Read Pochuri Naga ZEKHARIA 3 Bible Online

ZEKHARIA 3 - Pochuri Naga bible

ZEKHARIA 3

¹Jüsevü Joshua navü kümsiewa tü VÜWA zhülewa tüvü tsie küveh hi kütsa, thi Tsuore[1] tü ma phramsü nta ma ke azhie wuovü tsie veh.

²Thinü VÜWA nüh Tsuore vü, “VÜWA noh phramsü mthuoh! Jerusalem rüka küm VÜWA nüh noh shüke luo! Hamatü anyih vünüh külüzhu nyisheju nyu ülo?” ti küza.

³Jüti küsa vü Joshua tü

⁴Thi Rügihzhülewa nüh ma tüvü tsie küvehri vü, “Ma vünüh mükümtse thsümnyiri fojam tüluo,” ti küza. Thi ma vü thuoüji ma nüh, “Halie, hi nüh noh vünüh noh künakhie vijamthuoh, thi hi nüh noh vü künyirhie thsümnyi küüzhu naveh,” ta küza.

⁵Thi hi nüh, “Mari nüh ma lü rügivü kümtse alüwe küüzhuphohwa küüvüm luo,” ti küza. Jükenüh mari nüh alüwe küüzhuphohwa kümtse küsü vi ma lü rügivü thsetsü thi thsümnyi vi ma küüvü; thi VÜWA rügizhülewa tü akütuo vü tsie peh.

⁶Thi VÜWA zhülewa tü Joshua sie jüle taji,

⁷kümsietsa VÜWA nüh hakümjie küza veh: Mükütüküzü nohri nüh eh lehkhujiri vü tse nta thi hi nüh sa üta küsari sa, ti thuoüji nohri tü eh zheh vü takrü naveh thi eh nyulari vü ashu sara naveh, thi nohri tü hala tsieküvehra azavü hi nüh nohri vü azhi küsü tsü naveh.

⁸Khinyi künaluo, O Joshua navü kümsiewa, noh thi noh füri noh tüvü shupeh küvehri, küpakenühnyunü mari tü anyi amngu kümhieri küsa kenüh, hi nüh eh siepe Tsuonawa sieru naveh,

⁹küpakenühnyunü halie, hi nüh Joshua atü vü alohwa shieküsa, aloh küsü rügivü atso türü pe, hi nüh ma zhü khrüke naveh, ta thopahiri VÜWA nüh küzaveh, thi rülo küsü vünüh azhih hama künakhie vijamtü naveh.

¹⁰ Jüma rülo vü, nohri nyi küsüsü nga ma rhelivi rhu thi ma müparhu kükhu vü ma zhephruriwa sie sezhunaveh.