Read Pochuri Naga NYITOKÜCHIE 7 Bible Online

NYITOKÜCHIE 7 - Pochuri Naga bible

NYITOKÜCHIE 7

¹Mosa nüh juhthsü-kükhurüzhehwa sajuküm rülo vünüh juhthsü-kükhurüzhehwa nga, ma lovü zanyori aveh nga, kükhurüpewa thi ma küfüküjuri nga ti vüjuh nüh vi thse thi sakümtse kheh.

²Thi Israel sierhüri, ma pari zhetovü alüri, akuoh vü sierhüri, nyito kürühküsari nyiehvü küpehri,

³ti nü VÜWA tüvü kükhurü viru kheh, akhekhe türo, shüvotsa türakünyi, sierhü künyi vü akhekhe küsüsü; shüvotsa küsüsü ti viru nü juhthsü-kükhurüzheh tüvü kükhurü sa.

⁴Jüti küsa vü VÜWA nüh Mosa vü,

⁵“Küsezhuh-juhthsüzheh küüroh vü mari vi na küsa kenüh hamari vi luo, thi mari küüroh momowa nüh jükümjie vünüh küsüsü Leviri vü tsüluo,” ti küza.

⁶Jüti küüza vü Mosa nüh akhekhe thi shüvotsari vi nü Leviri vü tsü kheh.

⁷Akhekhe künyi thi shüvotsa müzü ti ma nüh mari küüroh müzhe nü Gershon atsa nyimpari vü tsü;

⁸thi Aron navüwa tsa Ithamar kükhu vünüh ma nüh küjokütsü müzhe nü akhekhe müzü thi shüvotsa tüze vi nü ma nüh Merari atsa nyimpari vü tsü.

⁹Thitü ma tü Kohat atsa nyimpari vü thuoüji zanyoküsü nga mütsü, küpakenühnyunü kümtse zanyori küno thi mari safü vünüh kükha küüroh mari vü kütsü kenüh.

¹⁰Thi sierhüri nüh aküthse rülo vü kükhurüpewa kümthü kenüh kükhurüri vi khurü; jüti sanü sierhüri tü mari kükhurü vi kükhurüpewa tüvü nüh kükhurü sa.

¹¹VÜWA nüh Mosa vü, “Kükhurüpewa kümthü kenüh sierhüri tü rülo küsü vü nyi küsüsü nüh kükhurü sanaveh,” ti küza.

¹²Rülo pokhu vü Aminadab atsa Nashon Judah kuohwa nüh kükhurü sa;

¹³ma nüh kükhurü thuoüji rakasa akhu küsü ma küüzho thuoüji küüto küsü nü kü jeh münga, rakasa ketsoku küsü küüjeh müza tüze, kümtsezheh vü küütewa müzhe nü küüte, masükhürü nga atha nüh kükhurü kenüh ahie vüjuh küünyarü küpro;

¹⁴suna khu ma küüzho küüjeh müzake nü türake asierhe küpro;

¹⁵shüvotsazah küsü, nyihzhüvo küsü, nyihzhüzah mahvi küsü kükhruo kütso kükhurü kenüh küsü;

¹⁶nyihsüvo küsü kükhiemuo kükhurü kenüh;

¹⁷kütsathuo kükhurü küsahthuo kenüh shüvotsa künyi, nyihzhüvo münga, nyihsüvo münga, nyihzhüzahvo münga mahvi küsüsü kükhruo. Hamatü Aminadab atsa Nashonwa kükhurü.

¹⁸Rülo künyiawa Issachar sierhüwa Zuar atsa Nethanel nüh kükhurü sa;

¹⁹ma nüh ma kükhurü kenüh rakasa khu küsü, ma küüzho thuoüji küüto küsü nü küüjeh münga, rakasa ketsoku küsü küüjeh müza tüze, kümtsezheh vü küütewa müzhe nü küüte, masükhürü nga atha nüh kükhurü kenüh ahie vüjuh küünyarü küpro;

²⁰suna khu ma küüzho küüjeh müzake nü türake asierhe küpro;

²¹shüvotsazah küsü, nyihzhüvo küsü, nyihzhüzah mahvi küsü kükhruo kütso kükhurü kenüh küsü,

²²nyihsüvo küsü kükhiemuo kükhurü kenüh;

²³kütsathuo kükhurü küsahthuo kenüh shüvotsa künyi, nyihzhüvo münga, nyihsüvo münga, nyihzhüzahvo münga mahvi küsüsü kükhruo. Hamatü Zuar atsa Nethanel kükhurü.

