Read Pochuri Naga 1 KORINTHIARI 13 Bible Online

1 KORINTHIARI 13 - Pochuri Naga bible

1 KORINTHIARI 13

¹Hi nüh nyira jikhi nyutü rügizhüleri jikhi vi azhü küzarawie ketünga küümze eh lovü münyie thuoüji hi tü mürütahthsü küfe kümüjie nyutü mürü küüchirü khi kükhukümüjie samü naveh.

²Thi mükütüküzü hi nüh setsaküthsüzhü küphra kükhra thi azhü küsheh aveh thsüra thi aküthsü aveh peh thi hi nüh küzhiho vi küütselera kütsotü peh wie ketünga küümze münyie thuoüji hi tü zanyoküsü nga nyuthuoh.

³Mükütüküzü hi nüh eh zhi aveh nyuri tsükhehmü thi hi nüh eh kürho tsü nü tsomüwie ketünga küümze münyie thuoüji hitü zanyoküsü nga künyia münyiathuoh.

⁴Küümüze thuoüji küzhike thi no kümüze, küümze thuoüji nyuri nomükürüpa nyutü mürhieza;

⁵küümze thuoüji müjuju vünüh ma kümühie mpha nyutü mükuoti. Küümüze thuoüji ma mpa ma kümüsho mpha; küümze thuoüji nyuri rüsamüküshu, nyutü nyura müküle luoveh lovü müsa;

⁶küümze thuoüji müküleh vü alomüzhe, thitü küzhütsavü lozhe.

⁷Küümüze thuoüji zanyo aveh vü tera veh, zanyo aveh tsotüra veh, zanyo aveh luozhe veh, zanyo aveh vü küzhikera veh.

⁸Küümüze thuoüji küsuokürho wiethuoh; setsaküthsüzhü thuoüji münyie nüh satewa naveh; azhü küpapa küphra thuoüji letewa naveh; aküthsü thuoüji münyie nüh satewa naveh.

⁹Küpakenühnyunü hiri küthsü nga satü thi hiri setsaküthsüzhü küphra nga satü aveh nyu, küsuokhuo mpa wie.

¹⁰Thitü aküjuwa ru thuoüji müküjuwatü münyie nüh samünathuoh.

¹¹Hi kürünguo vü thuoüji kürünguora zhü phra, kürünguori kümüjie zanyo müshe, kürünguori kümüjie zanyo kütuo thitü hi khruokümü sevü thuoüji rünguora khuke aveh jamüthuoh.

¹²Küpakenühnyunü khinyi thuoüji hiri tü anyikünovüh vünüh atso mpa ngu veh, thitü loküsü nüh künyitoh ngu naveh. Khinyi hi nüh thsüküveh thuoüji aveh nyu, küzhila wie; thitü loküsü nüh VÜWA nüh hi küthsütoh kümüjie zanyo aveh thsüjura naveh.

¹³Jükenüh kütsotü, küluozhe, thi küümze hari küche pehwie ketünga hamari küche azhie vü küjitsahwa th