Read Pochuri Naga 1 PITOR 4 Bible Online

1 PITOR 4 - Pochuri Naga bible

1 PITOR 4

¹Khrista nüh ma satsa vü nü münomüna kümüthuoh kenüh ma nüh kümüshe mokümjie peh ünüh jükümjie vünüh noh mpa nüh no saküükhraluo; küpakenühnyunü thari nüh satsa vünüh münomüna naveh nüh kükhiemuo wuovü pehmüvehthuoh.

²Khinyi vünüh tuvü nyiri kümüngu vünüh müketetümü nü azhih hala no kürho küju Saküüwuowa kümüshewa nüh nohrikete tse luo.

³Nohri tü tsotho hothake mükütsotüri nüh küsangüri sanü ruthuoh. Nohri kürho tü mükümühie vünüh kümüsü kümünguvünüh, kümüshe vünüh, kürütsehju nü kümüshe vünüh, küru akha küzhu vünüh, thi tsorhe khuhrü nü kükre vünüh küzemüthuoh.

⁴Thitü khinyi thuoüji nohri nüh kümüsü kürho vü mükütsotüri sie küsü samüküvehthuoh kenüh mari tü ngo nü nohri phramüsüvehthuoh.

⁵Thitü mari tü mari mpa Saküüwuowa atüvü wa phrazhu wienaveh, ma tü rhoküvehri nga thi sükümüri ashih nga sa nta huopehveh.

⁶Jükenüh Zhühthe Kümühiewa tü aküsüri vü nga phrahtetsüthuoh, nyiri aveh ashih sakümü kümüjie mari kürho satsa ashih samüthuoh; mari tü Saküüwuowa kürho kümüjie kürhonta küsa kenüh mari sietse kürho vü azhü jüma phrahtetsü.

⁷Zanyo aveh sehkhe samü na küsa tsotho shehnyimüthuoh. Jükenüh nohri tü papaküsa kükhete peh luo thi lieke luo, kükhuoküsara saluo.

⁸Pehkhewie ketünga küzhütsa vünüh küsü nüh küsü kümüzeluo, küpakenühnyunü küümze nüh kükhiemuo hozake küzhuteraküveh kenüh.

⁹Küsü nüh küsü vü mükünyu müsatü nyiri aveh nga no zhehvü sieke luo.

¹⁰Küsüküsü nga Saküüwuowa nüh aküte kütsü küüchekümühieri kümüjie vünüh Saküüwuowa nüh aküte küütsakütsü küngurawa nyuri kenüh müvijimüühie.

¹¹Thari nüh phrahteveh nüh Saküüwuowa zhühlewa müphrahtejimümühie; thari nüh akütsü künaveh nüh ma tü Saküüwuowa nüh kükhra ma kütsüwa vi akütsümükünaji mümühie, jütathuoüji küsiake aveh tü Jisu Khrista vünüh Saküüwuowa vü tsüra naveh, küthohlathovü thi küsuokürho kükhra tü mazhi. Amen.

¹²Küümüze eh füri, küsükeri nga müjie küsetu nohri vü hozakeküna kümüte kümnomna hama kenüh müngotümü.

¹³Jütanyu nü nohri nüh Khrista kümnomnawa sie küsuo küvehkenüh lozheluo, jütathuoüji ma küthohla küütsa vü külozhenüh pro naveh.

¹⁴Nohri tü nyuri nüh müküchie küsa vü lozheluo, küpakenühnyunü nohri tü Khrista sehnyiri, mazhühnyo thuoüji küthohlathovü Sietse, Saküüwuowa Sietse nüh nohri vüpehvehthuoh.

¹⁵Mükütüküzü nohri wuori münomüna thuoüji ma tü nyuriküfethe kenüh, nyutü kürühu kenüh, nyutü müküle küsakenüh, nyutü nyura küüro vü nyuri saküüjakünya kenüh nyulanaveh.

¹⁶Jütanyu nü mükütüküzü noh nüh Khristanyiri küsü sanü münomüna thuoüji jüma kenüh müzükrütümü, thitü noh nüh Khrista anyo küvü kenüh Saküüwuowa müna sheh.

¹⁷Ashih küsate tsotho tü tetsethuoh, thi Saküüwuowa nyiri nüh pokhu sa ashih sanaveh. Mükütüküzü jüma tü hiri vünüh sate thuoüji Saküüwuowa vünüh Zhühthe Kümühiewa mükütsotüri tü mokümjie sehkhe sana lo?

¹⁸Zhütsazhü nüh küüza, “Anyi kümühieri nga Küülole khoveh üji; Saküüwuowa mükütsotü kükhiemuori tü moti sana lo?” ti küza.

¹⁹Jükenüh makeria nüh Saküüwuowa kümüshe vünüh kümnomnari tü mari müke kümühie vünüh mari Saküüjewa mütsotü tohkeji mümühie, ma thuoüji ma nüh phrahtekeküsawa müj