²⁴Rülo kücheawa Zebulun nyiri sierhüwa Helnon atsa Eliab nüh kükhurü sa:

²⁵ma nüh ma kükhurü kenüh rakasa khu küsü, ma küüzho thuoüji küüto küsü nü küüjeh münga, rakasa ketsoku küsü küüjeh müza tüze, kümtsezheh vü küütewa müzhe nü küüte, masükhürü nga atha nüh kükhurü kenüh ahie vüjuh küünyarü küpro;

²⁶suna khu ma küüzho küüjeh müzake nü türake asierhe küpro;

²⁷shüvotsazah küsü, nyihzhüvo küsü, nyihzhüzah mahvi küsü kükhruo kütso kükhurü kenüh küsü;

²⁸nyihsüvo küsü kükhiemuo kükhurü kenüh;

²⁹kütsathuo kükhurü küsahthuo kenüh shüvotsa künyi, nyihzhüvo münga, nyihsüvo münga, nyihzhüzahvo münga mahvi küsüsü kükhruo. Hamatü Helon atsa Eliab kükhurü.

³⁰Rülo müzüawa Reuben nyiri sierhüwa Shedeur atsa Elizur nüh kükhurü küsa:

³¹ma nüh ma kükhurü kenüh rakasa khu küsü, ma küüzho thuoüji küüto küsü nü küüjeh münga, rakasa ketsoku küsü küüjeh müza tüze, kümtsezheh vü küütewa müzhe nü küüte, masükhürü nga atha nüh kükhurü kenüh ahie vüjuh küünyarü küpro;

³²suna khu ma küüzho küüjeh müzake nü türake asierhe küpro;

³³shüvotsazah küsü, nyihzhüvo küsü, nyihzhüzah mahvi küsü kükhruo kütso kükhurü kenüh küsü;

³⁴nyihsüvo küsü kükhiemuo kükhurü kenüh;

³⁵kütsathuo kükhurü küsahthuo kenüh shüvotsa künyi, nyihzhüvo münga, nyihsüvo münga, nyihzhüzahvo münga, mahvi küsüsü kükhruo: Hamatü Shedeur atsa Elizur kükhurü.

³⁶Rülo müngaawa Simeon nyiri sierhüwa Zurishadai atsa Shelumiel nüh kükhurü sa:

³⁷ma nüh ma kükhurü kenüh rakasa khu küsü, ma küüzho thuoüji küüto küsü nü küüjeh münga, rakasa ketsoku küsü küüjeh müza tüze, kümtsezheh vü küütewa müzhe nü küüte, masükhürü nga atha nüh kükhurü kenüh ahie vüjuh küünyarü küpro;

³⁸suna khu ma küüzho küüjeh müzake nü türake asierhe küpro;

³⁹shüvotsazah küsü, nyihzhüvo küsü, nyihzhüzah mahvi küsü kükhruo kütso kükhurü kenüh küsü;

⁴⁰nyihsüvo küsü kükhiemuo kükhurü kenüh.

⁴¹Kütsathuo kükhurü küsahthuo kenüh shüvotsa künyi, nyihzhüvo münga, nyihsüvo münga, nyihzhüzahvo münga, hamari aveh mahvi küsüsü kükhruo. Hamatü Zurishadai tsa Shelumiel kükhurü.

⁴²Rülo arowa Gad nyiri sierhüwa Khoel atsa Eliasaf nüh kükhurü sa.

⁴³Ma nüh ma kükhurü kenüh rakasa khu küsü, ma küüzho thuoüji küüto küsü nü küüjeh münga, rakasa ketsoku küsü küüjeh müza tüze, kümtsezheh vü küütewa müzhe nü küüte, masükhürü kenüh ahie vüjuh küünyarü küpro;

⁴⁴suna khu ma küüzho küüjeh müzake nü türake asierhe küpro;

⁴⁵shüvotsazah küsü, nyihzhüvo küsü, nyihzhüzah mahvi küsü kükhruo kütso kükhurü kenüh küsü;

⁴⁶nyihsüvo küsü kükhiemuo kükhurü kenüh.

