Read Pochuri Naga NYITOKÜCHIE 2 Bible Online

NYITOKÜCHIE 2 - Pochuri Naga bible

NYITOKÜCHIE 2

¹VÜWA nüh Mosa thi Aron vü,

²Israel nyiri tü mari mpa papa küüte vünüh kürünape sapeh, thi ma pari zheto vünüh thsoshithsü shohke nü mari nüh kürüna sa küpehwa tü juhthsü-kükhurüzhehwa wuovü küprüke naveh.

³Zhieshu, rünyiküshupe wuovü küpehri nüh Judahra nyi kürünape küüte vünüh ahuofü sanü peh naveh, Judahra nyi sierhüwa thuoüji Aminadab atsa Nashon,

⁴ma nyi thopahiri küürüh thuoüji anyie rürake nü müzü müza türo.

⁵Mari sevü Issachar kuoh, mari sierhüwa thuoüji Zuar atsa Nathanel,

⁶ma nyi thopahiri küürüh thuoüji anyie tünyieke nü müzü müza müzü.

⁷Jüma sevü Zebulun kuoh, mari sierhüwa thuoüji Helon atsa Eliab,

⁸ma nyi thopahiri küürüh thuoüji anyie tünyieke nü türü müza müzü.

⁹Ahuofü vünüh Judah kürünape vü küürüh anyie müzake zerake nü türo müza müzü. Hamari nüh apo sa tsezhu naveh.

¹⁰Zhiese wuovü küpehri nüh Reuben kürünape küüte vünüh ahuofü sanü peh naveh, Reuben anyi sierhüwa thuoüji Shedeur atsa Elizur,

¹¹ma nyi thopahiri küürüh thuoüji anyie zürake nü türo müza münga.

¹²Thi mari sevü Simeon kuoh, mari sierhüwa thuoüji Zurishadai atsa Shelumiel,

¹³ma nyi thopahiri kü rüh thuoüji anyie tünyieke nü tüguh müza küche.

¹⁴Jüma sevü Gad kuoh, mari sierhüwa thuoüji Reuel atsa Eliasaf,

¹⁵ma nyi thopahiri kürüh thuoüji anyie zürake nü münga müza türo tünyieke.

¹⁶Ahuofü vünüh Gad kürünape vü küürüh anyie müzake tünyieke nü küsü müza müzü tünyieke. Hamari nüh kütsezhu künyiawa sanaveh.

¹⁷Hamara sevü juhthsü kükhurüzhehwa kha nü kürünapewa müzhe nü Levira kürünapewa nüh azhila sataji tsezhu naveh, papa thsoshithsü müzhe nü tse naveh.

¹⁸Zhietu wuovü küpehri nüh Efrain anyi kürünape küüte vünüh huofü sanü peh naveh, Efrain anyi sierhüwa thuoüji Amihud atsa Elishama,

¹⁹ma nyi akuoküjiwa küürüh thuoüji anyie zürake nü müza münga.

²⁰Thi mari sevü Manase kuoh, mari sierhüwa thuoüji Pedazur atsa Gamaliel,

²¹ma nyi akuoküjiwa küürüh thuoüji anyie cherake nü künyi müza künyi.

²²Jüma sevü Benjamin kuoh, mari sierhüwa thuoüji Gideon atsa Abidan,

²³ma nyi thopahiri küürüh thuoüji anyie cherake nü münga müza müzü.

²⁴Ahuofü vünüh Efraim kürünape vü küürüh anyie müzake tüze nü müzake. Kütsezhu vü hamari nüh kücheawa sanaveh.

²⁵Zhietü wuovü küpehri nüh Dananyi kürünape küüte vünüh ahuofü sanü peh naveh, Dananyi sierhüwa thuoüji Amishadai atsa Ahiezer,

²⁶ma nyi akuoküjiwa küürüh thuoüji anyie rorake nü künyi müza türü.

²⁷Thi mari sevü Asher kuoh nüh peh naveh, mari sierhüwa thuoüji Okhran atsa Pagiel,

²⁸ma nyi thopahiri küürüh thuoüji anyie zürake nü küsü müza münga.

²⁹Jüma sevü Naftali kuoh nüh peh naveh, mari sierhüwa thuoüji Enan atsa Ahira,

³⁰ma nyi thopahiri küürüh thuoüji anyie tünyieke nü küche müza müzü.

³¹Ahuofü vünüh Dan kürünape vü küürüh anyie müzake tünyieke nü türü müza türo. Tsezhuküwa vü mari nüh sehkhe sanü mari thsoshithsü kükhu vünüh küüteküte vünüh tsezhuwa naveh.

³²Hamari tü Israel nyiri ma pari zhetori vünüh kürünape lovü nüh huofühuofü vünüh küürüh aveh küsaji anyie müza türo nü küche müza münga tünyieke.

³³Thitü VÜWA nüh Mosa vü azhükütsü üta Leviri thuoüji mükürühke.

³⁴Israel nyiri tü VÜWA nüh Mosa vü azhükütsü üta hakümjie vünüh aveh müzhe nü küüteküte vünüh kürünape sapeh thi tsezhuküwa vü nga papa tharuo vünüh apara zhehlo müzhe nü tsezhu wa.