Read Pochuri Naga MIKA 3 Bible Online

MIKA 3 - Pochuri Naga bible

MIKA 3

¹Thi hi nüh: Künaluo, nohri Jacob alüri thi Israel zhehlori takrüri! Nohri tü kümshowa küthsüleh nyu ülo?

²Nohri kümhie mürhü thi kümsü külori, eh nyira sahu, thi mari arü sazhü kümrhürieri;

³thawa nüh eh nyira sa tsalo, thi ma sahuri müzuo nüh, thi ma rüri zoshirie kümüri, asa asükhri küsa kümjie tenya nü, ake küsü lovü asa kümjie.

⁴Jüti sanü mari tü VÜWA vü zie naveh, thitü ma tü mari küühuwa nyu; jüma tsotho vü ma tü mari vünüh ma nyieh küthim naveh, küpakenühnyunü mari nüh kümsüküsa amüke saküm kenüh.

⁵Anyiri küjo küünaphe küm setsaküthsüri kenüh VÜWA nüh hakümjie küza, mari nüh azanyo wuori akütsa pehküveh vü, “Kürükümhie,” ta ziezieti, thitü mari apo lovü zanyo küsü nga müküthseri vü ariephrazhuzhuti.

⁶Jükenüh kümohtsa münyie nüh nohri vü jüma tü atsozo naveh, thi küthsükütsü münyie nüh nohri vü zo naveh. Setsaküthsüri rügivü arünyi tetu naveh, thi mari anyiehvü arülowa tü nyi naveh,

⁷setsazhüküphrari tü zükrüm naveh, thi amohtsari tü saküzhükrü naveh; mari aveh mari pomie sate naveh, Saküüwuowa vünüh mükühu nüh sam na küveh kenüh.

⁸Thitü hi thuoüji akükhra nüh promthuoh, VÜWA sietse nüh promthuoh, thi kümsho thi kümzho nüh promthuoh, Jacob küphrürie ma vü phrahzhu nti thi Israel kükhiemuo ma vü phrahzhu nti.

⁹Jacob zhehlo takrüri thi Israel zhehlo levüri hama künaluo, kümsho kürho kümari thi künyitsa aveh viküüreleri;

¹⁰azüh vi Zion sa thi müküleh vi Jerusalem küsari!

¹¹Ma takrüri tü athe kenüh ashih tsü, ma nasari tü ame kenüh sosie, ma setsaküthsüri tü pesa kenüh azhüle küsü tsü; tü mari tü VÜWA vü rüngake taji, “VÜWA tü hiri sietse tsa veh! kümsü küsü nga hiri vü küruwa nyu,” ta küza veh.

¹² Jükenüh noh Zion kenüh azhuh küsü üta tsanaveh; Jerusalem tü ferie kümproke küsü kümjie sam naveh, thi azheh aküzhiri tü aküze kümsie küsü kümji