Read Pochuri Naga JONA 4 Bible Online

JONA 4 - Pochuri Naga bible

JONA 4

¹Thitü hamatü Jona lo Samküzhesheh nüh sam nü ma tü arüshu.

²Ma nüh VÜWA vü kükhuo sataji, “O VÜWA! Hi nüh eh nyu vü pehküveh vünüh hamatü hi nüh müküza ülo? Jüma kenüh hi nyu hi nüh atükhu vünüh Tarshish vü küthi tem wa ülo; küpakenühnyunü noh tü noküümzesheh Saküüwuowa ta küsa, arü müshunyi, thi mükükhaphrükhale küümze küwale, thi kümüsü vünüh khaphrülewa ta hi nüh küthsü kenüh.

³Thi khinyi thuoüji, O VÜWA, münathetü hi vünüh eh kürhowa vimü luo, küpakenühnyunü eh kenüh rho na küsanü süküm nüh küümphakhe kenüh,” ti küza.

⁴Jüti küüza vü VÜWA nüh, “Noh tü arüküshu leh ülo?” ti küza.

⁵Thinü Jona tü anyujiwa vünüh tsezhuwa nü anyujiwa zhieshu wuovü shupeh nü ma mpa ma kenüh ashühzheh küsü sa. Ma tü jüma kükhu lovü ma kükhe lovü shupeh nü anyujiwa tü mowa sanaveh nti no nü huopeh.

⁶VÜWA Saküüwuowa nüh are küjehpu küsü küche nü Jona rügi vü jüma küüturu nü ma lü küükhe, ma küsüro vünüh ma külole tsü na küsa kenüh; jükenüh Jona tü areküjehpuwa kenüh lozhe sheh.

⁷Thitü rülo akünyiawa atholeh ru ünü, Saküüwuowa nüh arü küsü areküjehpuwa küürü nü jüma tü küüwa zhüm.

⁸Arünyi shuru ünü Saküüwuowa nüh zhieshu mürhü aküsa küsü küche nü arünyi nüh Jona lü rügivü küürophake taji ma tü süzhotewa nü aküsü khuo. Ma nüh, “Hi tü rho na küsanü aküsü nüh küümpha khe,” ti küza.

⁹Thitü Saküüwuowa nüh Jona vü, “Noh tü areküjehpuwa kenüh arüküshuleh ülo?” ti küza. Thinü ma nüh, “Ah, sü na küsa kenüh arüküshu shehle,” ta rületsü.

¹⁰Jüti küüza vü VÜWA nüh, “Noh tü areküjepukewa kenüh tsaza veh, jüma kenüh noh tü küroh mümnomna thi noh nüh jüma samküji; jüma tü ma mpa nüh rüza küsü vünüh rhoru thi rüza küsü vünüh kümietewa.

¹¹Thi hi tü Nineveh anyuji küjiwa kenüh kütsazaleh nyu ülo, jüma lovü tü mari ake azhu wuovü nüh ake azhie wuovü müküthsü anyito atier müzake nü mükeke küüluoh, thi samwa khielota pehm veh ülo?” ti küza.