Read Pochuri Naga NYITOKÜCHIE 1 Bible Online

NYITOKÜCHIE 1 - Pochuri Naga bible

NYITOKÜCHIE 1

¹ Israel nyiri Egypt vünüh teküwa sevü mahvi künyiawa asa künyiawa rülo pokhuwa vü Sinai shünyiza vünüh juhthsü kükhurüzheh vünüh VÜWA nüh Mosa sie jüle nü ma vü,

²“Noh tü Israel nyiri ashieji aveh, tharuo vünüh, apara zheh vünüh, anyo vünüh müzhe nü nyimpari aveh; tharuo vü alülüri;

³mahvi mükeke vünüh jüma nyiehvü thari nüh arie vü wara naveh ünüh refürefü vünüh Aron nohsü nüh kürüh luo.

⁴Akuoh küsü vünüh nyi küsüsü, ma pa zheh vü alü saküvehri nüh noh sü siewaluo.

⁵Thi nohsü sie küroh na küsa nyori tü hamari: Reuben kuoh vünüh Shedeur atsa Elizur;

⁶Simeon kuoh vünüh Zurishadai atsa Shelumiel;

⁷Judah kuoh vünüh Aminadab atsa Nashon;

⁸Issachar kuoh vünüh Zuar atsa Nethanel;

⁹Zebulun kuoh vünüh Helon atsa Eliab;

¹⁰Josef tsari vünüh: Efraim kuoh vünüh Amihud atsa Elishama, Manase kuoh vünüh Padazur atsa Gamaliel;

¹¹Benjamin kuoh vünüh Gideon atsa Abidan;

¹²Dan kuoh vünüh Amishadai atsa Ahiezer;

¹³Asher kuoh vünüh Okhran atsa Pagiel;

¹⁴Gad kuoh vünüh Duel atsa Eliasaf;

¹⁵Naftali kuoh vünüh Enan atsa Ahira,” ti küza.

¹⁶Hamari tü Israelra jünü alüri, alanyira kuoh sierhüri müzawa vünüh kürükazhuri.

¹⁷Mosa thi Aron masü nüh anyo jizhu küsa anyi hamari sie,

¹⁸thi asa künyiawa rülo pokhuwa vü tharuo vünüh papa nyo kürhüri, apara zheh rügivü nüh mahvi mükeke vünüh tuvü alü küsari aveh müza sezhuh nü mühu.

¹⁹VÜWA nüh Mosa vü azhükütsü kümjie Sinai reza vünüh mari küürüh vi.

²⁰Reuben nyiri, Israel atsa küwuokhuwa, ma wuhleri, mari tharuo vünüh, ma pari zheto vünüh anyori müzhe nü, alü vünüh nyimpari mahvi mükeke vünüh tuvü arievü küwarari aveh:

²¹Reuben kuoh vünüh küürüh mpa nüh anyie zürake nü türo müza münga.

²²Simeon nyiri, ma pari zheto vünüh mari tharuo wuhleri chieküsari mari nyo küürüh vünüh müzhe nü alü vünüh nyimpari mahvi mükeke vünüh wiehvü arievü küwarari.

²³Simeon kuoh vünüh küürüh mpa nüh anyie tünyieke tüguh nü müza küche.

²⁴Gad nyiri, ma pari zheto vünüh mari tharuo wuhleri chieküsari mari nyo küürüh vünüh müzhe nü alü vünüh nyimpari mahvi mükeke vünüh wiehvü arievü küwarari.

²⁵Gad kuoh vünüh küürüh mpa nüh anyie zürake nü münga müza türo tünyieke.

²⁶Judah nyiri, ma pari zheto vünüh mari tharuo wuhleri chieküsari mari nyo küürüh vünüh müzhe nü alü vünüh nyimpari mahvi mükeke vünüh wiehvü arievü küwarari:

²⁷Judah kuoh vünüh küürüh mpa nüh anyie rürake nü müzü müza türo.

²⁸Issachar nyiri, ma pari zheto vünüh mari tharuo wuhleri chieküsari mari nyo küürüh vünüh müzhe nü alü vünüh wiehvü arievü küwarari:

²⁹Issachar kuoh vünüh küürüh mpa nüh anyie tünyieke nü müzü müza müzü.

³⁰Zebulun nyiri, ma pari zheto vünüh mari tharuo wuhleri chieküsari mari nyo küürüh vünüh müzhe nü alü vünüh wiehvü arievü küwarari:

³¹Zebulun kuoh vünüh küürüh mpa nüh anyie tünyieke nü türü müza müzü.

