pa naveh ünüh ma tü münüleh küju mümtse nüh sanaveh.

²⁴Nyimzari küsü nüh mümtse nüh pehküveh vü nyimpari küsü nüh siezeh thuoüji nyimzawa mükümtsewa tü ma vü pehvehthuoh, tinü nyimpawa tü rülo türü mümtse nüh sanaveh thi ma nüh aze khiekhiela zeh naveh ünüh mümtse nüh samnathuoh.

²⁵“Nyimzari küsü nüh ma kümne küvü tsotho vü mükünyu rülo küpavü rülo hothake mükümtse turum, nyutü ma kümne küturuwa tü rülo küsuo turum ti thuoüji kümne turu küveh küju thuoüji küturu tsothovü kümjie ma tü mümtse nüh sanaveh.

²⁶Ma nüh aze khiela zeh thi ape khiela shupeh naveh ünüh ma tsotho vü mükümtse küturu vü kümjie jüma tsotho ajü nga mümtse nüh sanaveh.

²⁷Thi thawa nüh ma pe ma ze pa naveh ünüh ma thsümnyi rüshü thi ajuhküzü ti sanü münüleh küju mümtse nüh sanaveh.

²⁸Thitü ma kümne küturuwa mütsem thuoüji ma tü rülo türü chie nü jüsevü nüh mütse naveh.

²⁹Jüti sanü rülo tüzeawa ma tü ato mükhrietü nyuji azheh mükhrietü künyi juhthsü nazizheh lehpie vü navüwa vü viru naveh.

³⁰Thi ma mükümtse kenüh navüwa nüh küsü thuoüji kükhiemuo kenüh kükhurü thi küpawa thuoüji kütso kükhurü sanü VÜWA tüvü nüh ma kütsathuo küüroh sanaveh.

³¹“Hakümjie vünüh Israel nyiri tü mari mükümtse vünüh saküpa, thi mari azhievü eh kükhurüzheh pehküvehwa sakümnem nü mari thama küüsü kenüh,” ti küza.

³²Hamatü ma satsawa vünüh mükümtse küshu thi ma krujuh küshu vünüh mükümtse kenüh khonyo kütsü;

³³jü mpa mükünyu nyimzari küsü nüh kümne küturu, jüma tü küsüküsü nga ma mpa nüh nyimpariluo thi nyimzariluo mükümtse küturu, thi nyimpari thawa nüh nyimzari mümtse nüh saküveh vü siezeh naveh ünüh jüma kenüh khonyo kütsü wie.