Read Pochuri Naga MARK 6 Bible Online

MARK 6 - Pochuri Naga bible

MARK 6

¹Jüsevü ma jüla nüh shuteru nü tse ma mpa ma nyu vü teru, thi ma sehnyiri nga ma se müzheteru.

²Thinü Sabbath üti küji Judahri kümünyierülo ju nü sinagogue üti küji künazizhe vünü nyuri sosie, thi ma zhü küünari hozake wienga khielo üti ngo nü küphrate, “Anyi hamatü khiela nüh azahnyo haritü ngura lo? Thi vi ma tsü küsa aküthsü ha nga mokümjie küsathuoh lo? Thi mokümjie ma ke vünü azahnyo küji hakümjie saraveh lo?

³Hamatü athso misitiriwa nyu ülo? Ma zah Maria thi ma nüri Jems thi Jose thi Judah thi Simon nyu ülo? Thi ma tsehvüri nga hiri sie hala pemüveh ülo?” üti sa, jüütisanü mari ma vü aluoveh müsütewa.

⁴Thinü Jisu nüh mari vü, setsaküthsüri tü ma mpa ma nyu thi ma mpa ma küshuküra thi ma mpa ma tsapatharuo vünü küchie nüh azhieküpa aveh vünü küsiake ngura veh, ti küzah

⁵Jütisanü ma aküna wuori pa taji jümari sakümühie kütsü küchie ünü jüma nyievü jüla azahnyo küji müsara nüh samü.

⁶Thi mari nüh mütsotü nta sakümü kenüh matü ngo sheh. Thi Jisu tu anyunyu vü sosie tewa.

⁷Thinü ma nüh türakünyiri ma vü jike taji nyi künyihnyih vünü küzenta sa, thi mükümtse nyiaza anyia vü kükhrara akükhra vi mari tsü.

⁸Thi mari tseküwa vü akütsüh vehküsü küchie nüh achükhu nga satü, alohse nga satü thi apesa nga satü zahnyoküsü nga vimüwatümü üti küzah.

⁹Thi mari ajiküükruvüh küthse küchie nüh satsaküüzhuvüh nga künyi müvütümü üti küzah.

¹⁰Jümpa mükünyu nohri wuovüwuovü nga watü azhe khiela tuna ve ünü nohri anyu jüla ünü müjie tseteküwa küju nü jüla pewie luo, üti küzah.

¹¹ Thi wuovüwuovü nga nyuri nü nohri müsieke nta thi noh zhüri müküna nta thuoüji, nohri anyu jula nüh tewaluo nta küsa vü mari küüthsü nta küsa kenüh nohri ampha kükhu vü azhitho nga kükojamüluo, ti küzah.

¹²Thinü mari tsewa taji aluoveh mükhaphrüji mümühie üti küsa vi sosie.

¹³ Thinü mari atsuore kümüsüri hozake zheja, thi akünari hozake vü avüjüh vi künetsü nü mari sa kümühietsü.

¹⁴Herod kajiwa nga Jisu kükra künara, küpakenühnyunü ma zhükuwa tü tholanyuo teküwa thuoh kenüh, wuori nüh küüzah, Johan nyuri baptis küsawa tü aküsü vünü rhoküsüra thuoh kenüh akükhra hari mavü nü saraküvehwie, ti küzah.

¹⁵Thitü küpari nüh küüzah, hama tü Elijah wiethuoh, ti küzah. Thi wuori nüh küüzah, “Khanavü setsaküthsüri küsü kümüjie ma nga setsaküthsüri küsü wiethuoh,” üti küzah.

¹⁶Thitü Herod nüh jüküthsüra vü, khanavü hi nüh ma lü zahthuohkümüwa Johan rhosürale müthuoh, ti küzah.

¹⁷Herod ma mpa nüh Herodia, ma nü avüvüh kenüh anyiri küze taji Johan re küsizhe lovü thse nü khehkemü, küpakenühnyunü ma nüh ma nü Filip vüvüh zahkümü kenüh.

