Read Pochuri Naga KÜRÜMUO 5 Bible Online

KÜRÜMUO 5 - Pochuri Naga bible

KÜRÜMUO 5

¹Müsheke luo, O VÜWA, hiri vü mowa teruthuoh ünüh; noluo, hiri küzükrü ngu veh!

²Hiri akari tü anyitheri vü küreleke tewa thuoh, eh zhehlori nga anyilieri vü tewathuoh.

³Hiri tü mürari samthuoh, apa münyiethuoh; eh zahri tü tünyivühri kümjie samthuoh.

⁴Hiri nüh ajuh zhu küveh tü ame mütsü üji mümhie thuo; hiri nüh athsoh mürieh küvehri tü müsüji mümhiethuoh.

⁵Hiri aku vü thsohkhuonyi thse nü hiri tü khielota eh seri vünüh zhe; hiri tü münokemthuoh, kümnyie vi hiri mütsü.

⁶Hiri tü Egypt thi Assiria vü ehkeri tsümthuoh, alohse kütsatse ngu na küsa kenüh.

⁷Eh nyiri nüh khiemuom; mari tü münyiethuo, hiri nüh mari künakhie vü.

⁸Takhari nüh eh nyiehri vü takrü sa; mari ake vünüh nyi küsü nga nüh hiri küvizhu münyie luo.

⁹Hiri tü ehkürhori küpoka kümhie rügi vünüh alohse nyu tsa, reza vü anyuchuwa kenüh.

¹⁰Hiri sahu tü kümkhuoji nyithü tü küüsa akünyi üta nyimthuoh.

¹¹Zion vü krevühri, Judah nyujiri vü mükürüsavühri tü remthuoh.

¹²Kajitsari tü ma keri nüh huthuomthuo; kükhruori vü küsiake mükütsathuoh.

¹³Vizari tü wurie nü ahie küürenya, thi vizanguori tü athsoh khuo kükhu vü nüh puolepuoza.

¹⁴Külhruori tü akheri jam nü tewathuoh, vizari nüh azah küsa jamthuoh.

¹⁵Eh luovehri loküzhewa tü kütuomthuoh; hiri kütsih tü khaphrü nü külum thuoh.

¹⁶Ehlüri vünüh kajilüwe tsuotsa tewathuoh; hiri amngu kümseri, küpakenühnyunü hiri nüh khiemuo kümthuoh kenüh!

¹⁷Hama kenüh hiri luoveh tü sanam, zanyo hamari kenüh hiri notha tü küphrümthuo:

¹⁸Zion küzhi jaküüzo kümwa kenüh; jiberüri tü jüla zhunyuomthuoh.

¹⁹Thitü noh thuoüji, O VÜWA, kükaji küsuokürho saluo; noh kükajipe tü awuhle aveh vü pehveh.

²⁰Noh tü mokenüh hiri küümatsawa kümamthuoh lo? Mokenüh noh tü rülo hathake hiri kulem wie thuoh lo?

²¹Noh mpa nüh noh wuovü hiri sakele luo, O VÜWA, jüta küsa vünüh hiri tü salera na nü! Khanavü rülo üta hiri rülo sakürüthele luo,

²²Nyu tü noh tü hiri kuleküjatsawa samthuolo? Noh tü müküütera küüluoh vünüh hiri vü arüshum thuolo?