Read Pohnpeian Nehmaia 11 Bible Online

Nehmaia 11 - Pohnpeian bible

Nehmaia 11

¹Kaun akan me soandiong nan Serusalem, oh aramas teikan ahpw wiahda usuhs pwe re en pilada ehu peneinei sang nan peneinei eisek koaros pwe re en patohla oh kousoanla nan kahnimw sarawi Serusalem, oh luhwe kan pahn kousoanla nan kisin kahnimw kan oh kahnimw laud teikan.

²Aramas ako ahpw wia arail kaping ong mehmen me sang ni pein nsene pilada en kousoan Serusalem.

³Nan kahnimw teikan mehn Israel, samworo kan, mehn Lipai kan, tohndoadoahk en Tehnpas Sarawio, oh kadaudok kan en sapwellimen Solomon sounpapah kan kousoanla nan uhdahn sapwarail nan arail kahnimw kan. Me pahn sansal pah iei mwaren kaun akan en pwilidak en Suda me kin kousoan Serusalem:

⁴Adaia, nein Usaia oh eh pahpa kahlap Sekaraia. Eh pahpa kahlap teikan iei Amaraia, Sepataia, oh Maalalel, kadaudok en Peres, nein Suda pwutak.

⁵Maaseaia, nein Paruk oh eh pahpa kahlap Kolose. Eh pahpa kahlap teikan iei Asaia, Adaia, Soiarip, oh Sekaraia, kadaudok en Sela, nein Suda pwutak.

⁶Sang nan kadaudok en Peres, ohl koahiek 468 me kousoan Serusalem.

⁷Sallu, nein Mesullam oh eh pahpa kahlap Soed. Eh pahpa kahlap teikan iei Pedaia, Kolaia, Maaseaia, Idiel, oh Sesaia.

⁸Kappai oh Sallai, peneinei keren en Sallu. Koaros patpene, mehn Pensamin 928 me kousoan Serusalem.

⁹Soel nein Sikri me arail kaun, oh Suda, nein Assenua pwutak, me keriaun kaun lapalap nan kahnimwo. Sedaia nein Soiarip, oh Sakin.

¹⁰Samworo kan: Sedaia nein Soiarip, oh Sakin.

¹¹Seraia, nein Ilkaia oh eh pahpa kahlap Mesullam. Eh pahpa kahlap teikan iei Sadok, Meraiod, oh Ahidup, iei ih me Samworo Lapalap.

¹²Koaros patpene, kisehn peneinei wet me kin papah nan Tehnpas Sarawio me 822. Adaia, nein Seroham oh eh pahpa kahlap Pelalaia. Eh pahpa kahlap teikan iei Amsi, Sekaraia, Pasuhr, oh Malkaisa.

¹³Koaros patpene, kisehn peneinei wet me kaunen peneinei me 242. Amassai, nein Asarel oh eh pahpa kahlap Asai. Eh pahpa kahlap kan me iangahki Mesillemod oh Immer.

¹⁴Kisehn peneinei wet me 128 me wia sounpei koahiek kei. Arail kaun iei Sapdiel, kisehn ehu peneinei ndand. Semaia, nein Assup oh eh pahpa kahlap Asrikam. Eh pahpa kahlap kan me iangahki Asapaia oh Punni.

¹⁵Mehn Lipai: Semaia, nein Assup oh eh pahpa kahlap Asrikam. Eh pahpa kahlap kan me iangahki Asapaia oh Punni.

¹⁶Sapedai oh Sosapad, mehn Lipai sansal ira me pwukoahki doadoahk en likin Tehnpas Sarawio.

¹⁷Madanaia, nein Maika oh eh pahpa kahlap Sapdi, kadaudok en Asap. E kin kaun pwihnen sounkoul ni koulen kapingkalahngan. Pakpukaia, iei ih me sawasepen Madanaia. Apda, nein Sammua oh eh pahpa kahlap Kalal, kadaudok en Sedudun.

¹⁸Koaros patpene, mehn Lipai 284 me kousoan nan kahnimw sarawi Serusalem.

¹⁹Sounsilasil en Tehnpas Sarawio: Akkup, Talmon, oh kisehrail kan, koaros patpene me 172.

²⁰Luhwen mehn Israel koaros oh samworo oh mehn Lipai kan soandihte nan uhdahn sapwarail kan nan kahnimw teikan en Suda.

²¹Tohndoadoahk en Tehnpas Sarawio soandihte wasa kis nan Serusalem me adaneki Opel oh wia arail doadoahk pahn kaweid en Siha oh Kispa.

²²Kaunen tohndoadoahk en mehn Lipai me kousoan Serusalem iei Ussi, nein Pani oh eh pahpa kahlap Asapaia. Eh pahpa kahlap akan me iangahki Madanaia oh Maika, oh e towe peneineien Asap, peneinei me kin pwukoahki koul nan Tehnpas Sarawio ni ahnsoun kaudok.

²³Mie kosonned en wehi me pid duwen peneinei kan ar pahn wiliwiliali ong ni kaunda sounkoul kan ehuehu rahn.

²⁴Pedahaia nein Mesesapel, peneineien Sera oh kadaudok en Suda, iei ih me wiliepen mehn Israel nan mwoalen Persia.

²⁵Aramas tohto me kousoan nan kisin kahnimw kan limwahn arail mwetuwel kan. Irail kan me kisehn kadaudok en Suda kousoan nan Kiriad Arpa, Dipon, oh Sekapseel, oh nan kousapw akan limwahn kahnimw pwukat.

²⁶Re pil kousoan nan kahnimw kan en Sesua, Molada, Medpelet,

²⁷oh Asarsual, oh Peersepa oh kousapw akan me kapilpene.

²⁸Re kousoan nan kahnimw Siklak, nan Mekona oh nan kousapw akan en kahnimw pwukat,

²⁹nan Enrimmon, nan Sora, nan Sarmud,

³⁰nan Sanoa, nan Adullam, oh nan kousapw akan limwahn kahnimw pwukat. Re kousoan nan Lakis oh nan mwetuwel kan limwah, oh nan Aseka oh kousapw akan en Aseka. Eri, met wehwehki me mehn Suda kousoan nanpwungen sapwen Peersepa ni palieir oh Wahun Innom ni paliepeng.

³¹Kadaudok en Pensamin kousoan nan Kepa, ni paliepeng kolahng Mikmas, Ai, Pedel, oh nan kousapw akan limwahrail,

³²Anadod, Nop, Ananaia,

³³Asor, Rama, Kittaim,

³⁴Adid, Sepoim, Nepallat,

³⁵Lod, oh Ono, oh nan Wahun Sounwia dipwisou kan.

³⁶Ekei pwihn en mehn Lipai me kousoan nan wehin Suda kileldiong re en iang kousoan rehn mehn Pensamin kan.