Read Pochuri Naga KÜTHSÜKÜTSÜ 20 Bible Online

KÜTHSÜKÜTSÜ 20 - Pochuri Naga bible

KÜTHSÜKÜTSÜ 20

¹Jütiküsavü rügizhühleri küsü thajüwu vünüh küturu hi nüh ngu, ma tü ma ke vü azhikriewa mürüküsavüh thi mürüli küüzho küsü vi nü tse.

²Ma nüh asawa, mürekürüwiwa, jüma tü Mükünongü ti küjinyutü Tsuorewa tü re nü mürüli nüh mavi nyia küsü kürinü samü.

³Jütisanü rügizhühlewa nüh ma vi azhikrie lovü thsemü nü amürü kükhehvüh nüh fekemü, jütisanü ma tü anyiri müküümüra samütü. Jüma sevü nüh tsotho pike ma küshulenaveh.

⁴Thinü hi tü kajiperi ngu, thinü jürügi vü küpehri vü tü ashih küsa kükhra tsümü. Jüsevü nga Jisu nüh küzhütsa küthsükütsü küphrahte kenüh thi Saküüwuowa zhü küphrahtekenüh alü thuoh kümüri kürholi ngu. Mari tü asawa nyutü ma tsorhewa müjie khurüwie, nyutü mari atie vü nyutü ake vü thsoshiwa müjie feke wie. Mari tü rhole nü kaji sanü Jisu sie mavi anyie küsü kaji.

⁵(Sükümü küpari thuoüji mavi anyie küsü müjie küju rhomüsüra.) Hama tü küsüri kürhole apokhuwa.

⁶Thari nüh kürhole apokhu hala nyi rhole nüh jümari thuoüji loküzhe thi kütsia küngu shehtsahri. Küsü akünyiawa thuoüji mari vü kükhra münyiethuoh; mari tü Saküüwuowa thi Khrista levüri sanathuoh, thi mari tü ma sie mavi anyie küsü kajinaveh.

⁷Mavi nyie küsü jumthuoüji Tsuore[4] tü ma küsi küsa vünüh lejamü naveh,

⁸jütisanü ma tü alievü wa nü nyiri aveh müra nü azhih avehvü saküüporiemü naveh, jümatü, Gog thi Magog. Tsuore nüh arie sa nta ashünyi kümüjie mari aveh sieru juhküji nato vü sehzhu naveh.

⁹Mari tü azhih aveh vü küsuo porie nü Saküüwuowa nyiri küpehpe mükieshe khe thi ma nüh küümze nyuküjiwa nga mükieshe. Thitü thajüwu rügi vünüh anyih turu nü mari aveh zorie khehmü.

¹⁰Thi Tsuore mari kümürawa tü nyihsuozü lovü thsemü, jülovü tü asawa thi kürie setsaküthsüwa tü jülovü thsemüthuoh; thi mari tü rülo thi rüza küsuokürho sehkhesehkhe küjumünomüna navehthuoh.

¹¹ Jüsevü hi tü kajipe kümüjie küsü thi jüma rügi vü küpehwa ngu. Azhih thi thajüwu tü ma tüvü nüh tewa thi müngu wiethuoh nüh samü.

¹²Thinü aküsüri aküji küza zarike sanü kajipe atüvü tsieküpe hi nüh ngu. Lasiri tü shah, lasi küpa küsü shah, jüma tü kürho lasipha Lasiri lovü rhüküsa kümüjie aküsüri tü mari nüh rhoküvehvü mokümjie saküze nüh jüma vi nü mari ashih sa.

¹³Thi ajuh küjiwa tü ma vü aküsü pehküvehri küzemü. Aküsü thi azhih küsüwa masü tü aküsü masü vü pehküvehri küze, thi mari nüh mari kürho vü mokümjie saküze nüh jüma vinü ashih sa.

¹⁴Jütiküsavü Küsü thi azhih küsüwa masü tü nyihsuozü vü thsemü. (Nyihsuozü hama tü küsü künyiawa.)

¹⁵Thari nüh kürho lasipha lovü anyo rhümüsanüh