Read Pochuri Naga NYITOKÜCHIE 26 Bible Online

NYITOKÜCHIE 26 - Pochuri Naga bible

NYITOKÜCHIE 26

¹ Thinü asahnawa juküm sevü VÜWA nüh Mosa thi Eleazar, Aron navüwa atsa masü vü,

²“Israel nyiri arie vü küwarari aveh akürho mahvi mükekevünüh tuvü atharuo vünüh nyitoküürüh vi luo,” ti küza.

³Jüti küsa vü Mosa thi Eleazar navüwa masü nüh Moab kütake vü Jordan rühgie Jeriko vünüh mari vü,

⁴VÜWA nüh Mosa vü küüza kümjie mahvi mükeke vünüh tuvü Israel nyiri nyitoküürüh vi luo. Israel nyiri Egypt zhih vünüh shuküruri aveh küsaji:

⁵Reuben, Israel atsa küwuo khuwa; Reuben atsa nyimpari: Hanok vünüh, Hanok atsari; Palu vünüh, Palu atsari;

⁶Hezron vünüh, Hezron atsari; Karmi vünüh, Karmi atsari.

⁷Hamari tü Reuben atsari; thi mari küürüh thuoüji adie zürake küche müza türü nü cherake.

⁸Thi Palu atsari: Eliab.

⁹Eliab atsari: Nemuel, Dathan, thi Abiram, Dathan thi Abiram tü Kora refü nüh VÜWA siesaluo nü Mosa thi Aron masü tüvü nüh küsaluo vü müzawa tüvü nüh küjira künyi tü hamasü wiethuoh,

¹⁰azhihwa nüh ma po ka nü Kora thi ma refüri müzhum; anyih nüh anyi müza künyi nü tünyieke tsothem nü athsoshi satsü.

¹¹Thitü Kora atsari thuoüji müsü.

¹²Atharuo vünüh Simeon atsa nyimpari: Nemuel vünüh, Nemuel tharuori; Jamin vünüh; Jamin tharuori, Jekhin vünüh, Jakhin tharuori;

¹³Zera vünüh, Zerari tharuo; Shaul vünüh, Shaul tharuori.

¹⁴Hamari tü Simeon atsa nyimpari tharuo mari küürüh vünüh anyie mükeke künyi nü müza künyi.

¹⁵Tharuo vünüh Gad atsa nyimpari: Zefon vünüh Zefonri tharuo; Haggi vünüh, Haggiri tharuo; Shuni vünüh, Shuni tharuori;

¹⁶Ozni vünüh, Ozni tharuori; Eri vünüh, Eri tharuo;

¹⁷Arod vünüh; Arodri tharuo.

¹⁸Hamari tü Gad atsari tharuo mari küürüh vünüh anyie zürake nü müza münga.

¹⁹Thi Judah atsari tü Er thi Onan; thitü Er thi Onan masü tü Kanan zhih vünüh süm.

²⁰Judah atsa nyimpari mari tharuo müzhe nü: Shela vünüh, Shela tharuori; Perez vünüh Perezri tharuo; Zera vünüh Zerari tharuo,

²¹Perez atsa nyimpari tü: Hezron vünüh, Hezronri tharuo; Hamul vünüh, Hamulri tharuo.

²²Hamari tü Judah atsa nyimpari tharuo mari küürüh vünüh anyie rürake tohro nü müza münga.

²³Thi atharuo vünüh Issachar atsa nyimpari: Tola vünüh, Tolari tharuo; Puva vünüh, Punri tharuo;

²⁴Jashub vünüh, Jashubri tharuo; Shimron vünüh, Shimron tharuo.

²⁵Hamari tü Issachar atsa nyimpari tharuo mari küürüh vünüh anyie rorake müzü nü müza küche.

²⁶Thi atharuo vünüh Zebulun atsa nyimpari: Sered vünüh, Seredri tharuo; Elon vünüh, Elonri tharuo; Jalil vünüh, Jalilri tharuo.

²⁷Hamari tü Zebulun atsa nyimpari tharuo mari küürüh vünüh anyie rorake nü müza münga.

²⁸Thi atharuo vünüh Josef atsa nyimpari: Manase thi Efraim.

²⁹Manase atsa nyimpari: Makhir vünüh Makhirri tharuo; thi Makhir tü Gilid apa; Gilid vünüh; Gilidri tharuo.

³⁰Hamari tü Gilid atsa nyimpari: Iezer vünüh, Iezerri tharuo; Helek vünüh, Helekri tharuo;

³¹thi Asriel vünüh, Asrielri tharuo; thi Shekhem vünüh, Shekhemri tharuo;

³²thi Shemida vünüh, Shemidari tharuo; Hefer vünüh, Heferri tharuo.

³³Hefer atsa Zelofehad tü atsa nyimpari münyie nüh sam, thitü nyimzari thuoüji peh: thi Zelofehad tsavühra nyo thuoüji Mala, Noah, Hogla, Milka thi Tirza.

³⁴Hamari tü Manase tharuori; thi mari küürüh thuoüji anyie tünyieke künyi nü müza türü.

