Read Pohnpeian 2 Kronikel 3 Bible Online

2 Kronikel 3 - Pohnpeian bible

2 Kronikel 3

¹Nanmwarki Depit, semen Solomon, ketin kaunopadahr wasa me Tehnpaso pahn kokouda ie. E pahn mihte Serusalem, pohn nahna Moria, wasa me Arauna mehn Sepuso kin wiahki eh wasahn kamwakel kohn ie. Nanmwarki Solomon ketin tapihada kokoupen Tehnpaso

²ni keriaun sounpwong en kapahieun sounpar en eh mwehi.

³Tehnpas me Solomon kauwadahr reireiki piht 90 oh tehlapki piht 30.

⁴Perehn pedolong nan ihmwo tehlepehte tehlap en Tehnpaso me piht 30, oh piht 180 ile. Nan pereo pwon wiawihkihda kohl mwakelekel tohr.

⁵Sidar me wia dihd en masloalen pere keieu laudo oh kohl me kapwata, oh ni dinapw akan mahlen en tuhke pahm oh sihn kei me mi ie.

⁶Nanmwarkio kapwatahkihda Tehnpas Sarawio kisin takai kesempwal oh kohl me kohsang wehin Parpaim.

⁷E pil kapwatahkihda kohl dihd kan, reulap kan, wasahn pedolong kan, oh wenihmw kan. Tohndoadoahk kan parada kerup kei ni dihd kan.

⁸Perehn loale, me adaneki Wasa Sarawiheo, piht 30 reirei oh piht 30 tehlap, e pahrekiongete tehlap en Tehnpaso. Ten en kohl rieisek limau me kidimala dihd kan en Wasa Sarawiheo;

⁹ounses en kohl rieisek me wiahda nihl kan, oh dihd en perehn powe kan pil kidikidkihla kohl.

¹⁰Nanmwarkio pil mahsanihong sapwellime tohndoadoahk kan re en wiahkihda mete riemen kerup, kidimkihla kohl, oh kihdiong Wasa Sarawiheo,

¹¹wasa me ira kesihnen ie emen apali a emen apali sohpeidilahng ni wenihmwen pedolongo. Pehn pihr riau ong emenemen kerup ko, ehu pehnpihr reireiki piht isuh elep, pehnpihr ko uhpeseng oh doakpene nan werengen pereo oh lellahng ni dihd en apali pereo, ira ngappeseng oh tehlapki piht 30.

¹²wasa me ira kesihnen ie emen apali a emen apali sohpeidilahng ni wenihmwen pedolongo. Pehn pihr riau ong emenemen kerup ko, ehu pehnpihr reireiki piht isuh elep, pehnpihr ko uhpeseng oh doakpene nan werengen pereo oh lellahng ni dihd en apali pereo, ira ngappeseng oh tehlapki piht 30.

¹³wasa me ira kesihnen ie emen apali a emen apali sohpeidilahng ni wenihmwen pedolongo. Pehn pihr riau ong emenemen kerup ko, ehu pehnpihr reireiki piht isuh elep, pehnpihr ko uhpeseng oh doakpene nan werengen pereo oh lellahng ni dihd en apali pereo, ira ngappeseng oh tehlapki piht 30.

¹⁴Kahdeng en Wasa Sarawiheo wiawihkihda likou linen oh pil soangen likou teikan, me koaduh poh mei, ntahnmwel, oh weitahta, oh mwomwen kerup kei deiadiong powe.

¹⁵Nanmwarkio pil mahsanih re en wiahda uhr riapwoat, uhr riapwoato koaros reireiki piht 52, oh kihdiong mwohn Tehnpaso. Moangen uhr riapwoat ko koaros reireiki piht isuh elep.

¹⁶Pohn moangen uhro ko kapwatki sihn oh pwohmakraneid prons 100.

¹⁷Apwoat uhr ko mi apali oh apwoat apali en wasahn pedolong nan Tehnpaso: me mi palieir adaneki Sakin oh me mi paliepeng adaneki Pohas.