Read Pochuri Naga KOLOSIRI 2 Bible Online

KOLOSIRI 2 - Pochuri Naga bible

KOLOSIRI 2

¹Küpakenühnyunü hi nüh nohri kenüh thi Laodikia vü küpehri kenüh thi eh tso müjie künguri kenüh eh kükhra thse nü küroküvehwa nohri küüthsü nthe.

²Mari küümze küsü vü pehküveh kümüjie mari luoveh aveh küchütsü, küthsütohra künyirhieri aveh thi aküthsü Saküüwuowa zhü küsheh, Khrista zhiwa peh.

³Ma vünüh kümahtsa thi küthsü zhi aveh küthi saveh.

⁴Hi nüh hama küüza thuoüji nyi küsü nga ru nohri vü rieriekhri taji müküümüra nti küsa kenüh wiethuoh.

⁵Eh satsa thuoüji nohri sie pehmüvehwie ketünga sietse vünüh nohri sietsewie, nohri kümühie thi Khrista vü nohri kütsotü müzhoküveh no nti lozheveh.

⁶Jükenüh nohri nüh Khrista Jisu VÜWA vikümü kümüjie mavünüh rholuo.

⁷Rüzoh wuke thi ma vünüh shi luo thi kümüna peh sheh wie nü nohri sosiekütsü kümüjie kütsotüvü kümüzhomüzho waluo.

⁸Nyiri zanyoküthsü thi müjuju vünüh müra kütse nyi küsünga nüh ru nü nohri vi kükhu vü müküthsetümü, jümari tü Khrista rühle vünüh mükünyu nyiri rühle vünüh thi azhihvü takrü sa kütse sietseri wie.

⁹Küpakenühnyunü Khrista vü Saküüwuowa kürho aveh satsa khemta rhoju peh küveh kenüh,

¹⁰thi nohri nga ma vünüh akürho küjuwa ngumüthuoh, ma thuoüji nyura nyia vü küji küsari thi kükhra küviri aveh nyia alüwa.

¹¹Khrista sie küsü küsa vünüh nohri tü ahu rhemüthuoh, nyiri nüh küsa hukürhewa nüh nyu, thitü Khrista ahukürhewa nüh rhesaveh, jümatü kükhiemuo satsa vünüh saküürüzihwa.

¹²Thi nohri tü baptis küsavü ma sie chowumüthuoh, aküsü vünüh ma saküürhowa Saküüwuowa kükhra vünüh jüma kenüh nohri nga ma sie rholemüthuoh.

¹³ Thi nohri, müküle küsa vünüh thi nohri asa ahu mükürhe vünüh sükümüri hiri müküle aveh nojatsü taji Saküüwuowa nüh ma sie nü küürholemüthuoh;

¹⁴wule vünüh mükülo sanü hiri phehküsawa nga ma nüh lejatsü, hamatü ma nüh khieluothso rügivü nüh zekemütü.

¹⁵Ma nüh ma vünüh kükhra küviri thi kümüzhori nyia vü khrara nü mari riesarie vijamütü nü müza atüvü sakütsamüthuoh.

¹⁶Jükenüh nyi küsü nga nohri vü kütsa nyutü küzhu nyutü akhu nyutü asah kürüthe nyutü Sabbath ti küji Judahri kümünyierülo küüna nohri vü müküüsatümü luo.

¹⁷Hamari thuoüji runa küsawa atso wie, thitü aküruwa thuoüji Khrista wiethuoh.

¹⁸Mari mpa nüh rie nü sakürünyie kütseri thi rügizhühleri kükhurüri nyi küsü nga nüh mari kürüzhe vünüh tsie thi mari müshe vünüh zanyo mümüshe nüh kuoti nü kütseri nüh nohri müshe samüküümüsütümü luo,

¹⁹mari thuoüji satsa aveh saküürhowa thi akhekheri vünüh hurüke thi arüthari küükhekeluo alüwa vü mükheke, jiküwa jümatü Saküüwuowa vünüh wie.

²⁰Nohri Khrista sie sümü nü azhih hama takrü sa küveh sietseri vünüh lejara thuoüji nohri tü mokenüh azhihwa zhi kümüjie vünüh rhowie veh lo?

²¹Mokenüh nohri tü “Jüma müpatümü,” “Jüma mümüpotümü,” thi “Jüma müshiketümü” ta küsa wule lovü pehveh lo?

²²Mari nüh viküveh kümüjie, zanyo jüri tü nyiri wule thi nyiri küsosiezhüwie.

²³Zanyo hari tü satsavü kümüshe samütsüra, tü kükhurü vü küthsü saküütsa, thi sakürünyie kütsa, thi satsa sakümnomna küvehwie.