Read Pochuri Naga NYITOKÜCHIE 29 Bible Online

NYITOKÜCHIE 29 - Pochuri Naga bible

NYITOKÜCHIE 29

¹“Thi jüsevü nga nohri tü asa türüawa rülo pokhuwa vü kümtse küsezhu sanaveh; küüroh küsü nga küsawa nyu. Hamari rülo vü nohkeri nüh tütü kükhu rülo,

²nohri tü küüngu kükhurü sa VÜWA vü tsü naveh: shüvotsazah küsü, nyihzhüvo küsü thi nyihzhüzah vo azhührhü müküpe türü;

³Jüsevü nga ahie vüjuh müküünyarü, shüvotsazahwa kenüh ahie küüto küche, nyihzhüzahvowa kenüh ahie küüto künyi,

⁴thi nyihzhüzahvo türüri küsüsü vü ahie küüto küsüsü;

⁵nohri kütsathuo sana küsa kenüh nyihsüvo küsü vi kükhiemuo kükhurü saluo;

⁶asa kürüthewa kütso kükhurü, ahie nüh kükhurü, mükütuo nüh tso nü kükhurü thi mari küzhu kükhurü nyiehvü nga nüh azhühkhowa müzhe taji makeri’a nüh VÜWA vü anyih nüh tso nü küüngu saluo.

⁷ “Jüsevü nga hama sa türüawa rülo türake vü kümtseküsezhu sanaveh, nohri mpa nohri sakükhe sheh thi küüroh küsü nga küsawa nyu,

⁸thitü VÜWA vü küüngu kükhurü sanaveh: shüvotsazah küsü, nyihzhüvo küsü, nyihzhüzahvo mahvi küsü kükhruo thi nohkeri nüh jümari tü azhührhü müküpe sanaveh;

⁹thi jümari kenüh ahie vüjuh küünyarü, mieshüvozahwa kenüh ahie küüto künyi,

¹⁰thi nyihzhüzah türüri küsüsü vü ahie küüto küsüsü:

¹¹Jüsevü nga nyihsüvo küsü vi nü kükhemuo, kükhurü sanaveh, kükhiemuo kürhesa kükurü thsephre taji mükütuo nüh tso nü kükhurü thi tha vi kükhurü thi mari küzhu kükhurü nyiehvü nüh kükhiemuo kenüh kükhurü naveh.

¹² “Jüsevü nga asa türüawa rülo türa münga vü kümtse küsezhu sanaveh; hama rülo vü nga nohri küüroh küsü nga müsara, rülo türü VÜWA vü akhu sanaveh;

¹³thi nohri kütso kükhurü sanaveh, anyih vünüh kükhurü, VÜWA vü küüngu sanü kütsü, shüvotsazah kürünyi türa küche, nyihzhüvo künyi, nyihzhüzah mahvi küsü kükhruo türa müzü; hamari aveh nga azhührhü müküpe sakheh naveh;

¹⁴thi mari ahie nüh kükhurü vüjuh nüh küünyarü, shüvotsazah türa küche küsüsü vü ahie küüto kücheche, nyihzhüvo zah künyi küsüsü vü küüto künyinyi,

¹⁵thi nyihzhüzah türa müzü küsüsü vü ahie küüto küsüsü;

¹⁶mükütuo nüh kütso kükhurü, ma hie kükhurü thi aküzhu kükhurü nyiehvü nüh kükhiemuo kükhurü kenüh nyihsüvo küsü ti vi nü khurü naveh.

¹⁷“Rülo künyiawa thuoüji shüvotsazah türa künyi, nyihzhüvo künyi, nyihzhüzahvo mahvi küsü kükhruo, azhührhü müküpe,

¹⁸shüvotsazahri, nyihzhüzahvori, nyihzhüzahri kenüh ahie kükhurü thi aküzhu kükhurü jümari küzake nüh jü vünüh kürüh nü azhühkho vünüh müzhe taji sanaveh;

¹⁹mükütuo nüh kütso kükhurü thi ma hie kükhurü, thi mari küzhu kükhurü nyiehvü nüh kükhiemuo kükhurü kenüh nyihsüvo küsü ti vi nü khurü naveh.

