Read Pochuri Naga HOSEA 14 Bible Online

HOSEA 14 - Pochuri Naga bible

HOSEA 14

¹Sühle luo, O Israel, VÜWA noh Saküüwuowa vü, noh künakhie kenüh noh jihmüshü kümthuoh kenüh.

²Azhüri tü noh vü küjehke nü VÜWA vü sühleteraluo; künakhie aveh vijam luo; kümhiewa vike luo, hiri nüh hiri apomie aviwa tsü naveh ünüh.

³Assiria tü hiri mükülolera; hiri tü arawuhri rügivü kütsewa nyu; hiri tü, “Hiri Saküüwuowa,” ta küüza lewa nyuthuoh, hiri ake nüh küürohwa vü. Noh vünüh mürari tü noküümze ngura veh, ti ma vü küza luo.

⁴Mari müküzhütsanyitsa hi nüh sakümhietsü naveh; hi nüh müjuju vünüh mari kümzetsü naveh, eh rüküshu tü mari vünüh sühleteküwathuoh kenüh.

⁵Israel vü hi tü aküzo kümjie sanaveh; ma tü asanü kümjie wu müshiephoke naveh, Lebanon reza kümjie ma tü arüzoh chake naveh.

⁶Ma küshiri tü kari naveh; ma küzü tü Olive rhu kümjie sanaveh, thi ma kürhengu tü Lebanon kürhengu kümjie sanaveh.

⁷Mari tü eh rüzhe kükhu vü rho le naveh; mari tü aphahri küsü üta thetheta shi naveh; rhelivirhu kümjie mari tü wumshiephoke naveh, mari kürhengu tü Lebanon akhah kümjie sanaveh.

⁸O Efraim, hi tü anguori vi nü mowa sanathuo lo? Hi tü noh rülekütsüwa thi noh note kütsewa tü hi nüh sa tse. Hi tü aküla müzhike küpeh küsü kümjie; noh küzhütsanyitsa tü hi vünüh ru veh.

⁹Zanyoküthsüri thuoüji zanyo hamari thsümshi veh; thsüküvira thuoüji jümari thsü veh. VÜWA lehkhujiri tü katoküm kenüh, thi kümshori tü jümari vünüh tsetseti, thitü küphrürieri thuoüji jümari vünüh müshüshüti.