³⁵Hamari tü tharuo vünüh Efraim atsa nyimpari: Shuthela vünüh, Shuthelari tharuo; Bekher vünüh, Bekherri tharuo; Tahan vünüh, Tahanri tharuo.

³⁶Thi hamari tü Shuthela atsa nyimpari: Eran vünüh, Eranri tharuo.

³⁷Hamari tü Efraim atsa nyimpari tharuo vünüh küürüh anyie cherake nü künyi müza münga. Hamari tü mari tharuo vünüh Josef atsa nyimpari.

³⁸Tharuo vünüh Benjamin atsa nyimpari: Bela vünüh, Belari tharuo; Ashbel vünüh, Ashbelri tharuo; Ahiram vünüh, Ahiramri tharuo;

³⁹Shefufam vünüh, Shefufamri tharuo; Hufam vünüh, Hufamri tharuo,

⁴⁰Thi Bela atsa nyimpari thuoüji Ard thi Naman: Ard vünüh, Ardri tharuo; Naman vünüh, Namanri tharuo.

⁴¹Hamari tü mari tharuo vünüh Benjamin atsa nyimpari; thi mari küürüh thuoüji anyie zürake taji münga nü müza türo.

⁴²Hamari tü tharuo vünüh Dan atsa nyimpari: Shuham vünüh, Shuhamri tharuo. Hamari tü mari tharuo vünüh müzhe nü Dan tharuo.

⁴³Shuhamri tharuo mari küürüh vünüh müzhe nü anyie rorake nü müzü müza müzü.

⁴⁴Tharuo vünüh Asher atsa nyimpari: Imna vünüh, Imnari tharuo; Ishvi vünüh, Ashviri tharuo; Beria vünüh, Beriari tharuo.

⁴⁵Beria atsa nyimpari: Heber vünüh, Heberri tharuo; Malkhiel vünüh, Malkhielri tharuo.

⁴⁶Ashertsavühwa nyo thuoüji Sera.

⁴⁷Hamari küürüh vünüh müzhe nü, anyie tünyieke nü küche müza müzü.

⁴⁸Tharuo vünüh müzhe nü Naftali atsa nyimpari: Jazel vünüh, Jazelri tharuo; Guni vünüh, Guniri tharuo;

⁴⁹Jezer vünüh, Jezerri tharuo; Shilem vünüh, Shilemri tharuo.

⁵⁰Hamari tü mari tharuo vünüh müzhe nü Naftali tharuori; mari küürüh thuoüji anyie rürake nü münga müza müzü.

⁵¹Hama tü Israel nyiri küürüh, anyie müza rorake nü küsü müza türü cherake.

⁵² VÜWA nüh Mosa vü;

⁵³“Hama müzhe nü mari küürüh anyo rügivü nüh azhihwa küsuo taji mari küürho naveh.

⁵⁴Akuoh küjiri vü azhih küji tsüluo, thi küzahri taji küzah tsüluo; akuoh küsüküsü nga mari küürüh müzhe nü tsü naveh.

⁵⁵Apari nüh kürho akuohwa nyo müzhe nü azhihwa tü aküze sataji küsuo naveh.

⁵⁶Mari nüh küvilehwa tü akuoh küzah thi küjiwa masü azhievü no nü küsuo naveh,” ti küza.

⁵⁷Hamari tü mari tharuo vünüh anyo müzhe nü Leviri küürüh: Gershon vünüh, Gershon tharuo; Kohat vünüh, Kohat tharuo; Merari vünüh, Merari tharuo.

⁵⁸Hamari thuoüji Levi tharuori: Libniri tharuo, Hebronri tharuo, Malri tharuo, Mushri tharuo, Korari tharuo. Thi Kohat tü Amram apa.

⁵⁹Amram vüvüh nyo thuoüji Jokhebed, Levi tsavühwa, ma tü Egypt vünüh wuo Levi tsavühwa, ma tü Egypt vünüh wuo Levi tsü; thi ma tü Aron, Mosa thi mari tsevühwa Miriam wuo Amram tsü.

⁶⁰ Thi Aron vü wuo kütsü thuoüji Nadab, Abihu, Eleazar thi Ithamar.

⁶¹Thitü Nadab thi Abihu masü thuoüji VÜWA tüvü mükümtse kütso kükhurü küsa kenüh süm.

⁶²Thi mari küürüh thuoüji, nyimpari asa küsü kükhruo vünüh wiehvü anyie mükeke nü küche; küpakenühnyunü mari thuoüji Israel nyiri azavü zanyo küsuokütsü vü mari jisuo mükünyie kenüh mari mükürüh nüh sa küm kenüh.

⁶³Mosa thi Eleazar navüwa masü nüh Jeriko vünüh Israel nyiri küürüh hamari.

⁶⁴Thitü Mosa thi Aron navüwa masü nüh Sinai reza vünüh Israel nyiri küürüh vü küürührari nyi küsü nga münyiethuoh.

⁶⁵Küpakenühnyunü VÜWA nüh makeri’a nüh küüza, “Mari thuoüji reza vünüh süm naveh,” ta küza küsa kenüh. Jefune atsa Kaleb thi Nun atsa Joshua wie küchie nüh nyi küsü wie nga müke.