Read Pochuri Naga 2 KORINTHIARI 3 Bible Online

2 KORINTHIARI 3 - Pochuri Naga bible

2 KORINTHIARI 3

¹Hiri tü hiri mpa kuosiake tewahüthuoh ülo? Nyutü anyi wuori nüh küsa kümüjie hiri nga küsiake lasi nohri vü tsü nyutü nohri vünüh müviji mümühie ülo?

²Küsiake lasi jüma thuoüji nohri luoveh vü rhüke nü nyiri aveh nüh thsü thi chiekütsewa wiethuoh.

³Thi Khrista vünüh lasi küru hiri nüh küsuokütsüwa nohri nüh kütsa veh, jümatü lasijuh nüh mürhü nü rhoküvehwa Saküüwuowa Sietse nüh rhü, thi jümatü alokhie rügivü mürhüke nü nyiri luoveh lokhie rügivü rhüke sa veh.

⁴Hiri tü Saküüwuowa[3] vü kütsotü jükümjie küsa Khrista vünüh pehvehthuoh.

⁵Hiri vünüh shuküru zanyo küsü nga hiri mpa nüh küsara ta küchieke münyie, hiri nüh küsara thuoüji Saküüwuowa vünüh wie;

⁶ ma nüh hiri tü kütsathuoh kürüthewa küüro küüsa nta saküsa wie, jümatü khonyo rhüküsa vünüh nyu thitü Sietse vünüh; küpakenühnyunü khonyo rhüküsa vünüh thuoüji zothemümüti, thitü Sietse vünüh kürhü thuoüji akürhowa tsü veh.

⁷ Khonyowa tü alokhie rügivü lasikhuh vünüh rheke, jüta sanü kütsü vü Saküüwuowa kütholah jüla turu. Jüti küsa vü Mosa vü aküwie küpehwa kuoratewa ketünga kükhra zhile küpehkenüh Israel nyiri tü ma münora nüh sa. Khonyowa tsotho vü khonyowa nüh aküsüwa viru ketünga jüüta kütholah sawiethuoüji,

⁸Sietse küüro nü jüma nyia vünüh müji nüh sanaveh lo?

⁹Küpakenühnyunü müshemüsümüna küsa küüro nga kütholah pehveh üji künyitsa küüro thuoüji jüma nyia vünüh kütholah ji naveh.

¹⁰Azhütsa, hama tü küsükeri kütholah saru thitü khinyithuoüji jümawatü kütholah münyietsa wiethuoh nüh samü, küpakenühnyunü kütholah jüma nyia vünüh kürühthewa nüh jikümüthuoh kenüh.

¹¹Küpakenühnyunü mükütüküzü müsümüna küsawa nga tholah veh üji küsuokürhowa thuoüji küzakele nga tholah na lo?

¹²Hiri tü jüüta küsa atüvü küluozhe pehküveh kenüh luoveh jishe veh.

¹³ Mosa kümüjie ma nyia tiehte nü Israelri tü kütholah kürawa sehkhe müküüngu nta küsa kümüjie nyu.

¹⁴Thitü mari luoveh tü sakükho shehmütü, jükenüh nosü küju wienga mari tü kütsathuoh kürüwiwa chiethuoh üji kütiehte jümawatü müjie viküjavü pepeti, küpakenühnyunü Khrista vü mpa nüh jümawa viküja wie.

¹⁵Ah, nosü küjuwie nga Mosa zhüri chieküwa vü kühietej mawatü mari müshe lovü tü wiewieti.

¹⁶ Thitü nyi küsü nüh VÜWA vü kürele küru vü kühiete jümawa tü vijamüthuoh.

¹⁷VÜWA thuoüji Sietse thi VÜWA Sietse khiela pehveh nüh jüla thuoüji akükhe münyiethuoh.

¹⁸Thi khinyi thuoüji hiri aveh anyia mütiehtethuoh nüh VÜWAkütholah nonü kütholah küsü vünüh kütholah küsü vü khaphrüwa nü ma kümüjie samüthuoh, küpakenühnyunü hama tüVÜWA vünüh ru, thi ma thuoüji Sietse.