Read Pochuri Naga NYITOKÜCHIE 33 Bible Online

NYITOKÜCHIE 33 - Pochuri Naga bible

NYITOKÜCHIE 33

¹Israel nyiri Mosa thi Aron masü nüh sierhü sanü mari thopahiri sie Egypt zhih vünüh siezhu küru rülehri hakümjie.

²VÜWA nüh azhükütsü vünüh Mosa nüh mari zetse azhie kütsezhute vünüh küjihke nü rhü; thi hamari tü azhie kütsezhute vünüh müzhe nü azhie küsü vü tsewatsewa ti küsa hamari.

³Amahvi asa pokhuwa rülo türamnga vü Israel nyiri tü Rameses vünüh tsekükari khu sevü Egyptri aveh notha küngu vünüh kükhrara sanü tsezhuwa,

⁴jüti küsa vü Egyptri tü VÜWA nüh mari atsa nyimpa pokhuri fethe kümri chohwu pehveh; thi ma nyiazari nga VÜWA nüh sakümnomna tsü.

⁵Jüti sanü Israel nyiri tü Rameses vünüh tsezhuwa nü Sukkoth vü kürünape sataji peh.

⁶Jüsevü mari tü Sukkoth vünüh tsele nü reza sapo Etham ti küsa azhievü kürünape sanü peh le.

⁷Jüla nüh tse le asevü wa taji Baalzefon zhieshu wuovü Pihahirot vü wa nü Migdol shütü vünüh mari kürünape sataji peh le.

⁸Jüti sanü mari tü Pihahirot tüvü nüh reza vü tu, thi mari tü etham reza vü rülo küche zetse sanü Mara vü kürünape sataji peh.

⁹Thi Mara vünüh mari tü Elim vü ru; thinü jüla mari tü ajuwi küshupe türa künyi thi aluophi rhu rürake ngu, jüti sanü mari tü jüla nüh kürünape sataji peh.

¹⁰Thi jüsevü mari tü Elim vünüh tsezhu nü Kümru Juhküji kütuoh vü kürünape sa peh le,

¹¹kümru Juhküji vünüh tsezhu wa le nü Sin reza vünüh kürünape sa peh le.

¹²Sin reza vünüh wa nü Dofka vü kürünape sanü peh le.

¹³Dofka vünüh wa nü Alush vü mari kürünape sanü peh hü.

¹⁴Alush vünüh tsezhu wa le nü makeri’a nüh ajuh moma küzhu azhie Refidim vünüh kürünape sa peh le.

¹⁵Thi jüsevü Refidim vünüh tsezhu le nü Sinai reza vünüh kürünape sanü peh le.

¹⁶Sinai reza vünüh tsezhuwa Kibrot-hatava vünüh kürünape sa peh le.

¹⁷Kibrot-hatava vünüh tsezhuwa nü Hazerot vünüh kürünape sa peh.

¹⁸Thi Hazerot vünüh tsezhuwa le nü Ritma vünüh kürünape sanü peh.

¹⁹Ritma vünüh wa le taji Rimonperez vü kürünape sa peh.

²⁰Rimonperez vünüh tsezhuwa nü Libna vü kürünape sanü peh.

²¹Libna vünüh tsezhu le nü Risa vü kürünape sa le.

²²Risa vünüh tsewa nü Kehelatha vü kürünape sa peh le.

²³Mari Kehelatha vünüh tsezhu nü Shefer küzhi vünüh kürünape sanü peh.

²⁴Shefer küzhi vünüh wa nü Harada vünüh kürünape sa peh.

²⁵Thi Harada vünüh tse le taji Makhelot vünüh kürünape sanü peh.

²⁶Makhelot vünüh mari tü tsezhu nü Tahat vünüh kürünape sanü peh le.

²⁷Mari Tahat vünüh wa nü Tera vünüh kürünape sanü peh.

²⁸Tera vünüh wa Mitka vü kürünape sanü peh.

²⁹Mitka vünüh wa Hashmona vü nüh kürünape sanü peh.

³⁰Thi Hashmona vünüh wa Moserot vü kürünape sanü peh.

