Read Pochuri Naga 2 PITOR 2 Bible Online

2 PITOR 2 - Pochuri Naga bible

2 PITOR 2

¹Khana vü anyiri aza vü kürie sietsaküthsü shuru, jükümjie nohri aza vü kürie küsosieri shuru naveh. Mari nüh küzorie, küsosie zhü müküzhütsa vituru naveh, thi mari mpa mari lüvü zhürüluo küzhorie virunaveh.

²Jütawie ketünga anyi hozake wie nga mari sazüh lekhujiri müzhetewa naveh; thi mari nü mowa sanü jümawa kenüh küzhütsa lekhujiwa phramüsünathuoh.

³Kürie küsosie hamari tü zanyo kümüngu kenüh nohri vü zhüku saphrate nü akünyia phanaveh. Küpakenühnyunü khana vü nüh mari shihwa tü küche savehthuoh, thi mari küzoriewa tü müzashe nü lieküveh.

⁴Rügi zhüleri khiemuo kümüvü Saküüwuowa tü münyihshiwie thuoh nüh nyihsuozü vü thsekümü, mürüli nüh mari küri nü kütsozo vü thsemü; jülanü mari tü shih küsa rülowa huopeveh.

⁵ Saküüwuowa nüh atükhu vü kürhora zhih tü kümüsie müsa, Mükütsotürivü aju nüh Küürhothe vüru; jüla küülole thuoüji Noah, nyuri vü künyitsazhü küsosiewa thi küpari nyi türü ti küülole wie.

⁶ Saküüwuowa nüh Sodom thi Gomorrah nyuküji künyi müshemüsü, ma nüh masü anyih nüh zoriemnü mükütsotüri vü athsoshi satsü.

⁷Ma nüh Lot anyi kümühiewa küloletsü, khonyo müvi nüh muomuo kürhori nü makülorü kümüwa.

⁸Nyikümühie jüma tü mari azhie vü rho, thi rülo tsotho mari kümüsü küsari ngu thi künara nü lorü münomünashe.

⁹Jükenüh mokümjie VÜWA kütsotüri tü kümüte vünüh külolenaveh nüh thsü, thi shihküsa rülo vü mokümjie nyikümsüri tü kümnomna vü thsenaveh ünüh ma nüh thsü,

¹⁰pehkhewie ketünga mari satsa mükümtse küüro kümünguri tü thi Saküüwuowa kükhra kürüri kümüsü sanaveh. Kürie küsosieri tü kükrü münyiewiethuoh thi rhiezamü, thi nyuri nyie vü küthola sanü rhoküvehri vü kvsieke münyie, mari küsiekenyunü mari müküchieke samü.

¹¹Rügi zhüleri tü kürie küsosieri nyie vünüh khra thi müzhoshe wietünga VÜWA atü vü müküchie sanü phrakümüsü nga müsa.

¹²Thitü anyi hamari tü wuriewuza nü samüwa kümüjie wuo nü re thi küzothe kümüjie wie; mari nüh müküthsüwa nüh vi mari müküchiesanü mari nyiaza ti. Thitü mari tü samüwa kümüjie zothemü naveh,

¹³Thi mari nüh mowa vi sakümnoma nü jüma vinü thuohle naveh. Mari kenüh loküzhe thuoüji thomüza küveh vü momowa sanaveh ünüh jüma vi mari satsa saküülora wiethuoh; nohri ashie tsaküveh vü mari ru nyikütsatü küzükrüwie, mari nüh ru nohri vü ashie nyi kütsa tü mari kümürari vünü lora küvehwie!

¹⁴Mari tü muomuo kürhovühri küchienüh küpa münongü; mari nüh kükhiemuo küsangü thuoüji maküpote münyiewie. Mari tü amüshe mükükhrari sie sakümüsümümüti. Mari tü zanyo kümüngu vi mari kürho samüthuoh. Mari tü Saküüwuowa nü küümze vü pemüthuoh!

¹⁵ Mari tü ale kümüshowa jamünü mari lekhuji kümiemüthuoh; mari tü Beor atsa Balaam nüh lekhuji kümüshewa vü nyitewathuoh, Ma tü müküle küsa vü nüh pesa küngu lomü,

¹⁶Thi ma kükhiemuo kenüh ma tü phra. Mazhi arawuh kümüjie küsa aküzawa nga nyiri azhü phra thi setsaküthsüra kvzhe müke nga ma nüh khe.

¹⁷Nyi hamari tü ajupra nge kümü thi akülu atsorüna küsa vü wekütse kümüjie; Saküüwuowa nü kütsozoshe vü makeri’a nüh ape küche müthuoh.

¹⁸Mari tü kürhiezasa thi aküzhezhü mpa phratseveh, thi asatsa kümüngu muomuokürho vünüh kümüsü vü penü kuoshuteküwari tieteteti.

¹⁹Mari thuoüji kümüsü küsa kürieri kükhu vü rhoveh thitü mari vü thuoüji sakürüzikütsü phrateteti mowa nüh nyiri anyie vü khranaveh nüh anyi jümatü siepewiethuoh.

²⁰Küpakenühnyunü mükütüküzü mari tü VÜWA thi küülolewa Jisu Khrista zanyo küthsü vünüh azhih hala hiri saküümüsüri vünüh tera taji shewa jümari hiri phehmüle nü hiri charamü thuoüji anyi jümara kürho tü apovü nyia vünüh ase vü nüh kümüsü samünathuoh.

²¹Jükenüh mari tü jümari thsünü azhükütsü kümtse mari vü tsüküsawa vünüh tewana küsanü künyitsa lekhujiwa müthsütsanü sakümüwa nüh küümphakhe.

²² Mari kenüh küthsüzhü vü küzaküsa, “Ashuh tü ma mpa ma küüwuowa shele müzhizhiti, thi awu tü aju saküüzü sawie ketünga shelewa asüpri lovü künyinyiti,” ta küsa khe wiethuoh.