¹⁸Johan nüh Herod vü küüzah, “Noh nü noh nü avüvüh küvi awulemükünyu kenüh,” ti küzah.

¹⁹Thinü Herod avüvüh Herodia vühwa nga Johan vü sieküproluo nü ma fethe ngü, thitü müsara nüh samü.

²⁰Herod tü Johan krü, küpakenühnyunü Johan tü künyitsari küsü thi kümtseri küsü ta küsa küthsü kenüh ma huotepe thi ma zhü küüanara vünü azahnyo hozake sara, thi küna lozhe.

²¹Jütiküsavü atsotho kümühie küsü, Herod küwuo rülo ru ünü ma ünü ma kükhu vü küji saküvehri thi arienyiri anyia vü aküji sa küvehrithi Galilee vü sierhüri üti sie tsazhü.

²²Thinü Herod vüvüh Herodia vühwa atsa rülawa tü turu tsi kütsanü Herod thi ma nüh sietsazhuküvehri sakülozhe tsü, thinü kajiwa Herod nüh rülawa vü küzah taji, noh mowa loveh nüh hi vü khuoluo, hi nüh jüma satsüwie naveh, ti küzah.

²³Jütisanü ma nüh rülawa atü vünüh küshiewie taji nü, noh hi vü mowa khuo nthe nüh, hi nüh tsüwie naveh, eh kükaji küzhila nga vino tsüwie naveh, ti küzah.

²⁴Thinü rülawa tü tseshuwa taji ma zah vü küna nü, “Hi tü mowa khuo üti lo?” ti küna ünü, ma zah nüh ma vü küüzah, Johan nyuri baptis kütsüwa alü khuo luo, ti küzah.

²⁵Thinü rülawa tü külesho prezahzah kajiwa vü ru nü, noh nüh Johan Baptist alü khinyi akhu lovü shita thseru nü hi küütsüngüveh, üti khuo.

²⁶Thinü kajiwa tü ma lomüra nüh sa sheh, thitü ma nüh küshie kümüzhüwa kenüh thi ru ma sietsazhu küvehri kenüh rülawa zhü mükürüra nüh samü.

²⁷Thinü müküzhikewiethuoh nüh kajiwa tü ma huoküveh arienyiri küsüküze nü ma lü viru üti azhütsü. Thinü ma tü wa nü küsizhe vünü ma lü thuoh,

²⁸Jütisanü akhu küsü lovü thse nü viru rülawa tsü, thi rülawa nga viwa ma zah tsümü.

²⁹Jütiküsavü Johan sehnyiri tü ju thsüra nü ru ma kümo khawa tajinü arüku küsü lo vünü chowumü.

³⁰Jüsevü povüküsari tü shehle ru Jisu vü sehzhu tajinü mari nüh momowa sa thi momo üti sosie nüh ma vü küzah kheh.

³¹Thinü ma nüh mari vü küzah, “Nohri ra nyuri mükünyie vü pike münyie pela luo, küpakenühnyunü anyiri khielota ru le wa le üti sanü atsotho rüzi nü kütsaküzhu küsa nga müsara nüh sakümü kenüh.”

³²Jütisanü mari ajuhie vünü tse anyiri mükünyie ape vü tewa.

³³Thinü anyiri nüh mari kuoküwa ngu nü anyiri hozake wienga mari wiethuoh ta küsa thsü nü anyunyu vünü zhü mari atüvü üti wa kheh

³⁴ jürü Jisu tü ajuhie lo vünü shuru ünü anyiri ashieji küsü ngura; thinü ma tü jümari ngu nü kümüze sheh, küpakenühnyunü mari tü anyizhü mari kühuowa mükünyie kümüjie küsa kenüh, jükenüh ma nüh azahnyo hozake vi mari sosietsü.

³⁵Thi arülowa münü tetsethuoh ünü, ma sehnyiri tü ma vü ru nü küüzah, hatü areza thuoh, thi atsothowa tü münümüthuoh;

³⁶tinü mari anyu luo wie küze tajinü mari mpa mari kütsaküzhu küüsümuluomo, küpakenühnyunü mari tü zahnyo küsü nga kütsa mükünyie kenüh, ti küzah.