³¹Thi Moserot vünüh wa Benejakan vünüh kürünape sanü peh.

³²Benejakan vünüh tsezhuwa nü Horhagidgad vü kürünape sanü peh.

³³Horhagidgad vünüh wa nü Jotbatha vü kürünape sanü peh.

³⁴Jotbatha vünüh mari tü tsezhu le taji Abrona vünüh kürünape sanü peh.

³⁵Thi Abrona vünüh tsezhuwa nü Ezion-geber vünüh kürünape sanü peh.

³⁶Jüsevü mari tü Eziongeber vünüh tsezhu nü Zin (Jümatü Kadesh) reza vü kürünape sanü peh.

³⁷Thi Kadesh vünüh tsezhuwa nü Edom zhih nahto Hor Küzhi vü kürünape sanü peh.

³⁸ Israel nyiri Egypt zhih vünüh tsezhuteküru mahvi zürakewa asa müngaawa rülo pokhu vü VÜWA nüh azhükütsü rügivü nüh Aron tü Hor küzhi rügivü wa nü jüla nüh süm.

³⁹Thi Hor Küzhi vünüh Aron süküm vü ma mahvi tü müzake mükeke nü küche.

⁴⁰ Jüti küsa vü Kananri, Arad kajiwa Kanan zhih Negeb vü kürhori tü Israel nyiri tse ta küsa künara.

⁴¹Jüsevü Israel nyiri tü Hor Küzhi vünüh tsezhu nü Zalmona vü kürünape sanü peh.

⁴²Thi Zalmona vünüh wa le nü Punon vünüh kürünape sanü peh.

⁴³Punon vünüh tsezhuwa nü Oboth vü kürünape sanü peh.

⁴⁴Oboth vünüh wa nü Moab rüshu Iyeabarim vünüh kürünape sanü peh le.

⁴⁵Iyim vünüh tsezhuwa nü Dibongad vünüh kürünape sanü peh.

⁴⁶Thi Dibongad vünüh tsewa le nü Almondiblathaim vünüh kürünape sanü peh.

⁴⁷Almondiblathaim vünüh wa le nü Nebo tüvü Abarim küzhiri vünüh kürünape sanü peh.

⁴⁸Abarim küzhiri vünüh tsezhu nü Jordan rühgu nato Moab kütakeri vü küpeh Jeriko vünüh kürünape sanü peh;

⁴⁹mari tü Jordan rühgu nato Moab kütakeri vü Betjeshimot vünüh Abelshitim küju mari kürünape sanü peh.

⁵⁰Jüsevü Jordan rühgu nato Moab kütakeri vü Jeriko vünüh VÜWA nüh Mosa vü,

⁵¹“Israel nyiri vü küza luo, nohri Jordan rühgu kari nü Kanan zhih vü küwa vü,

⁵²nohri tüvü nüh azhih jüla kürhori aveh zhezhuja kheh naveh, mari nüh aloh rügivü khrüke nü kükhurüri thi tsorhe sanü kükhurü aveh zorie khehm naveh, thi mari kükhurüzheh kümsieri aveh phrüjam naveh;

⁵³azhih jüma tü nohri zhi küüsa nti tsümthuoh, tinü nohri azhih jüma mükate nü nohri zhi sanü jüla rholuo.

⁵⁴ Nohri atharuo vünüh aküze sanü rho naveh, akuoh küjiri nüh küji vi, akuoh küzahri nüh küzah vi naveh; aküze sanü anyi küsüküsü vü tsuotsake küwawa jüma tü ma zhi sanathuoh, noh pa kuoh müzhe nü vi naveh.

⁵⁵Thitü nohri nüh azhih jüla rho küvehri nohri tüvü nüh zhemja nü küüpehri nüh nohri notha vü küwephievüh alüchih kümjie sanaveh; thi nohri nüh kürho azhih vü mari nüh nohri saküsühro naveh.

⁵⁶Thi jüüta thuoüji hi nüh mari vü sa nta müsheküruwa nohri vü sanaveh,” ti küza.