⁴⁷Kütsathuo kükhurü küsahthuo kenüh shüvotsa künyi, nyihzhüvo münga, nyihsüvo münga, nyihzhüzahvo münga, hamari aveh mahvi küsüsü kükhruo. Hamatü Deuel atsa Eliasaf kükhurü.

⁴⁸Rülo türüawa Efraim nyiri sierhüwa Amihud atsa Elishama nüh kükhurü sa:

⁴⁹ma nüh ma kükhurü kenüh rakasa khu küsü, ma küüzho thuoüji küüto küsü nü küüjeh münga, rakasa ketsoku küsü küüjeh müza tüze, kümtsezheh vü küütewa müzhe nü küüte; masükhürü nga atha nüh kükhurü kenüh ahie vüjuh küünyarü küpro;

⁵⁰suna khu ma küüzho küüjeh müzake nü türake asierhe küpro;

⁵¹shüvotsazah küsü, nyihzhüvo küsü, nyihzhüzah mahvi küsü kükhruo kütso kükhurü kenüh küsü;

⁵²nyihsüvo küsü kükhiemuo kükhurü kenüh.

⁵³Kütsathuo kükhurü küsahthuo kenüh shüvotsa künyi, nyihzhüvo münga, nyihsüvo münga, nyihzhüzahvo münga, hamari aveh mahvi küsüsü kükhruo. Hamatü Amihud atsa Elishama kükhurü.

⁵⁴Rülo tüzeawa Manase nyiri sierhüwa Pedazur atsa Gamaliel nüh kükhurü sa:

⁵⁵ma nüh ma kükhurü kenüh rakasa khu küsü, ma küüzho thuoüji küüto küsü nü küüjeh münga, rakasa ketsoku küsü küüjeh müza tüze, kümtsezheh vü küütewa müzhe nü küüte; masükhürü nga atha nüh kükhurü kenüh ahie vüjuh küünyarü küpro;

⁵⁶suna khu ma küüzho küüjeh müzake nü türake asierhe küpro;

⁵⁷shüvotsazah küsü, nyihzhüvo küsü nyihzhüzah mahvi küsü kükhruo kütso kükhurü kenüh küsü;

⁵⁸nyihsüvo küsü kükhiemuo kükhurü kenüh.

⁵⁹Kütsathuo kükhurü küsahthuo kenüh shüvotsa künyi, nyihzhüvo münga, nyihsüvo münga, nyihzhüzahvo münga, hamari aveh mahvi küsüsü kükhruo. Hamatü Pedazur atsa Gamaliel kükhurü.

⁶⁰Rülo tüguawa Benjamin nyiri sierhüwa Gideoni atsa Abidan nüh kükhurü sa:

⁶¹ma nüh ma kükhurü kenüh rakasa khu küsü, ma küüzho thuoüji küüto küsü nü küüjeh müza tüze, kümtsezheh vü küütewa müzhe nü küüte; masükhürü nga atha nüh kükhurü kenüh ahie vüjuh küünyarü küpro;

⁶²suna khu ma küüzho küüjeh müzake nü türake asierhe küpro;

⁶³shüvotasazah küsü, nyihzhüvo küsü, nyihzhüzah mahvi küsü kükhruo kütso kükhurü kenüh küsü;

⁶⁴nyihsüvo küsü kükhiemuo kükhurü kenüh.

⁶⁵Kütsathuo kükhurü küsahthuo kenüh shüvotsa künyi, nyihzhüvo münga, nyihsüvo münga, nyihzhüzahvo münga, hamari aveh mahvi küsüsü kükhruo. Hamatü Gideon atsa Abidan kükhurü.

⁶⁶Rülo türaawa Dan nyiri sierhüwa Amishadai atsa Ahiezer nüh kükhurü sa:

⁶⁷ma nüh ma kükhurü kenüh rakasa khu küsü, ma küüzho thuoüji küüto küsü nü küüjeh münga, rakasa ketsoku küsü nü küüjeh müza tüze; kümtsezheh vü küütewa müzhe nü küüte; masükhürü nga atha nüh kükhurü kenüh ahie vüjuh küünyarü küpro;

⁶⁸suna khu küsü ma küüzho küüjeh müzake nü türake asierhe küpro;

⁶⁹shüvotsazah küsü, nyihzhüvo küsü, nyihzhüzah mahvi küsü kükhruo kütso kükhurü kenüh küsü;

⁷⁰nyihsüvo küsü kükhiemuo kükhurü kenüh.

