Read Pochuri Naga ZEKHARIA 5 Bible Online

ZEKHARIA 5 - Pochuri Naga bible

ZEKHARIA 5

¹Hi nüh eh notha toke nü no ünü, shala küsü prükütse ngu!

²Thi ma nüh hi vü, “Noh tü mowa ngu veh lo?” ta küna. Hi nüh, shala küsü prükütse ngu veh; ma chu thuoüji apie türake, ti rületsü.

³Thinü ma nüh hi vü, “Hamatü kümzü azheh anyieh aveh vü kuoküwawa; küpakenühnyunü kürühuri aveh thuoüji nosü vünüh tuvü jüma müzhe nü vijam naveh, thi rie nü küüshieri thuoüji nosü vünüh tuvü jüma müzhe nü vijam naveh.

⁴Hi nüh jüma küze naveh, thi jüma tü kürühura zhehlovü thi rie nü küüshiera zhehlovü eh nyo vünüh tu naveh; thi jüma tü ma zheh lovü peh nü azhehthsoluo thi alohriluo jüma zoriem naveh,” ta küza.

⁵Jüsevü hi siejüle küveh rügizhülewa atüvü tsezhuru nü hi vü, “Noh notha toke nü kuoküwawa tü mowa nüh noluo,” ti küza.

⁶Jüti küsa vü hi nüh, “Jümatü mowa lo?” ti küna. Thinü ma nüh, “Hamatü kuotsezhu küwawa tü akhuoshu,” ta rületsü. Jüma sevü ma nüh hi vü, “Hamatü azhih aveh vü mari künakhie,” ta rületsü.

⁷Thinü halie, amrü nüh küsa küsotewa tü sakeno ünü nyimzari küsü tü akhuoshu lovü shupehveh!

⁸Thi ma nüh “Hamatü kümsü küsa,” ta rületsü. Thi ma nüh nyimzawa tü akhuoshu lo vü küchiethsem le nü amrü küzotewa ma thsopo vü khetem.

⁹Jüti sanü eh notha toke nü no ünü nyimzari künyi tü atüvü tsezhuru! Amürhü tü masü aküsa vüpeh; masü tü jumwa küsa kümjie pe, thi masü tü azhih thi atülü masü azhie vü akhuoshuwa khake.

¹⁰Thinü hi nüh rügizhüle hi sie jüle küvehwa vü, “Masü tü akhuoshu khievü kuokhawa lo?” ti küna.

¹¹Ma nüh hi vü, “Shinar zhih vü kuokhawa,” ti rületsü, jüma kenüh azheh sa nta; thi hama kücherathuoh üji masü nüh akh