Read Pohnpeian 1 Kronikel 2 Bible Online

1 Kronikel 2 - Pohnpeian bible

1 Kronikel 2

¹Seikop naineki pwutak ehk riemen: Reupen, Simion, Lipai, Suda, Isakar, Sepulon,

²Dan, Sosep, Pensamin, Napdali, Kad, oh Aser.

³Nein Suda pwutak koaros patpene me limmen. Silimen sang rehn eh pwoud Padsua, mehn Kenan men: Er, Onan, oh Sela. Nah mesenih, Er, pwutak suwed men ih, kahrehda KAUN-O ketikihsang eh mour.

⁴Damar, en nah pwutak eh pwoud, wiahiong Suda pwutak riemen, Peres oh Sera.

⁵Peres naineki pwutak riemen, Esron oh Amul.

⁶Rie Sera naineki pwutak limmen: Simri, Edan, Eman, Kalkol, oh Darda.

⁷Akan nein Karmi, emen kadaudok en Sera, kahrediong pohn mehn Israel paisuwed laud ehu ni eh nekinekid dipwisou lohdi nan mahwen kei me kasarawihongehr Koht.

⁸Edan naineki pwutak emen, iei Asaraia.

⁹Esron naineki pwutak silimen: Serameel, Ram, oh Kalep.

¹⁰Iet irekidien peneinei sang Ram lel Sehsi: Ram, Aminadap, Nahson (ohl kesempwal nan kadaudok en Suda),

¹¹Salmon, Pohas,

¹²Oped, oh Sehsi.

¹³Sehsi naineki pwutak isimen. Iet duwen irekidien irail sang ni me keieu laud: Eliap, Apinadap, Samma,

¹⁴Nedanel, Raddai,

¹⁵Osem, oh Depit.

¹⁶E pil naineki serepein riemen, Seruaia oh Apikail. Nein Sehsi serepein Seruaia naineki pwutak silimen: Apisai, Sohap, oh Asahel.

¹⁷Nah serepein teio, Apikail, pwoudiki Seder, kadaudok en Ismael, oh neira pwutak emen, ede Amasa.

¹⁸Kalep, nein Esron pwutak, pwoudiki Asupa oh ira naineki serepein men, ede Seriod. Liho wiahda pwutak silimen: Seser, Sopap, oh Ardon.

¹⁹Mwurin mehlahn Asupa, Kalep pwoudikihda Eprat, oh neira pwutak emen ede Hur.

²⁰Nein Hur pwutak iei Uri, oh nein nah pwutak iei Pesalel.

²¹Ni ahnsou me Esron sounpar weneisek, e pwoudikihda nein Makir serepein, rien Kilead. Ira eri wiahda neira pwutak emen ede Sekup,

²²oh Sekup wiahda nah pwutak emen ede Sair. Sair kaunda wehin Kilead erein sounpar rieisek siluh.

²³Ahpw wehi kan en Kesur oh Aram kalowehdi kahnimw weneisek wasao, iangahki kisin kahnimw kan en Sair oh Kenad, oh pil kahnimw kan me karanih wasa pwuko. Aramas koaros me kin kousoan wasao re wia kisehn kadaudok en Makir, semen Kilead.

²⁴Mwurin mehlahn Esron, nah pwutak Kalep uhd pwoudikihda Eprat, en eh pahpao eh pwoud. Neira pwutak emen ede Asuhr, iei ih me tepin kauwada kisin kahnimw en Tekoa.

²⁵Serameel, nein Esron mesenih, naineki pwutak limmen: Ram, me mesenih, Puna, Oren, Osem, oh Ahisa.

²⁶Ram naineki pwutak silimen: Maas, Samin, oh Eker. Serameel pil pwoudikihda emen lih tohrohr, ede Adara, oh neira pwutak emen, Onam.

²⁷Ram naineki pwutak silimen: Maas, Samin, oh Eker. Serameel pil pwoudikihda emen lih tohrohr, ede Adara, oh neira pwutak emen, Onam.

