Read Pochuri Naga MALAKHI 4 Bible Online

MALAKHI 4 - Pochuri Naga bible

MALAKHI 4

¹“Küpakenühnyunü halie, arülowa tü anyithü küsü küju kümjie tsethuoh, kürhiezarhiechiri aveh thi kümsü küsari aveh tü amaguo kümüjie arülo kütse jümawa nüh mari aveh tsom naveh, jüta küsa vünüh jüma nüh jümara rüzoh nga thi atsuona nga küükhe wa nyu thuoh, ta thopahiri VÜWA nüh küza veh.

²Thitü nohri eh nyo kükrüri thuoüji saküümhie ma küsa vünüh künyitsa rünyi nüh saküüsüra naveh. Mieshüzah nüh ma ku lovü nüh küjojo kümjie jozhu wa naveh.

³Thi nohri nüh kümsüküsari tü anyi kürüpuokem naveh, küpakenühnyunü mari tü hi nüh zanyo küsa rülo vü nohri mütseh kükhu vü aweji sam naveh, ta thopahiri VÜWA nüh küza veh.

⁴“Eh siepewa Mosa Khonyo, azhühkheri thi azhükhori hi nüh Horeb vünüh Israel aveh kenüh azhükütsü müsheke luo.

⁵“Halie, hi nüh VÜWA rülo aküji thi küükrükükra müjie küru atüvü Elijah setsaküthsüwa küze naveh.

⁶Thi ma nüh apara luoveh saküüreke nü atsari vü thse thi atsara luoveh saküüreke nü apari vü thse, ti sanaveh, jüta mükünyu nü hi nüh ru nü kümzü vi nü nohri azhih kürhie na küveh kenüh,” ti küza.