Read Pochuri Naga EZEKIEL 48 Bible Online

EZEKIEL 48 - Pochuri Naga bible

EZEKIEL 48

¹Akuoh nyori tü hamari: Zhietü rüshu vünüh sate, Hetlon lehkhuji vünüh, Lebohamat vünüh Hazarenon (jüma tü Damaska rüshu vü pehveh, Hamath nüh zhietü sataji), thi zhieshu vünüh thsoke nü zhietu küju, Dan nüh suope küsü.

²Zhieshu vünüh zhietu küju Dan natonahuori sie küthsoke küju Asher suope.

³Zhieshu vünüh zhietu küju Asher natonahuori sie küthsoke küju, Naftali suope.

⁴Zhieshu vünüh zhietu küju Naftali natonahuori sie küthsoke küju, Manase suope.

⁵Zhieshu vünüh zhieta küju Manase natonahuori sie küthsoke küju Efraim suope.

⁶Efraim natonahuori sie thsoke nü zhieshu vünüh zhietu küju Reuben suope küsü.

⁷Reuben natonahuori sie thsoke nü zhieshu vünüh zhietu küju Judah suope küsü.

⁸Judah natonahuoriwa thsoke nü zhieshu vünüh zhietu küju thuoüji athuo saküsa suope küsü sa naveh, ma kümza pienyo anyie mükeke nü münga, thi achu thuoüji akuohkuoh suoperi sie zarike naveh, zhieshu vünüh zhietu küju, kümtsezhehwa nüh azhila sanaveh.

⁹Nohri nüh VÜWA kenüh athuo saküsawa achu thuoüji pienyo anyie mükeke nü münga thi kümza thuoüji pienyo anyie mükeke.

¹⁰Hamari tü kümtse suopewa kenüh asuope küto sa naveh: anavüri nüh zhietü wuovü küto thuoüji pienyo anyie mükeke nü münga, zhietu wuovü kümza pienyo anyie türake, zhieshu vü kümza pienyo anyie türake, thi zhietu wuovü achu anyie mükeke nü münga, VÜWA kümtsezhehwa nüh azhila sanaveh.

¹¹Hamatü anavü sakümtseküm Zadok küshuküra hi nüh azhükütsü sakütseri, Israel nyiri nüh naphe teküwa vü Leviri nüh küsa kümjie naphe temküwara suope sanaveh.

¹²Jümatü azhih kümtse suope, kümtsetsatsa makeri’a nüh azhie küsü küütsa suope, Levira natonahuori siethsoke.

¹³Anavüra natonahuori sie mürühküwa Leviri nüh pienyo anyie mükeke nü münga achu, thi ma kümza pienyo anyie türake ti tovi naveh. Ma küsuo ajü pienyo anyie mükeke nü münga thi ma kümza pienyoanyie türake.

¹⁴Mari tü jüma aküzhu nga küsawa nyu, nyutü jüma küsü nga, kümzhiluo nga küsawa nyu; mari tü kürüka azhih suope hama kükhaphrü nga küsawa nyu.

¹⁵“Khinyi münyie küveh ma kümza pienyo anyie münga thi achu pienyo anyie mükeke nü münga thuoüji anyujiwa kenüh muomuo kenüh küvi sanaveh, rho na küsa kenüh thi nyijisuo vü anyiri muomuo nga küvi küsa kenüh. Jüma zhilavü thuoüji anyujiwa sanaveh;

¹⁶thi hamari tü ma küvehjie naveh: zhietü vü pienyo anyie müzü nü müza münga, zhieshu vü pienyo anyie müzü nü müza münga, thi zhietu vü pienyo anyie müzü nü müza münga ti.

¹⁷Anyujiwa tü azhih kürütso sanaveh: zhietü vü pienyo müza künyi nü tünyieke zhiese vü müza künyi nü tünyieke, zhieshu vü müza künyi nü tünyieke, thi zhietu vü müza künyi nü tünyieke, ti sanaveh.

¹⁸Kümtse suopewa achu anatovü mürhüküwa kümnyie thuoüji zhieshu vü pienyo anyie türake, zhietu vü anyie türake, thi jüma tü kümtse suopewa nato mürhü küwa sanaveh. Jüla nüh kütsaküzhu küngu aveh thuoüji anyujiwa vü küürohri kenüh.

¹⁹Israel akuoh aveh anyujiwa vü küürohri nüh jüla kürohtsanaveh.

²⁰Nohri nüh küpa sasana küsa asuope ajüwa tü küvehjie pienyo anyie mükeke nü münga, jüma tü kümtse suopewa thi anyujiwa zhihwa nga ti küsaji.

²¹“Kümtse suopewa vünüh thi anyujiwa zhi vünüh kümnyie thuoüji kajitsawa zhi sanaveh. Kümtse suope pienyo anyie mükeke nü müngaawa vünüh zhieshu rüshu küju, thi zhietu wuovü pienyo anyie mükeke münga vünüh zhietu rüshu küju, kütori küsü sanü akuohkuoh suoperi küju thuoüji kajitsawa zhi sanaveh. Kümtsewa suope thi kükhurüzhehwa kümtsezhih nüh jüma azhila sanaveh,

²²thi Levira jisuo thi anyujiwa zhi thuoüji kajitsawa zhi azhila sanaveh. Kajitsawa suopewa tü Judah natonahuori thi Benjamin natonahuori masü azhievü sanaveh.

²³“Akuoh küpari aveh kenüh thuoüji: zhieshu vünüh zhietu küju Benjamin azhi, suope küsü.

²⁴Benjamin natonahuori sie thsoke nü zhieshu vünüh zhietu küju Simeon suope.

²⁵Simeon natonahuori sie thsoke nü zhieshu vünüh zhietu küju Issachar suope.

²⁶Issachar natonahuori sie thsoke nü zhieshu vünüh zhietu küju Zebulun suope.

²⁷Zebulun natonahuori sie thsoke nü Gag suope.

²⁸Zhiese vü Gad natonahuori sie thsoke nüh arühwa tü Tamar vünüh Meribatkadesh ajuh müzhewa naveh, jüla nüh Egypt kura vünüh mürhü nü Juhküji Aküjiwa küju.

²⁹Azhih hamatü akaküvi vünüh Israel akuoh azhievü totsü naveh, thi hamari tü mari suope, ta VÜWA Saküüwuowa nüh küza.

³⁰ “Hamari nüh anyujiwa küshupe sanaveh. Zhietü vü, jüma tü pienyo küüte anyie müzü nü müza münga,

³¹akheri küche: Reuben kheri, Judah kheri, thi Levi kheri ti, anyujiwa kheriri tü Israelra kuoh anyo vünüh ji.

³²Zhieshu vü thuoüji pienyo anyie müzü nü müza münga, akheri küche: Josef kheri, Benjamin kheri, thi Dan kheri ti.

³³Zhiese vü pienyo anyie müzü nü müza münga küüte, kheri küche: Simeon kheri, Issachar kheri, thi Zebulun kheri.

³⁴Zhietu vü nga pienyo anyie müzü nü müza münga, kheri küche: Gad kheri, Asher kheri, thi Naftali kheri ti.

³⁵Anyujiwa alievü kümkiele tü pienyo anyie türatüze naveh. Thi jüma rülo vünüh anyujiwa nyo tü, VÜWA jüla pehveh,” ti küza.