Read Pohnpeian Sohp 12 Bible Online

Sohp 12 - Pohnpeian bible

Sohp 12

¹Ei, kumwail me ngilen aramas akan. Ma kumwail pahn mehla, kupwurokong pahn pil iang kumwail sohrala.

²Ei, kumwail me ngilen aramas akan. Ma kumwail pahn mehla, kupwurokong pahn pil iang kumwail sohrala.

³Ahpw pwehki eh mie ei mehn madamadau duwehte me kumwail ahneki; I sohte dohsang kumwail ni ire wet; aramas koaros wehwehki dahme kumwail ndahier.

⁴Kompoakepahi kan pil kouruhrkinieier met; re kouruhr, mehndahte ei pwung oh mwakelekel; ahpw mie ahnsou ehu me Koht ketin karonge ei kapakap.

⁵Sohte amwail apwal, ihme kumwail kepitkin ie; kumwail wokiher aramas emen me nektehn pwupwudi.

⁶Ahpw sounpirap akan oh aramas akan me sohte ar Koht kin momour ni popohl, mehnda ma ihte ar kehlail me re kin wiahki ar koht.

⁷Pil soahng tohto me menpihr kan oh mahn akan kak sukuhlihkin kumwail;

⁸kumwail peki loalokong en mahn en sampah kan oh mahn en nansed akan.

⁹Irail koaros wehwehki me nin limen KAUN-O me kapikirailda.

¹⁰Iei Koht me kin ketin kaweid mour en sapwellime mahn akan; mour en aramas koaros kin mihmi nin lime.

¹¹Ahpw nin duwen lowemwen eh kin perenki song nemen kisin mwenge, salengomw pil perenki rongorong ngilen mahsen kan.

¹²Aramas mah ahneki kupwurokong, ahpw Koht sapwellimaniki kupwurokong oh manaman. Aramas mah kan kin erpit; Koht sapwellimaniki erpit oh manaman en kamwakid wasa.

¹³Aramas mah ahneki kupwurokong, ahpw Koht sapwellimaniki kupwurokong oh manaman. Aramas mah kan kin erpit; Koht sapwellimaniki erpit oh manaman en kamwakid wasa.

¹⁴Ma Koht pahn kauwehla, ihs me kak pwurehng onehda, oh ihs me kak kasaledekihala aramas emen me Koht ketin salihedi?

¹⁵Pihl kin madada, ni ahnsou me Koht kin ketin kapweiekidi keteu; e kin lapakehda ni ahnsou me e kin ketin kadaredi keteu.

¹⁶Koht me ketin roson oh kin ketin powehdi ahnsou koaros; me likamw oh sounwia likamw koaros kin mihmi pahn sapwellime manaman.

¹⁷E kin ketikihsang kupwurokong en kaun akan oh kin ketin kupwurehda kaun akan en mwomwen pweipweila.

¹⁸E kin ketin kasapwilidi nanmwarki kan oh salihiraildi;

¹⁹e kin ketin kahaktikitikihala samworo kan oh aramas lapalap akan.

²⁰E kin ketin kanennenihala aramas likilik kan, oh ketikihsang kupwurokong en me mah kan.

²¹E kin ketin kanamenekihala me lapalap akan oh katokihedi kehlail en kaun akan.

²²E kin ketin kamarainihada wasa rotorot akan me rasehng wasa rotorot en mehla.

²³E kin ketin kakehlahda oh ketikihong manaman ong wehi kan, ahpw mwuhr e kin ketin kalowehdi oh kamwomwirailla.

²⁴E kin ketin kupwurehda arail kaun akan en mwomwen pweipweila oh ketin mweidohng irail en sansalongseli wasa kan;

²⁵re dedehmseli wasa nan rot oh wasawasasseli duwehte aramas sakaula kan.