⁷¹Kütsathuo kükhurü küsahthuo kenüh shüvotsa künyi, nyihzhüzahvo münga, nyihsüvo münga, nyihzhüzahvo münga, hamari aveh mahvi küsüsü kükhruo. Hamatü Amishadai atsa Ahiezer kükhurü.

⁷²Rülo türaluokeawa Asher nyiri sierhüwa Okhran atsa Pagiel nüh kükhurü sa:

⁷³ma nüh ma kükhurü kenüh rakasa khu küsü, ma küüzho thuoüji küüto küsü nü küüjeh münga, rakasa ketsoku küsü küüjeh müza tüze; kümtsezheh vü küütewa müzhe nü küüte; masükhürü nga atha nüh kükhurü kenüh ahie vüjuh küünyarü küpro;

⁷⁴suna khu küsü ma küüzho küüjeh müzake nü türake asierhe küpro;

⁷⁵shüvotsazah küsü, nyihzhüvo küsü, nyihzhüzah mahvi küsü kükhruo kütso kükhurü kenüh küsü;

⁷⁶nyisüvo küsü kükhiemuo kükhurü kenüh.

⁷⁷Kütsathuo kükhurü küsahthuo kenüh shüvotsa künyi, nyihzhüzahvo münga, nyihsüvo münga, hamari aveh mahvi küsüsü kükhruo. Hamatü Okhran atsa Pagiel kükhurü.

⁷⁸Rülo türakünyiawa Naftali nyiri sierhüwa Enan atsa Ahira nüh kükhurü sa:

⁷⁹ma nüh ma kükhurü kenüh rakasa khu küsü, ma küüzho thuoüji küüto küsü nü küüjeh münga, rakasa ketsoku küsü küüjeh müza tüze, kümtsezheh vü küütewa müzhe nü küüte;

⁸⁰suna khu küsü ma küüzho küüjeh müzake nü türake asierhe küpro;

⁸¹shüvotsazah küsü, nyihzhüvo küsü, nyihzhüzah mahvi küsü kükhruo kütso kükhurü kenüh küsü;

⁸²nyihsüvo küsü kükhiemuo kükhurü kenüh.

⁸³Kütsathuo kükhurü küsahthuo kenüh shüvotsa künyi, nyihzhüzahvo münga, nyisüvo münga, nyihzhüzahvo münga, hamari aveh mahvi küsüsü kükhruo. Hamatü Enan atsa Ahira kükhurü.

⁸⁴Hamari tü saküümtse rülo vü Israel sierhüri nüh kükhurüpewa kenüh kümthü kükhurü küsa: rakasa khu türakünyi, rakasa ketsoku türakünyi, suna küfü türa künyi,

⁸⁵rakasa khu aveh nga küsü vü küüto küsü nü küjeh münganga, thi ketsoku aveh küsü vü küüjeh müza tüzeze, ahuokhu aveh küsaji rakasa kümtsezheh vü küütewa nüh küüte küüto mükeke nü türü küüjeh türo,

⁸⁶suna küfü türakünyi asierhe küpro vü aveh küsaji kümtsezheh vü küütewa nüh küüte küüto küsü küüjeh cherake nü künyi;

⁸⁷kütso kükhurü kenüh mieshümiesa aveh shüvotsa türakünyi, nyihzhüvo türakünyi, nyihzhüvo mahvi küsü kükhruo türakünyi, thi jümari kenüh ahie kükhurü nga ti; kükhiemuo kükhurü kenüh nyihsüvo türakünyi;

⁸⁸thi kütsathuo kükhurü küsahthuo kenüh mieshümiesa aveh shüvotsazah mükeke nü müzü, nyihzhüvo rorake, nyihsüvo rorake, nyihzhüzahvo mahvi küsü kükhruo rorake. Kükhurüpewa thseküm sevü hamari nüh vi nü kükhurüpewa kümthü kükhurü sa.

⁸⁹Jüti sanü Mosa tü VÜWA sie jüle nti küsezhuh juhthsüzheh lovü tu, thinü kürhosa künyi azhievü noküümze pewa nyiehvü pohvü kuwa nyiehvü nüh ma vü azhü küphra jikhi künara; thi ma nüh ma vü azhü küza.