²⁸Onam naineki pwutak riemen, Sammai oh Sada, oh Sammai naineki pwutak riemen, Nadap oh Apisur.

²⁹Apisur pwoudikihda lih emen ede Apieil, oh ira wiahda pwutak riemen, Apan oh Molid.

³⁰Rien Apisur pwutak Nadap, naineki pwutak riemen, Seled oh Apaim, ahpw Seled mehla sohte nah pwutak.

³¹Apaim semen Isi, Isi semen Sesan, oh Sesan semen Alai.

³²Sada, rien Sammai, naineki pwutak riemen, Seder oh Sonadan, ahpw Seder mehla sohte nah pwutak.

³³Sonadan naineki pwutak riemen, Peled oh Sasa. Irail pwukat koaros kisehn kadaudok en Serameel.

³⁴Sesan sohte nah pwutak, ihte serepein kei. Mie nah ladu mehn Isip men ede Sara,

³⁵me e kihong emen nah serepein ko en pwoudikihda. Ira eri wiahda neira pwutak emen ede Attai.

³⁶Iet irekidien peneinei sang Attai lel Elisama: Attai, Nadan, Sapad,

⁴¹Sekamaia, oh Elisama.

⁴²Nein Kalep mesenih, rien Serameel, adaneki Mesa. Mesa iei semen Sip, me iei semen Maresa, me iei semen Epron.

⁴³Epron naineki pwutak pahmen: Kora, Tappua, Rekem, oh Sema.

⁴⁴Sema me semen Raham oh pahpa kahlap en Sorkeam. Rekem, rien Sema pwutak, me iei semen Sammai,

⁴⁵me iei semen Maon, me iei semen Pedsur.

⁴⁶Kalep pekehikihda lih emen ede Epa, oh liho wiahiong pwutak silimen: Aran, Mosa, oh Kases. Pil mie nein Aran pwutak emen ede Kases.

⁴⁷(Mie ohl emen adaneki Sadai naineki pwutak wenemen: Rekem, Sodam, Kesan, Pelet, Epa, oh Saap.)

⁴⁸Kalep pil pekehiki emen lih ede Maaka, me wiahiong pwutak riemen, Seper oh Tirana.

⁴⁹Mwuri liho pil wiahda pwutak riemen: Saap, iei ih me tepin kauwada kisin kahnimw en Madmanna; oh Sepa, iei ih me tepin kauwada kisin kahnimw kan en Makpena oh Kipea. Likin mepwukat, Kalep pil wiahda serepein men ede Aksa.

⁵⁰Irail pwukat pil iei kadaudok en Kalep. Hur, nein Kalep oh eh pwoud Eprat, mesenih. Nein Hur pwutak Sopal me tepin kauwada Kiriad Searim,

⁵¹nah pwutak keriemen, Salma me tepin kauwada Pedleem, oh nah pwutak kesilimen Arep me tepin kauwada Pedkader.

⁵²Sopal, me tepin kauwada Kiriad Searim, iei ih pahpa kahlap en aramas akan en Aroe, oh elep tohn Menuod,

⁵³oh peneinei pwukat me kin kousoan Kiriad Searim: mehn Idri, mehn Pud, mehn Sumad, oh mehn Misra. (Tohn kahnimw kan en Sora oh Estaol, iei kisehn peneinei pwukat.)

⁵⁴Salma, me tepin kauwada Pedleem, iei pahpa kahlap en aramas en Netopad, en Adrod Ped Sohap, oh mehn Sor, me iei kisehn peneinei riau nan Manaad.

⁵⁵(Peneinei pwukat me pahn sansal pah iei irail me koahiek en nting oh pil koahiek en pwurehng ntingihada kisinlikou kesempwal kan, re kin kousoan nan kisin kahnimw en Sapes: mehn Tirad, Simead, oh Sukad. Irail mehn Ken me pwopwoudlahng rehn mehn Rekap.)