³²Josef nyiri, anyo vünüh Efraim, mari wuhleri, mari tharuori vünüh; ma pari zheto vünüh mari nyo küürüh vünüh mahvi mükeke vünüh wiehvü arievü küwarari:

³³Efraim kuoh vünüh küürüh mpa nüh anyie zürake nü müza münga.

³⁴Manase nyiri, ma pari zheto vünüh mari tharuo wuhleri chieküsari mari nyo küürüh vünüh müzhe nü alü vünüh nyimpari mahvi mükeke vünüh wiehvü arievü küwarari:

³⁵Manase kuoh vünüh küürüh mpa nüh anyie cherake nü künyi müzakünyi.

³⁶Benjamin nyiri, ma pari zheto vünüh mari tharuo wuhleri chieküsari mari nyo küürüh vünüh müzhe nü alü vünüh nyimpari mahvi mükeke vünüh wiehvü arievü küwarari:

³⁷Benjamin kuoh vünüh küürüh mpa nüh anyie cherake nü münga müza müzü.

³⁸Dan nyiri, ma pari zheto vünüh mari tharuo wuhleri chieküsari mari nyo küürüh vünüh müzhe nü alü vünüh nyimpari mahvi mükeke vünüh wiehvü arievü küwarari:

³⁹Dan kuoh vünüh küürüh mpa nüh anyie rorake nü künyi müza türü.

⁴⁰Asher nyiri, ma pari zheto vünüh mari tharuo wuhleri chieküsari mari nyo küürüh vünüh müzhe nü alü vünüh nyimpari mahvi mükeke vünüh wiehvü arievü küwarari:

⁴¹Asher kuoh vünüh küürüh mpa nüh anyie zürake nü küsü müza münga.

⁴²Naftali nyiri, ma pari zheto vünüh mari tharuo wuhleri chieküsari mari nyo küürüh vünüh müzhe nü alü vünüh nyimpari mahvi mükeke vünüh wiehvü arie vü küwarari:

⁴³Naftali kuoh vünüh küürüh mpa nüh anyie tünyieke nü küche müza müzü.

⁴⁴Hamari tü Mosa thi Aron masü nüh Israel sierhüri sie nü mari apa zheto vünüh nyi türa künyinyi sie nü nyito küsari.

⁴⁵Jükenüh Israel nyiri aveh ma pari zheto vünüh küürüh mahvi mükeke vünüh wiehvü arievü küwarari,

⁴⁶aveh küürühji anyie müza türo nü küche thi müza münga nü tünyieke.

⁴⁷Thitü Levi jünüri thuoüji mari lanyira kuoh vünüh mari vü müchieke.

⁴⁸Küpakenühnyunü VÜWA nüh Mosa vü,

⁴⁹“Levi kuoh mpa nüh Israel nyiri azavü küürühwa nyu, mari vü thuoüji nyitoküürüh vü küchiekewa nyu;

⁵⁰thitü Leviri thuoüji pohvüwa juhthsü-kükhurüzheh kenüh, thi jüla tsokrüri kenüh, thi jümara tsokrü kenüh, mari nüh juhthsü kükhurüzhehwa thi ma tsokrüri aveh kha naveh, mari nüh jüma note nü mari nüh juhthsü kükhurüzheh natonahuo vü rho naküveh kenüh.

⁵¹Mükütüküzü juhthsü kükhurüzhehwa vitewaluo nta thuoüji mari nüh via naveh; thi jüma shokieta nta küsa vü nga mari nüh khake naveh. Thi jüüta sa küveh vü anyi küpari nüh jüla nyiru thuoüji ma tü zothem naveh.

⁵²Israel nyiri tü riehkhuoriehkhuo vünüh juhthsüzheh khake nü peh naveh, papa kürünape thi papa küüte vünüh sapeh naveh;

⁵³Israel nyiri müzawa vü arüküshu müküüpeh nüh sana küsa kenüh Leviri thuoüji kütsathuowa juhthsü kükhurüzheh natonato vü küürünapeh naveh; thi Leviri nüh kütsathuowa juhthsükü khurüzhehwa küno mari müthoh sanaveh,” ti küza.

⁵⁴Israel nyiri tü hakümjie vünüh VÜWA nüh Mosa vü azhükütsü aveh müzhe nü sakheh.