Read Pochuri Naga JEMS 3 Bible Online

JEMS 3 - Pochuri Naga bible

JEMS 3

¹Eh füri, nohri hozake nüh küsosie müsatümü. Küpakenühnyunü nohri nüh thsüküveh kümüjie küsosieri tü nyuri nyia vünüh hiri ashih nüh küümüzho sanaküveh kenüh.

²Hiri aveh nga sazihzih ti. Thitü nyi küsü nüh ma nüh küphrahte vü küsazih münyie wie thuoüji ma tü aküjuri thi ma mpa ma kürho aveh nga khetera veh.

³Hiri nüh arawuh tü hiri zhüküüna nti küsa kenüh amürü vima po khete tütüti, thi hiri nüh khievü wa ngü veh nüh masie wara veh.

⁴Nyutü juhie müshe nonoluo: ji sheh wie ketünga amürhü nüh we tsetseti, küürevüh kütazü wienga nüh ma küre tsetseti, thi küürewa nüh khievü wa ngü veh nüh wara veh.

⁵Jükümjie amizhi tü kütazü wie thitü kürhieza sheh zhü nga phrara veh. Anyih kütazü wie nga nüh aküze küji tsomümüti küsa müshenoluo!

⁶Thi amizhi tü anyih kümüjie wie. Hiri satsa azhie vü amizhi tü müküle azhie küsü, hiri satsa vü peh nü hiri satsa avehvü kümüsü küze veh. Nyihsuozü vünüh küru anyihwa nüh hiri kürho aveh tsoküze mümüti.

⁷Nyiri tü rezasa thi müwari, thi zhukütseri thi anga hamari aveh ketera naveh thi keteru.

⁸Thitü khinyi küjuwie nga amizhi tü mükhetera wie. Jümatü müsümü thi mükhetera, küsüra kümüzhi mpa nüh promü.

⁹Hiri nüh amizhi vi nü VÜWA thi Pawa kümüna tsü veh thi jüma vi hiri fülüpuori kümüzü sasati, afü jüri tü Saküüwuowa küthse vünüh sasaveh.

¹⁰Kümüna zhü thi kümüzü tü apo lovü nüh phrahzhu veh. Ehfüri, hakümjie küsavüh nyu.

¹¹Juwi küshupe küsü vünüh ajuh kümünge thi kükha shuvehülo?

¹²Eh füri, jichuorhu tü Olive avi müpera; rhelivi rhu tü jichuo müpera, nyutü aküzü küshupe vünüh ajuh kümünge müshura.

¹³Nohri azhie vü anyi wuori zanyoküthsü thi kümüshi pehveh ülo? Ma kürho kümühie nüh jüma müthsüji mümühie, ma kürho kürünyie thi küthsüwa nüh küüro kümühie müsaji mümühie.

¹⁴Thitü noluoveh lo vünüh noh nüh noküüjizhi peh, akükha peh, thi noh mpa no kümüka pehveh üji no küthsü vi nü küzhütsavü mükhiemuotümü.

¹⁵Zanyoküthsü jüri tü thajüwu vünüh müru; jüma tü azhihzhi, jümatü sietsezhi nyu thi sietsekümüsüwa zhi.

¹⁶Khiela noküümaluo thi kümüka pehveh ünüh jüla tü mükükatothi kümüsü aveh pehmü.

¹⁷Thitü küthsü rügi vünüh küruwa thuoüji pokhuwa mütse; rünyi, azhüzhü, thi kürütsarü; küümze pro, thi küürokümühie sazhuveh; küsü nga mümüshezih thi küthse müsa.

¹⁸Kürükümühie sakütsüri nüh kürükümühie küny