Read Pochuri Naga KÜTHSÜKÜTSÜ 4 Bible Online

KÜTHSÜKÜTSÜ 4 - Pochuri Naga bible

KÜTHSÜKÜTSÜ 4

¹Hama sevü hi tü kümohtsa küpa ngu le, thinü thajüwu vü mükhie küsü saküsa ngura. Thinü tütü khi kümüjie küsa ehtüvü nüh hi vü küüza küünara, “Hama sevü mowa sanaveh nüh hi nüh kütsanaveh nüh havü raluo,” ti küza.

² Thinü müküzhike wiethuoh nüh Sietsewa nüh hi vi ma kükhu vü thsemü. Thinü halie, thajüwu vü kajipe küsü peh thi jüla nyi küsü pehveh.

³Ma nyia tü aloh atso küpapaküsa ame kükhra riehrieh ta küsakümüjie, thi kajipe pote aveh amoteh aloh ame kükhra kümüzhi nüh mükieshe peh.

⁴Kajipe jüma tü kajipe küpa mükeke nü müzü rügi vü sierhü kükhruori mükeke nü müzü thsümünyi kümüji thi suna kajilüwa vünü pehveh.

⁵Kajipe vünüh atsorie, jikhi küsa khi, thi mükütuo nüh atsoküshikhi ru. Kajipe atüvü lati türü ju pehveh, jümaritü Saküüwuowa sietse türüri.

⁶ Jümase vü nga Kajipe atüvü juhküji mülaküthsothso nü küsa kümüjie küsa küsü peh. Kajipe mükieshewie nü awuowuo asevü thi atüvü notha pekümükiele asa akürho müzü peh.

⁷Asa apokhuwa tü amiewuowa kümüjie, akünyiawa thuoüji shüvotsa kümüjie; kücheawa nyia thuoüji anyira nyia kümüjie; thi amüzüawa thuoüji aluomü küjiwa küprü kümüjie.

⁸ Rhoküveh asa müzü jümari tü alovü nga thi alievü nga aküsa türoro pe. Mari tü mükütuo nüh rülo rüza ajü aza sape. “Mütse, mütse, mütse, VÜWA Saküüwuowa Kükhratsahwa thuoüji, ma thuoüji khana vünüh küpehlawa, khinyi nga küpehwa, thi thuohtü vü nga küpehwa,” ta sa peh.

⁹Asa rhoküpeh müzüri tü küthohla thi küsiake thi kümünakütsü za sa kajipe rügi vü küpehwa tsü, ma tü küsuokürho sehkhesehkhe küju rho, Mari nüh jütaküsa vü,

¹⁰sierhü kükhruori mükeke nü müzüri tü kajipe rügi vü küpehwa atüvü künyietsuo zeh nü küsuokürho sehkhesehkheküju kürhowa khurü. Mari tü mari kajilüwe kajipe atüvü vehjake nü,

¹¹“Hiri VÜWA thi Saküüwuowa! Noh thuoüji küthohla, küsiake, thi kükhra küvikütsewa. Küpakenühnyunü noh nüh zanyo aveh saküji, thi no kümüshe vünüh jümari tü pehra.”