Read Pochuri Naga KÜRÜMUO 4 Bible Online

KÜRÜMUO 4 - Pochuri Naga bible

KÜRÜMUO 4

¹Mokümjie asuna wa tü süm thuoh lo, mokümjie suna alathawa tü tsomthuoh lo! Kümtse alori tü alera aveh vü zhuhriekhemthuoh.

²Zion tsa akürheri, mari ameküpeh küüzho tü suna vü peh veh, mari tü mokümjie azhih kü füri vü chiekemthuoh lo, aküfü küsawa ake küüroh vü chiekem thuoh lo!

³Rezanyihnyihri wie nga mari tünü vi nü ma tsari rozaveh, thitü eh nyiri thuoüji kudekurümthuoh, areza vü amwa kümsüwa kümjie.

⁴Nyuonyitera mizhi tü küürieh kenüh aluole vü küpehketewa thuoh; kürünguori tü ashie khuo, thitü nyi küsü nga nüh zanyoküsü nga mütsü.

⁵Ashierhe vi kütsa zhu küsari tü alerari vünüh pokahmüti; küsümo thsümnyi vü nü rhoküruri thuoüji aweji vü küwizehzehti.

⁶Eh nyira phraküsosie thuoüji Sodom kümnomna nyiehvü nüh jimthuoh, jüma tü sütsuo küsü vünüh vehjamthuoh, ake küsü nga ma vü müthse wieketü nga.

⁷Ma kajitsavühri tü amüra nyiehvü nüh mütham; tünüjuh anyievü nüh müjim; ma satsari tü ashühie nyievü nü mürumwuo, mari küzü tü khremloh kümjie.

⁸Ma tsonyieri tü anyihkri anyieh vünüh nyi; mari tü alerari vü mümjura, mari sahu tü mari arü nyiehvü müzüke te wa thuoh; jüma tü athsoh üta küwehkuokikitewa thuoh.

⁹Kürüma vünüh khethe küsüri thuoüji anyuchuwa nüh kürethemüri küülozhe khe, mari azhuh vü thsoviri kütsangü vünüh khethe nü süteküwari.

¹⁰ Krevüh rüthakünawa ake thuoüji mari mpa mari atsa ajuh nüh vehvehti; eh nyiri küzorie vü vi nü mari ashie samümti.

¹¹VÜWA nüh ma rükümtho vü zanyo aveh tsü khehkhehti; ma rüküshu aküsawa küshoke, thi Zion vü anyih küsü tsoküze nü ma ajupe ri tsoriem.

¹²Azhihvü kajiri mütsotü nüh sam, nyutü azhihnyiehvü arhieri nyi küsü nga mütsotü nüh sam, küümaküshiwa nga nyutü mükünongüwa nga Jerusalem kheri lovü kütura sa.

¹³Jümatü ma setsaküthsüra kükhiemuo kenüh, thi ma navüri künakhieri kenüh, mari nüh ma zhievü nüh künyitsara züh küthü.

¹⁴Mari tü kümuomuo alerari vü tse wa, jükümjie vünüh nyi küsü nga mari thsümnyi müküshikera azühvi nü sakümnem.

¹⁵“Tewaluo! Mükümtse,” jüüta nyiri nüh mari vü zie; “Tewaluo! Tewaluo! Müshike tüm,” Jüti sanü mari tü ape-aze mkünyierii sam nü akütse ri satewa, jüma tü akuoküjiri azavü küza vü, “Mari tü hala peh müküzhikerathuoh,” ti küza.

¹⁶VÜWA ma mpa nüh mari saküvohrie thuoh, ma tü mari küchieke lewa nyuthuoh; küchiekürhe küsütü anavüri vü mükütsa, kükhruori vü küütso mükütsa.

¹⁷Hiri notha tü sazihm, müjuju küükra nopeh nü; hiri tü müküülolera akuoküji küsü lieke nü nopeh.

¹⁸Mari nüh jinyiperi müsaphie wie nta sanü hiri tü alerari vü mütsera nüh sa, hiri kürho sehkhe tü shenyiteru; hiri rülori tü kürühküm sa; küpakenühnyunü hiri kürho sehkhe tü teküruthuo kenüh.

¹⁹Hiri zhekütseri tü atülüri vü aluomüri anyiehvü nüh kürhü; mari tü aküzhiri vü hi küka, mari tü reza vü hiri liekehuo.

²⁰VÜWA thsekümwa, hiri kürho rüthowa tü mari zhikrieri vünüh vi, hiri nüh ma vü, “Ma rüzhe kükhu vünüh hiri tü akuoküjira azavü rho naveh,” ti küza.

²¹Nyierakhruo luo thi alowie luo, O Edom tsavühwa, noh Uz zhih vü kürhowa; thitü noh vü nga ahuowa tü külieluoru wie naveh; noh tü müshem naveh thi noh mpa nüh noh fo kürütsom naveh.

²²Noh künakhie kümnomna, O Zion tsavühwa, tü sajumthuoh, ma tü noh vü reviteküwa vü küsale wa nyuthuo; thitü noh künakhie, O Edom tsavühwa, ma nüh noh sakümnomna naveh, ma nüh noh kükh