Read Pochuri Naga 2 KORINTHIARI 7 Bible Online

2 KORINTHIARI 7 - Pochuri Naga bible

2 KORINTHIARI 7

¹Jükenüh küümzeri, azhü hamari phra hiri tsü küsa kenüh hiri satsa thi hiri sietse sakümüneh kümüri phrühmü luo, thi Saküüwuowa kükrü vünüh sakümtsejumü luo.

²Nohri luoveh sa hiri tsüluo, hiri tü nyi küsü vü nga mükülemüsa, hiri tü nyi küsü nga samükümüsü hiri tü nyi küsüvü nga hiri kümüshe satemüwa.

³Hi nüh nohri müshemüsü nti hama küzamüveh, küpakenühnyunü sütü kürü sü thi rho tü kürü kürho sa nti küsa kenüh nohri tü hiri luoveh lovü tümüthuoh ti hi nüh khana vünüh küzamüthuoh.

⁴Hi nüh nohri vü kütsotü küji peh veh, hi tü külozhe küji nohri vü pehveh; hi tü luoveh kürüzi nüh promüthuoh. Hiri kümnomna aveh vünüh hi tü lozhe shehmüwiethuoh.

⁵Küpakenühnyunü hiri tü Makedonia vü küru vü nga satü hiri satsa tü kümünyie küsü nga münyie nüh awuowuo vünüh kümnomna ngu, alievü thuoüji siesaluo thi alovü thuoüji krü ti sa.

⁶Thitü lorü sheh taji kütseri luoveh saküürüziwa Saküüwuowa nüh Tita küüru kenüh hiri luoveh rüzihra.

⁷Thi ma küru kenüh mpa nyu thitü ma nüh nohri vünüh maküüchüra ru küüza kenüh, nohri hi müngu veh ta ru hiri küza, nohri lorü küveh, nohri eh kenüh luoveh tsazaküveh, jükenüh hi tü lozhe sheh wieveh.

⁸Küpakenühnyunü hi nüh e lasi vünüh nohri lo sakürümüwie ketünga hi nüh jüma tü küsaleh nyu nüh samü ti küsamüshemüveh, küpakenühnyunü tsotho pikewie ketünga lasi jüma nüh nohri alo sakürükümü hi nüh thsüra.

⁹Nohri lokürü kenüh hi tü lozhemüveh, thitü nohri lokürü thuoüji nohri nüh luoveh khaphrü VÜWA vü kütse kenüh wie; küpakenühnyunü nohri lokürü tü küzhütsa kürho kenüh lokürü wie; jükenüh hiri kenüh nohri tü zanyo küsü nga mükrie.

¹⁰Küpakenühnyunü VÜWA kümüshe vünüh lokürü thuoüji luovehkhaphrüra nü küülole vü wa nü lokürü müngura, thitü azhih vü lokürüwa thuoüji aküsü ngunguti.

¹¹Küpakenühnyunü VÜWA kümüshe vünüh lokürü tü luovehkütsaza küzakele nga nohri vünüh shuru thuoh nüh noluo, kütsazawa nohri mpa nüh sakumushora, küzakele nga nohri arüshunüh, nohri tü küzakele nga krü nüh, nohri tü küzakele nga nyuri müngu ru nüh, nohri tü küzakele nga luoveh tsaza ru nüh, küzakele nga kümnomna ngu nüh! Thi rühle aveh vü nga nohri tü zhühnyo jümari vü müküle münyie ta nohri mpathsüvehthuoh.

¹²Jükenüh hi nüh nohri vü khanavü rhükütsü khuwa thuoüji müküle sakümüwa kenüh nyu, nyutü müküle vünüh küüzhikerawa kenüh nyu, thitü hiri kenüh luoveh tsaza kütsewa Saküüwuowa atüvü nohri küthsü na küsa kenüh wie.

¹³Jükenüh hiri tü luoveh rüzihmüthuoh. Thi jüma nyia vü nga hiri mpa hiri luoveh kürüzih anyia vünüh Tita loküzhe kenüh hiri tü lozhe hüveh, küpakenühnyunü nohri aveh kenüh ma luoveh tü rüzih she küvehkenüh.

¹⁴Thi hi nüh loküzhe nohri vü pehküvehwa ma vü küza wie ketünga hi tü samüküzükrü; thitü hiri nüh nohri vü küüzari aveh tü zhütsa, jükenüh Tita atüvü hiri loküzhewa nga zhütsata küsa thsürathuoh.

¹⁵Nohri aveh nüh azhüküüna ma nüh kümüshera vü thi nohri krü thi khekhe ta küshü nü ma küsieke müshe nü ma luovehwa tü küzhitsa nohri vü tewavehthuoh.

¹⁶Hi tü lozheveh, küpakenühnyunü nohri vü e kütsotü pehtokümüthuoh kenüh.