Read Pochuri Naga MATHI 1 Bible Online

MATHI 1 - Pochuri Naga bible

MATHI 1

¹Jisu Khrista küthsoküzhi lasipha, Abraham vünüh David ngura, David vünüh Jisu Khrista ngura.

²Abraham vünüh Isaac ngura, Isaac vünüh Jacob ngura, Jacob vünüh Judah thi ma nüri ngura.

³Thi Tamar vünüh Judah tsa Perez thi Zera masü ngura; thi Perez vünüh Hezron ngura, thi Hezron vünüh Ram ngura.

⁴Thi Ram vünüh Aminadab ngura, thi Aminadab vünüh Nashon ngura, thi Nashon vünüh Salmon ngura.

⁵Thi Rahab vünüh Salmon Boaz ngura, thi Ruth vünüh Boaz tsa Obed ngura; thi Obed vünüh Jesse ngura.

⁶ Thi Jesse vünüh kajiwa David ngura. David vüvüh Uriah vünüh ma tsa Solomon ngura.

⁷Thi Solomon vünüh Rehoboam ngura thi Rehoboam vünüh Abijah ngura; thi Abijah vünüh Asa ngura.

⁸Thi Asa vünüh Jehoshafat ngura; thi Jehoshafat vünüh Jehoram ngura; thi Jehoram vünüh Uzziah ngura.

⁹Thi Uzziah vünüh Jotham ngura; thi Jotham vünüh Ahaz ngura, thi Ahaz vünüh Hezekiah ngura.

¹⁰Thi Hezekiah vünüh Manase ngura, thi Manase vünüh Amon ngura, thi Amon vünüh Josiah ngura.

¹¹Jüsevü mari Babilon vü kütse tsotho vü Josiah vünüh Jekhonia thi ma nüri ngura.

¹²Thi mari re Babilon vü wa kümüsevü Jekhonia vünüh Shealtiel ngura, thi Shealtiel vünüh Zerubbabel ngura.

¹³Thi Zerubbabel vünüh Abiud ngura, thi Abiud vünüh Eliakim ngura, thi Eliakim vünüh Azor ngura.

¹⁴Thi Azor vünüh Zadok ngura, thi Zadok vünüh Akhim ngura, thi Akhim vünüh Eliud ngura.

¹⁵Thi Eliud vünüh Eleazar ngura, thi Eleazar vünüh Mathan ngura, thi Mathan vünüh Jacob ngura.

¹⁶Thi Jacob vünüh Josef Maria vüpa ngura, thi Maria vünüh Jisu Khrista ngura.

¹⁷Hakümjie Abraham vünüh wa David küju awura türamüzü, thi David vünüh mari re Babilon vü küwa küju nga awura türamüzü, thi mari re Babilon vü küwa vünüh wa Khrista küju awura türamüzü.

¹⁸ Thi Jisu Khrista küwuo hakümjie: Ma zah Maria tü Josef vü küüza nta zhüthuomü tajinü masü müjie küpe atü vünüh Kümtse Sietse vünüh atsamotetse thuohta küsa thsüra.

¹⁹Thinü Josef tü künyitsari küsü küsa kenüh anyiri atüvü kümüteh thama küvü kenüh küthi ma jamü nta müshe.

²⁰Thitü ma nüh zanyo hamari müshe peveh ünü, halie, ma mo vünüh VÜWA zhüleri küsü ma vü ru nü, “David küthsoküzhiwa Josef, noh Maria vi noh vüvüh sana küsa mükrütümü luo; küpakenühnyunü ma atsa mopeküvehwatü Kümtse Sietse vünüh küsa kenüh.

²¹ Thi ma tü nyimpari küsü wuo naveh, thi noh ma nyo thoh Jisu ji luo, küpakenühnyunü ma nüh ma nyiri kükhiemuo vünüh küloletsü naküveh kenüh,” ti küza.

²²Zanyoha aveh saru, küpakenühnyunü VÜWA nüh setsaküthsüri vünüh phrateküruwa saju naküsa kenüh. Setsaküthsüri nüh küüza;

²³“Halie, rüla kümütha jüma tü atsamotajinü nyimpari küsü wuo naveh, thi ma nyo Emanuel” ta thoh ji naveh; Emanuel mazhünyo; “Saküüwuowa hiri siepevehthuoh,” ti küza.

²⁴Thinü Josef tü jo süra tajinü VÜWA zhülewa nüh ma vü küüza kümüjie ma vüvüh vi.

²⁵ Thitü Tsawa müjie küwuo küju nü ma tü ma vüvüh sie nyivühnyipa müsa; jüsevü Tsawa wuo taji nü ma nyo Jisu ti ji.