²⁰“Thi rülo kücheawa thuoüji shüvotsazah türaluoke, nyihzhüvo künyi, nyihzhüzah türamüzü mahvi küsüsü kükhruo azhührhü müküpe,

²¹shüvotsazahri, nyihzhüvori, nyihzhüzahri kenüh ahie kükhurü thi aküzhu kükhurü azhühkho vünüh müzhe nü sanaveh,

²²jüsevü nga mükütuo nüh tso nü kükhurü, ma hie kükhurü thi ma küzhu kükhurü nyiehvü nüh nyihsüvo küsü kükhiemuo kükhurü kenüh ti vi nü khurü naveh.

²³“Thi rülo müzüawa shüvotsa zah türake, nyihzhüvo künyi, nyihzhüzahvo türakümzü mahvi küsü kükhruo azhührhü müküpe,

²⁴shüvotsazahri kenüh, nyihzhüvori kenüh, nyihzhüzahri kenüh ahie kükhurü thi aküzhu kükhurü jümari zake jü vünüh kürüh nü azhühkho vünüh müzhe taji sanaveh;

²⁵jüsevü nga mükütuo nüh tso nü kükhurü, ma hie kükhurü thi aküzhu kükhurü nyiehvü nüh nyihsüvo küsü kükhiemuo kükhurü kenüh ti vi nü khurü naveh.

²⁶“Thi jüsevü nga rülo müngaawa thuoüji shüvotsazah tüguh, nyihzhüvo künyi, nyihzhüzah türamzü mahvi küsü kükhruo kheh azhührhü müküpe,

²⁷shüvotsazahri, nyihzhüvori, nyihzhüzahri kenüh ahie kükhurü thi aküzhu kükhurü azhühkho vünüh müzhe nü sanaveh;

²⁸jüsevü nga mükütuo nüh tso nü kükhurü, ma hie kükhurü thi aküzhu kükhurüri nyiehvü nüh nyihsüvo küsü kükhiemuo kükhurü kenüh ti vi nü khurü naveh.

²⁹“Thi rülo türoawa nga shüvotsazah tüze, nyihzhüvo künyi, nyihzhüzahvo türamzü mahvi küsü kükhruo kheh azhührhü müküpe,

³⁰shüvotsazahri, nyihzhüvori, nyihzhüzahri kenüh ahie kükhurü thi aküzhu kükhurü azhühkho vünüh müzhe nü sanaveh;

³¹jüsevü nga mükütuo nüh tso nü kükhurü, ma hie kükhurü thi aküzhu kükhurüri nyiehvü nüh nyihsüvo küsü kükhiemuo kükhurü kenüh ti vi nü khurü naveh.

³²“Jüsevü rülo türüawa nga shüvotsazah türü, nyihzhüvo, nyihzhüzah türamzü mahvi küsü kükhruo kheh azhührhü müküpe,

³³shüvotsazahri, nyihzhüvori, nyihzhüzahri kenüh ahie kükhurü thi aküzhu kükhurüri azhühkho vünüh müzhe nü sanaveh;

³⁴jüma sevü nga mükütuo nüh tso nü kükhurü, ma hie kükhurü thi aküzhu kükhurüri nyiehvü nüh nyihsüvo küsü kükhiemuo kükhurü kenüh ti vi nü khurü naveh.

³⁵“Thi rülo tüzeawa vü thuoüji nohri tü küsezhu küsü peh naveh: Jüma rülo vü nohri tü küüroh küsü nga küsawa nyu,

³⁶thitü kütso kükhurü sanaveh, anyih vünüh kükhurü, VÜWA vü küüngu mütsuo: shüvotsazah küsü, nyihzhüvo küsü, nyihzhüzah türü mahvi küsüsü kükhruo azhührhü müküpe,

³⁷shüvotsazahwa kükhurü kenüh, nyihzhüvowa kükhurü thi nyihzhüzahri kükhurü kenüh ahie kükhurü thi aküzhuri kükhurü azhühkho vünüh müzhe nü sanaveh;

³⁸jüsevü nga mükütuo nüh tso nü kükhurü, ma hie kükhurü thi ma küzhu kükhurü nyiehvü nüh nyihsüvo küsü kükhiemuo kükhurü kenüh ti vi nü khurü naveh.

³⁹“Hamari tü kütso kükhurü kenüh, ahie nüh kükhurü kenüh, aküzhu nüh kükhurü kenüh thi kütsathuo kükhurü akhu tsotho küteke küsa nohri nüh VÜWA vü satsü na küsa küphrahzhuri wiethuoh,” ti küza.

⁴⁰Hamari VÜWA nüh Mosa vü azhükütsü kümjie ma nüh Israel nyiri vü küza kheh.