Read Pochuri Naga JEREMIA 12 Bible Online

JEREMIA 12 - Pochuri Naga bible

JEREMIA 12

¹Künyitsa tü noh thuoh, O VÜWA, hi nüh noh vü sie küüproluo vü; tü hi nüh noh vü eh kütsazawa khuo naveh. Mokenüh kükhurüri tü tsarhie veh lo? Mokenüh aroküshiri aveh tü nyirhiera veh lo?

²Noh nüh jümari shie, thi jümari tü rüzoh chake; jümari tü shi nü shenyi veh tü mari luoveh vünüh letsuom.

³Thitü noh tü, O VÜWA hi thsü veh; noh tü hi ngu veh, thi eh müshe noh wuovü müte veh. Nyizhü kürehthe kümjie jümari shehzhu luo, thi kürehthe rülo vü kenüh jümari saküpa saluo.

⁴Azhihwa tü küthakele nga külu peh na lo, thi ato vü apra tü wazhü na lo? jüla kürho kümsüküsari kenüh asari thi amüwari tü ramthuoh, küpakenühnyunü anyiri nüh, ma tü hiri kürho sekhe küngu wa nyu, ta küza kenüh.

⁵“Mükütüküzü noh nüh ajih vünüh nyiri sie zhü thuoüji, mari nüh noh sakümnom thuoüji, noh tü mokümjie arawuh sie samjieh ra na lo? Thi mükütüküzü noh tü kütote azhih küsü vü külumthuoüji, noh tü Jordan reza vü nü moti sana lo?

⁶küpakenühnyunü noh jienüri thi noh pa zheh lori wie nga, thi mari noh vü aroshisheh nü sa wie nga; mari tü noh se vünüh zie sheh wie; mari mtsotü tüm, mari nüh noh vü azhükümhie phra wie nga.”

⁷Hi tü eh zheh kulemthuoh, hi tü eh wurhie jamthuoh; hi nüh eh kürholi küümzewa ke vü tsümthouh.

⁸Eh wurhu tü areza vü amiewuo küsü kümjie hi vü samthuoh, ma tü hi vü ma jikhi zie kümsie mthuoh; jükenüh hi tü ma mürhüm.

⁹Eh wurhu tü hi vü amüwa kümjie wie thuoh ülo? Amüwa ashieküphari tü ma mükielem wie thuo ülo? Waluo, samwari aveh sehzhu luo; shohrie na küsa kenüh mari sieru luo.

¹⁰Nyihzhükühuo hozake nüh eh rhelivizhuh zoriemthuoh, mari nüh eh suope nyinyamthuoh, mari nüh eh külo suopewa küüzo reza küsü küsamthuoh.

¹¹Mari nüh jüma tü küüzo küsü küsamthuoh; küüzomthuoh, jüma tü hi tü küluveh thuoh. Azhih jüma ajü tü küüzo küsamthuoh, thitü nyi küsü nga nüh jüma vi aluoveh lovü müthsethuoh.

¹²Küzorieri tü reza vü azhie kümsie kümtse rügi aveh vü terumthuoh; küpakenühnyunü VÜWA nyuchu wa tü azhih küpote küsü vünüh küpawa vü küja zorie mümti; akürho küsü nga luovehkürüzhi münyie luo.

¹³Mari nüh hiemtha zhuh, tü arüzhü wie vi, mari tü mari mpa kümno sa thitü zanyo küsü nga akütsa münyie. Mari tü mari kümahwie vünüh zükrü naveh küpakenühnyunü VÜWA kükrükhre nü küshu kenüh; ti küza.

¹⁴Eh zhephrou kümsü hi nüh eh nyi Israelri nüh mükate üti tsü küm akawa küpari kenüh VÜWA nüh hakümjie küza veh: “Halie, hi nüh mari azhih tü nüh mari mütathuom naveh, thi hi nüh mari azhie vünüh Judah zhehlori müta thuo naveh.

¹⁵Thi hi nüh mari mütathuoküm sevü hi nüh mari vü rüthaküna peh naveh, jüti sanü hi nüh mari nyi küsü mari akaküvi vü sieru le taji ma zhih vü sanaveh.

¹⁶Thi ha üta küsa ru naveh, mükütüküzü ma ri nüh kükhakükhe nü eh nyira lehkhuji thsü, eh nyo vünüh küshie taji,” VÜWA nüh rhoküveh üta, ta sanü küshie, mari nüh eh nyiri nü Baal vünüh küüshie küsosie üta, jüüta thuoüji mari türa eh nyiri aza vü sanaveh.

¹⁷Thitü akuoküji küsüküsü nga müküna thuoüji hi nüh jüma müta thuoh kümtse jum naveh; ta VÜWA nüh küza.