³⁷Thitü ma nüh mari vü küüzah, nohri mpa mari vo saluo, ti küzah. Thinü mari nüh ma vü küüna, “Noh tü hiri wa taji alohse duli müzah künyi ame süru nü mari avo sa üti lo,” üti küna.

³⁸Thinü Jisu nüh mari vü küüzah, nohri alohse küzahke vü tse ünü wa nü nonoluo, ti küzah. Mari nüh wa nono taji ma vü küüzah, alohse münga thi anga künyi üti vü tse, ti küzah.

³⁹Thinü ma nüh anyi jümari aveh ajiejie vünü apra kümüzhi rügi vüpe üti küzah.

⁴⁰Thinü mari ajiejie vünü wuori müzahke wuori tünyieke üti shupewa.

⁴¹Jüti satajinü ma nüh alohse münga thi anga künyi üti vi nü rügi vü no nü tsia tsü, thi alohseri zokhuo nü küsuo anyiri vü tsü üti vima sehnyiri tsü, thi anga künyi nga küsuo nü mari tsü.

⁴²Thi mari aveh tsa taji müwara kheh.

⁴³Thi mari anga thi alohse kütsatü aveh phazhü nü akhuo türakünyi vizhuhra.

⁴⁴Jüla nyimpari alohse kütsa mari anyie münga.

⁴⁵Jümase vü müküzhikewiethuoh nüh ma nüh anyiri saküze küveh vü ma sehnyiri tü shi üti ajuhie lovü tu nü apo sa tuwuovü Bethsaida vü tewa üti küzah phoke.

⁴⁶Jüti mari küzekhehkümüsevü ma tü akükhuo santi küzhiho vü tewa.

⁴⁷Thi münüleh teru ünü ajuhie watü ajuküji azhila vü tewa, thi ma thuoüji ma mpa alievü ajuküüwe vü petewa.

⁴⁸Thi amürhü nüh mari atü vünü mari wuo vü weke kümü kenüh mari ajuhiewa hie khosheh taji kuoküwa ngu taji arüne münühu müzü kümüjie küsavü mari sieteküwangu kenüh mari vü wa.

⁴⁹Thitü mari tü ma nüh ajuküji nyia aletse kütse ngu nü ma tü atsuore tünüh ti sanü azhü zie.

⁵⁰Küpakenühnyunü mari aveh ma ngu nü aluoveh küzah üti sateküwa kheh kenüh. Thinü ma nüh shi üti mari jüle taji mari vü küüzah, nohri lozheluo, hi wiethuoh nüh, mükrütümü luo, ti küzah.

⁵¹Jütisanü ma tse mari vü wa ünü ajuhie lovü tu, thinü amürhümüürhü nüh letewa: thi mari mükümüshehphiera sanü khielo üti mari mpa krü ngo sheh.

⁵²Küpakenühnyunü mari tü alohse vünü küükrükükra küsa nga mümüshehünü samü, thi mari luoveh tü khotekütsethuoh kenüh.

⁵³Jümasevü mari jüma kari ru, thi Gennesaret azhih vü ru nü ajuhiewa ajuküji nato vü viru sa.

⁵⁴Thi mari ajuhie lo vünü shurü ünü, anyiri nüh shi üti ma thsütera.

⁵⁵Thinü anyu jüma natonahuo vü küpe aveh vü zhüwa taji akünari aze rügi vü nazeküvehri khavü taji ma khiekhiela peveh nüh vü wa.

⁵⁶Jüti sanü anyuküzahri vü nga, anyuküjiri vü nga, azhü vünü nga, asüküsape vünüh nga ma khiekhiela wa naveh nü akünari sieru nü lekhuji aveh vü sataji ma thsühuwie nga küüpa üti khuo, thi ma küpari aveh nü mühierara üti sa.