Read Pochuri Naga MARK 16 Bible Online

MARK 16 - Pochuri Naga bible

MARK 16

¹Jüsevü kümünyie tsotho jumü ünü Magdalene Maria thi Jems aza Maria thi Salomi mari azanyo arhe küüngü vi Jisu kümo küne nti sanü sü.

²Thi kümünyierülo apowa arüne thomütho arünyi küshu tsotho kheti mari wa arüku ju.

³Thinü mari küwavü azhü kürüchie taji, “Thawa nüh arüku khete küsa amükhie lohwa khaphie nü hiri tsünaveh nüh,” ti haluo wa.

⁴Küpakenühnyunü aloh watü jishe kümü kenüh, jütiküsavü mari toke nü noküze ünü alohwa khaküprikümü ngura.

⁵Jütisanü mari arüku lovü tu ünü vizari küsü athsü aküsuo kümüji nüh küzhu tajinü Jisu kümo küüzepe azhie wuovü pela nü ngu taji mari ngo she.

⁶Thinü jüma nüh mari vü, “Nohri müngotümü luo, nohri tü Jisu Nazareth nyuri nüh ma vi khieluothso rügi vünüh zeke kümüwa phatse nü ah, ma nü rhoshele tewathuoh, ma hala münyiethuoh; halie, nyuri nüh ma vi küüzepe nga ra no luo.

⁷ Jütisanü wa ma sehnyiri thi Pitor vü küzaluo. Ma nohri atüvü tse Galilee vü wa thuoh nüh; ma nüh khana nohri vü küüza kümüjie nohri wa jüla nüh ma nguranaveh nüh,” ti küza.

⁸Thinü mari tü arüku lo vünüh shuru taji pre zhütewa, küpakenühnyunü mari tü amüngu kükhe thi mari ngo she kümüthuoh kenüh, thi mari tü nyi küsü vü nga zanyo küsü nga müphratera nüh samü, küpakenühnyunü mari tü krükümüthuoh kenüh.

⁹Thinü Zhia rülo apokhu rüne kümüto Jisu rhole nü wa ma nüh khana nyimza küsü vünüh tsuore kümüsü türü zheküjavühwa Magdalene Maria küütsa apokhu sa.

¹⁰Thinü ma nüh wa taji khanavü ma sietsetaji nü alorü thi krie ti küsari vü küza.

¹¹Thitü ma rholethuoh ta küsa mari nüh thsüwie ketünga thi nyimzawa nüh nguthuoh ta wie ketünga mari tü mütsotü nüh sa.

¹²Jüsevü ma sehnyi nyi künyi anyu vü wanti kütsevü ma tso saküpa nü aletsa vünüh masü kütsa.

¹³Thi masü wataji küpari vü küza, thitü masü azhünga mütsotü nüh samü.

¹⁴Jüsevü türaluokeri kürü ashie tsapeküvehvü ma wa nü mari vü kütsa; jütisanü ma rholekümü sevü mari tü nyuri nüh ma künguri azhü nga mütsotü nüh sakümü kenüh mari mükütsotü aluoveh kükho müküle küza mari kütsa.

¹⁵Jütisanü ma nüh mari vü, nohri azhih aveh vü wa nü Zhüle kümühiewa anyiri aveh vü sosieluo,

¹⁶anyi küsüküsü nga tsotümütaji nü baptis sathuoüji küülolewa nguranaveh; thitü anyi küsüküsü nga mükütsotüwa thuoüji müshemüsümünaveh.

¹⁷Thi kütsotüri alüvü akükhra hari penaveh: mari eh nyo vünüh tsuore kümüsüri zhejara naveh; mari kürüthezhüri phra naveh.

¹⁸Mari amüre soke naveh, thi mari küsüra kümühie kümüzhi zhuwie ketünga mari saküümüsüwanyu, ma keri nüh akünari pa thuoüji mari mühiera naveh, ti küza.

¹⁹ Jütisanü mari vü azhüküzakümü sevü VÜWA Jisu sie rügi vü tekuo, thi kuo Saküüwuowa azhie wuovü petewa.

²⁰Jüsevü mari tseshuwa nü azhie aveh vü anyiri sosietewa, thi VÜWA nüh mari sie küro, thi athsoshiri vünüh VÜWA zhü küsosie azhütsa ta küsa küthsütsü, Amen.