Read Pochuri Naga 2 TIMOTHI 3 Bible Online

2 TIMOTHI 3 - Pochuri Naga bible

2 TIMOTHI 3

¹Rülo sehkhe vü tsotho kükho ru naveh ta küsa müsheluo.

²Nyiri tü ma mpa ma kenüh küphah, pesa kümüngu, kükuoti, thi ma mpa müshe küümühie le; nyuri müküchie; avühri zhümüküüna; nyuri kümüna mükütsü, thi rügi kürhokhuke mükünyie;

³mari tü nyuri noküümze mükünyie, küümze mükünyie, nyuri phrateküümüsü, küwuriehwusa; khuke khielota kümüsü, mari tü kümühiewa münongü nüh sanaveh;

⁴mari tü zhühja she naveh, nyura zhü müküüna, kürhiezarhieza teküwa; mari tü Saküüwuowa nyia vünüh azhihvü loküzhe lomü naveh;

⁵kükhra zhütsawa kulemü nü hiri nalewa aküthse vü mpa nüh küjeke naveh. Anyi jüüta küsari vünüh kietuo luo.

⁶Mari wuori thuoüji nyura zheh vü wa nü nyimza aromükünyieri müravehthuoh, nyimza jümari tü mari kükhiemuo vünüh müküle sanü khuoküzhovehthuoh thi mari kümüngu müküzüküzü vünüh müra tetsethuoh,

⁷nyimza jümari tü küzhütsahwa thsü nta tsotho aveh wurie vehtü müthsüra wiethuoh.

⁸Janes thi Jambres nüh Mosa sie küüproluo kümüjie anyi hamari tü küzhütsawa sie küproluomü, anyi jümara luoveh tü zanyomüshera müvehthuoh thi kütsotüvü müsara nüh satetsethuoh.

⁹Thitü mari tü letsuo sheh müwara, küpakenühnyunü küzakele mari tü zhe nüh nyiri aveh nüh ngu naveh. Jükümjie Janes thi Jambres vü nga sa wiethuoh.

¹⁰Thitü noh thuoüji eh küsosie, eh khuke, thi eh kürho vü mowa müshe tse nüh nyimüzhe tetsethuoh; noh nüh eh kütsotü, ehmüshe küsuo, eh küümze, eh küüzhikezhikhri,

¹¹ nyuri nüh hi saküümünomüna, eh kükhori, Antiok, Ikonium thi Listra vü momowa hi vü sanüh kümnomna mükümüshera küsetu aveh nohri nüh thsüveh! Thitü VÜWA nüh jümari aveh vünüh hi küloletsü.

¹²Thari nüh Khrista Jisu sie kütsarü vünüh kürho künyitsa kürho rhongüveh nüh kümnomna nguwie naveh;

¹³thi anyi kümüsüri thi nyuri kümürari tü kümüsü vünüh kümüsütsa tewa naveh, nyuri müra thi mari mpa mari nga mürati sanaveh.

¹⁴Thitü noh thuoüji sosie kütsü kümüjie thi tsotü müzho shehkümü kümüjie küzhütsawa vünüh mükütuotümü luo. Noh küsosieri tü thari nüh noh nüh thsüveh,

¹⁵thi Kümtse Zhütsazhüri tü no kürünguo vünüh thsümüthuoh ta küsa noh tü müsheluo; jümari nüh no vü kümütsa tsüra naveh thi Khrista Jisu kütsotü vünüh jüma nüh no küjo küülole vü wara naveh.

¹⁶Zhütsazhü aveh tü Saküüwuowa vünüh sahzhuküru khehwie, thi jümatü küzhütsa küsosie kenüh, müküle küsari sosiena küsa kenüh, khazih kümüri sakümüsho na küsa kenüh, thi kümüsho vünüh rho na küsa kenüh küütho kütsü kenüh,

¹⁷jütathuoüji anyi thawa nüh Saküüwuowa kütsüküna tse nüh jura taji küüro kümühie küsüküsü nga satü küsatserisara na