Read Pohnpeian Senesis 5 Bible Online

Senesis 5 - Pohnpeian bible

Senesis 5

¹Ih met kadaudok en Adam kan. (Ni rahn me Koht ketin wiahda aramas akan, e ketin wiairailda rasehng ih.

²E ketin wiahda ohl oh lih, kupwuramwahwihirahla oh ketin kahdanekinirahla “Aramas.”)

³Ni Adam eh sounpar 130, e nainekihda pwutak emen duwehte ih, oh e kihong ede Sehd.

⁴Mwurin met Adam pil momourki sounpar 800 oh pil nainekihda seri kei,

⁵e ahpw sipalla ni eh sounpar 930.

⁶Ni Sehd eh sounpar 105, e nainekihda pwutak emen, ede Enos,

⁷oh mwuri e momourki sounpar 807. E nainekihda pil seri kei,

⁸e ahpw sipalla ni eh sounpar 912.

⁹Ni Enos eh sounpar 90, e nainekihda pwutak emen, ede Kenan,

¹⁰oh mwuri e pil momourki sounpar 815. E pil nainekihda seri kei,

¹¹e ahpw sipalla ni eh sounpar 905.

¹²Ni Kenan eh sounpar 70, e nainekihda pwutak emen, ede Maalalel,

¹³oh mwuri e pil momourki sounpar 840. E nainekihda pil seri kei,

¹⁴e ahpw sipalla ni eh sounpar 910.

¹⁵Ni Maalalel eh sounpar 65, e nainekihda pwutak emen, ede Sared,

¹⁶oh mwuri e pil momourki sounpar 830. E pil nainekihda seri kei,

¹⁷e ahpw sipalla ni eh sounpar 895.

¹⁸Ni Sared eh sounpar 162, e nainekihda pwutak emen, ede Enok,

¹⁹oh mwuri e pil momourki sounpar 800. E pil nainekihda seri kei,

²⁰e ahpw sipalla ni eh sounpar 962.

²¹Ni Enok eh sounpar 65, e nainekihda pwutak emen, ede Medusala,

²²mwurin met, Enok momourki sounpar 300 mwohn silangin Koht oh pil nainekihda seri kei.

²³Enok eri momourki sounpar 365.

²⁴E momour mwohn silangin Koht erein eh mour, e ahpw sohrala pwehki Koht eh ketin ketikihsang sampah.

²⁵Ni Medusala eh sounpar 187, e nainekihda pwutak emen, ede Lamek,

²⁶oh mwuri e pil momourki sounpar 782. E pil nainekihda seri kei,

²⁷e ahpw sipalla ni eh sounpar 969.

²⁸Ni Lamek eh sounpar 182, e nainekihda pwutak emen;

²⁹e ahpw mahsanih, “Sang nan pwehl me KAUN-O ketin kerialahr, seri menet pahn kamaiawihkitailda sang atail apwal akan”; ih eri kihong ede Noha.

³⁰Lamek eri pil momourki sounpar 595. E pil nainekihda seri kei,

³¹e ahpw sipalla ni eh sounpar 777.

³²Mwurin Noha eh lel sounpar 500, e nainekihda pwutak silimen, Sehm, Ahm, oh Saped.